|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
10-07-2009, 03:05 PM
|
||||
|
||||
أيهما تفضل ؟ ولماذا؟
طبعا من المعروف اننا احنا الشرقيين بصفة عامة والعرب بصفة خاصة عايشين حياة روحانية مش حياة مادية زى
الغرب بس هو ده الصح ولاايه يعنى أنت بتفضل ايه نكون ماديين ولاروحانييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ فيه تساؤل كمان هو أنت بتشوف جمال الانسان فى ايه بالضبط فى مظهره ولافى جوهره فى عقله ولافى قلبه فى أخلاقه ولا دى مش بقى ليها وجود فى ايه بالضبط
__________________
آخر تعديل بواسطة The Philosopher ، 10-07-2009 الساعة 03:19 PM |
|
#2
10-07-2009, 05:45 PM
|
||||
|
||||
|
هو فعلا الغرب حياتهم مادية او قاسية شوية مش زينا العاواطف والمشاعر هي اللي بتغلب علينا....
احنا عندنا لما نشوف مثلا حادثة او حد عايز مساعدة بتلاقي ناس تساعده لكن بره هيقولك وانا مالي يعني كل واحد في حاله ويلا نفسي وخلاص.... وهنا عندنا ممكن نقول ان احنا غالبا بتتحكم فينا مشاعرنا اكتر...... وعلى فكرة ديه احسن حاجة في العرب والمصريين خاصة انا شايفة كده ....بره باردين جداااااا في مشاعرهم في علاقتهم بالناس.... بس مش معنى كده ان الماديات مش مهمة هي جزء مهم في الحياة ومش الحياة كلها..... اما بقى بالنسبة للانسان انا شايفة ان جماله في اخلاقه .... اللي تجيب بعدها اي حاجة جميلة فيه.. شكراااااا جدااا على موضوعك.... في رعاية الله |
|
#3
10-07-2009, 05:53 PM
|
||||
|
||||
|
ايييييه يا احمد يا اخويا الاجازة اثرت عليك ولا ايه من غير سؤال انت عارف الاجابات كويس
طبعا روحانى احسن من مادى(مقولتش ان المادة مش مهمة لو قلت كدا ابقى كدابة بس الروحانية عندى اهم) جمال المرء فى جوهره طبعااااااااااااااا مظهره ايه بس(بس برضو ميبقاش مبهدل ان الله جميل يحب الجمال) اما عقله وقليه هقولك الاتنين مينفعش اختار بين دول بالذات العقل اللى بيمشى حياتنا اللى بنذاكر بيه ونخطط بيه والقلب ما ادراك ما القلب دا اللى معيشنا دا اللى بنحب بيه دا اللى بنشيل فيه الاحباب ومعنديش افضلية منهم وطبعا فى الاخلاق بص يا احمد انا هقولك حاجة لذيذة كدا اى ولد يولد اسمه male لما يبقى راجل راجل بجد يبقى man اللى بيخلى العيل يبقى راجل بجد الاخلاق دا الراجل البنت بقى اخلاق واخلاق واخلاق البنت اخلاقها وبس (وطبعا اخلاق المسلمة فى دينها)
__________________
ياريت اى حد ظلمته او اهنته ف اى يوم من الايم بقصد او من غير قصد يسامحنى 
|
|
#4
10-07-2009, 06:51 PM
|
||||
|
||||
|
انامش شايفة ان الحياة الروحانية ليها علا قة
بالشرق او الغرب بس يمكن علشان احنا معظمنا مسلمين بس اكيد يعني الحياة الروحانية افضل اما بقى بالنسبةللمظهر والجوهر فصعب تحكم على انسان من غير ما تدرس شخصيته كويس بس اكيد اللي هيخليك تدرس شخصيته مظهره العقل والقلب دول مش بينفصلوا اوي يعني اما الاخلاق دي اهم حاجة تحكم بيها على شخص معين على فكرة الموضوع جميل اوي
__________________
شعب مصر ده شعب اصيل اصله شارب مية نيل ولجل مصر بلدهم تفرحيعملولها المستحيل
|
|
#5
10-07-2009, 06:59 PM
|
||||
|
||||
|
شكرا على ردود حضراتكوا
بس ممكن أقول أن معظم الاحصائيات والدراسات بتقول أننا أكتر ناس بنتفاعل مع القصص والحكايات والأفلام والمسلسلات ودى حقيقة مش نقدر ننكرها احنا فعلا بنتأثر جدا بالحاجات دى لدرجة ان ممكن حد يبنى كل حياته على قصة سمعها أو حكاية قريها أو فيلم شافه دا حتى رمضان اللى هو المفروض شهر الصوم والعبادات عند معظمنا بيكون شهر المسلسلات بنستنى نتفرج على المسلسلات ونتفاعل معاها أوى يعنى احنا روحانين أوى للدرجة دى جمال الانسان من وجهة نظرى بيكون فى لسانه وعقله لأن ده اللى ربنا ميزه بيه عن غيره من الكائنات مش فيه كلب جميل بس احنا أجمل بلسانا وعقلنا لو قدرنا نستغلهم صح أحسن استغلال يعنى
__________________
|
|
#6
10-07-2009, 07:05 PM
|
||||
|
||||
|
على فكرة حكاية المسلسلات والافلام دي
مش روحانية دي عاطفة زايدة مش روحانية وبيتهيالي برده ان في ناس ف الغرب ممكن تتاثر بالحاجات دي
__________________
شعب مصر ده شعب اصيل اصله شارب مية نيل ولجل مصر بلدهم تفرحيعملولها المستحيل
|
|
#7
10-07-2009, 07:08 PM
|
||||
|
||||
|
اقتباس:
بس احنا مستنين النتيجة وربنا معاكى ومعانا كلنا
__________________
|
|
#8
10-07-2009, 07:11 PM
|
||||
|
||||
|
اقتباس:
فى الغرب بقى قليل جدا ممكن يصل الى حد النادر اللى بيتأثروا بالحاجات دى شكرا لمرور حضرتك
__________________
|
|
#9
10-07-2009, 07:16 PM
|
||||
|
||||
|
معلش في تعليق ليا كمان
انت قلت فالاول ان الغرب عايش حياةمادية وبعد كدة قلت بيفكروا بعقلهم بس اعتقد ان اللي بيفكر بعقله مش هيخلي كل حياته مادية او يمكن انت اخطات ف التعبير او انا فهمت غلط ياريت توضح
__________________
شعب مصر ده شعب اصيل اصله شارب مية نيل ولجل مصر بلدهم تفرحيعملولها المستحيل
|
|
#10
10-07-2009, 07:17 PM
|
||||
|
||||
|
اقتباس:
هما بره مش باردين هما كل واحد عارف اللى له واللى عليه بس بردوا انهيار المشاعر عندهم ده غلط الأخلاق أهم مايميز الانسان العاقل الحكيم فصيح اللسان الذى يعلم جيدا كيف يسخر كلامه لخدمة ذاته وغيره فيكون الأساس هو اللسان والعقل فاذا أحسنت استعملهم هتكون جميل والعكس شكرا لمرور حضرتك وجزاكى الله خيرا
__________________
|
|
#11
10-07-2009, 07:25 PM
|
||||
|
||||
|
اقتباس:
على العموم بصى اللى يفكر بعقله صح لازم يفهم أن الانسان بيتكون من عدة جوانب يعنى جانب جسمى واجتماعى وعقلى ووجدانى المفروض العاقل اللى يقدر يعمل توازن بين جميع هذه الجوانب يعنى مش يشبع حاجاته الجسمية ويترك بافى الحاجات أو يشبع حاجاته الوجدانية ويترك الباقى وهكذا الانسان ده تركيبه معقد جدا شكرا كمان مرة لتفاعلك مع الموضوع
__________________
|
|
#12
10-07-2009, 07:59 PM
|
||||
|
||||
|
أخر حاجة كنت عايز أقولها
هى ان الأخلاق دى مش ينفع أصلا نردها لجانب واحد فى الانسان بس كل الجوانب بتشترك فى تشكيل أخلاق الانسان يعنى أنت ذو خلق أكيد مش لأن دينك بيطلب منك كده وبس والا كده هتكون عديم الخلق أنت ذو خلق لأنك عايز يكون عندك أخلاق فى حاجة جواك بتأمرك بكده الحاجة دى ممكن نقول عنها الواجب العقلى أو الحاسة الخلقية الواجب العقلى كما قال الفيلسوف كانط أو الحاسة الخلقية كما قال شفتسبرى يعنى أنت بتحاول تسمو بأخلاقك لدافع جواك مش لأمر دينى أو أمر جسدى أو أمر اجتماعى أو غير ذلك أنا عارف أن الدين مهم جدا فى أنه بيوجه الانسان بس الدين مش كل حاجة من وجهة نظرى المتواضعة
__________________
|
|
#13
10-07-2009, 09:04 PM
|
|||
|
|||
|
طبيعة الشرقيين عموما مشاعرهم هي الي بتتحكم فيهم بنسبة اكتر
يعني في قلوبهم حب لبعضهم و شهامة و يمكن الحكاية دي بدأت تختفي شوية بس لسه موجودين اكتر في الاماكن الشعبية ... طبعا من وجهة نظريي ان دي صفة اساسية في المصريين بالذات و طبعا جمال الانسان في جوهره ..و مشاعرة و احساسيسه الي في قلبه بس بعقل يعني القلب و العقل متلازمين و حكاية ان الدين مش كل حاجة دي بحترم وجهة نظرك بس مش موفقاك عليها خالص..لان الدين هو الي بيخرج الاخلاق و القيم و المبادىء السليمة في كل واحد فينا مرسي ع الوضوع
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#14
10-07-2009, 10:06 PM
|
||||
|
||||
|
اقتباس:
بس ياريت تفهمى وجهة نظرى أنى أقول ان الدين مش كل حاجة أقصد بكده أن احنا مش لازم يكون الدين بس هو اللى بيوجهنا لعمل الخير والحرص عليه لأن فى الحالة دى هيكون ده فى صورة فروض علينا يعنى لازم نؤديها لأن احنا لو مش عملنا كده هندخل النار بصى لأنى كنت بدرس فلسفة مادة أدبية هقولك رأى واحد فيلسوف زى كانط بيقول أن الأوامر العقلية نوعين 1- أوامر مطلقة ودى وحدها الأفعال الخلقية الحقيقية ودى بتكون مطلوبة لذاتها ومش وسيلة لتحقيق أى أهداف زى مثلا لما العقل يأمر الانسان بأنه يذاكر ده فعل خلقى 2- أوامر شرطية ودى لايمكن ان تؤسس عليها الأخلاق لأنها لاتكون مطلوبة لذاتها بل يكون الفعل الخلقى وسيلة لتحقيق أهداف أخرى زى مثلا ذاكر عشان تنجح هنا الفعل كان بشرط والأخلاق لازم تكون مطلقة يعنى غير مقيدة بشروط فاحنا لو ردينا كل الأخلاق للدين هتكون الأخلاق دى فى صورة فروض على الانسان يعنى مش بارادته ولاباختياره وهتكون كلها أوامر شرطية يعنى بعمل الفعل عشان فيه مقابل وهو أنى هدخل الجنة
__________________
|
|
#15
10-07-2009, 11:01 PM
|
||||
|
||||
اقتباس:
اقتباس:
السلام عليكم ورحمة الله وبركاته
؟ اهم صفات هى اخى الكريم والتى يتعدد عليها كل اسالتك هى الاخلاق الاخلاق هى اساس الجوهر والحب والطيبه والتعايش بين الناس والاهم الصدق اخوك سيف عبد العظيم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:07 AM.
