|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
15-07-2009, 03:06 AM
|
||||
|
||||
هذيان بعد نص الليل..!!!
مين قال انك نسيت ؟؟
. دايما بتفضل تفاصيل صغيرة محفورة جواك .. كل ما بيجيلك وقت تتخيل انك نسيت ..ترجع التفاصيل دى تعرفك انك لسه فاكر وان النسيان ده لعبة انت مبتعرفش تلعبها .., الغريب انك وبمجرد ما تفتكر تفصيلة صغيرة .. بتغوص جواها .. لدرجة انك بتنفصل عن اللى حواليك وبتعيش الموقف كله من جديد . ساعات بتمسك نفسك وانت بتبتسم من غير سبب .. فى وسط انشغالك بمذاكرة .. بشغل .. فى وسط ما انت قاعد مع ناس وبتكلمهم .. فجأة تفتكر حاجة تخليك تبتسم .. تفتكر حاجة تهزك من جوه .. تفتكر كلمة تخليك تدمع .. فجأة بتكتشف انك لسه فاكر وانك قدامك وقت كبير علشان تقول أنا نسيت . أنا عارفك متصالح مع نفسك .. على قد ما بتلومها .. بس بتوصل معاها فى الاخرلحل وسط يرضيكو انتو الاتنين .. عارف انك مبتعملش حاجة غير لما بتكون مقتنع بيها جدا .. ليك فلسفة ومنطق بتمشى عليه ..يمكن فيه ناس كتير مبيفهموش ده ساعات .. بس مين قال انك عايزهم يفهموه .. طول ما انت مقتنع يبقى خلاص . أكيد ساعات بتحاول تفهم اللى حواليك منطقك .., وأكيد مفيش مرة حاولت ومنجحتش .. كل مرة كنت بتحاول فيها تعمل حاجة كنت بتنجح .., طيب ليه دلوقتى انت ساكت ؟؟ ..و ليه دلوقتى انت بعيد ؟؟ . يمكن لانك عارف ان فيه حاجات مينفعش فيها الكلام .., أو يمكن لانك شايف ان الكلام هيزود الوجع عندك وعندها .., وفى الاخر مفيش حاجة هتتغير لانك عارف انك طالما خدت قرار .. فانت أكيد فكرت ألف مرة قبل متاخده .., وطالما خدته يبقى كنت عارف ان مفيش رجوع . ممممممم .. ايه اللى محيرك طيب ؟؟ .. انك لسه منسيتش ؟؟ .., ومين قال انك عمرك نسيت .., شوف نفسك وانت قاعد مع صاحبك الفجر وبتحكو لبعض عن زمان .., شفت كم التفاصيل اللى عايش جواك واللى كنت فاكره راح .., شفت ازاى انت كنت مستمتع وانت بتحكى .., ازاى الحاجات اللى كانت بتوجعك زمان .. وكنت بتخاف حتى تفكر فيها .. ازاى بقت ذكرى بتحكيها لصاحبك وانتو مبتسمين .., شفت لهفتكو انتو الاتنين وانتو بتحكو .. لدرجة ان جه وقت بقيتو انتو الاتنين تتكلمو فى نفس الوقت ومحدش سامع التانى .. وكل واحد بيحكى ومش هدفه انه يحكى لصاحبه .., لأ بقى كل واحد مستمتع بانه لسه فاكر .. بقى كل واحد بيسمع حكاياته هو كأنها بتتحكيله مش هو اللى بيقولها .., بقيت عايش جواك بتفاصيلك القديمة وشايفها بحلوها ومرها ..حلوه .. لانها فى الاخر خلتك أنت .. خلتك البنى ادم اللى انت شايفه دلوقتى . الدنيا علمتك انها دايما بتتغير .. علمتك انك متخافش من بكرة اللى انت شايفه دلوقتى .. علشان بكرة ده لما ييجى هيبقى بكرة تانى غير اللى كنت خايف منه .., أو لأنك انت هتكون حد تانى غير الحد اللى كان خايف من بكره لما ييجى . بدأت تهيس مش كده ؟؟ . بس الدنيا علمتك كمان انك متجريش ورا بكرة وتنسى النهاردة .., علشان فى كل مرة عملت فيها كده اكتشفت ان طعم الحاجات كان أحسن زمان .. وان مفيش مرة بكرة جه فيها ..الا وعرفت انك مكنتش عادل فى حكمك على امبارح .بتحلم كتير ؟؟ ..أحلامك ساعات بتبقى كبيرة عليك ؟؟ .. اه .., ويمكن ده اللى بيضايقك معظم الوقت .., بس برضه انت طول عمرك شايف ان الحلم الكبير هو اللى يستحق انك تحلمه .., أى حاجة غيره متبقاش حلم .., عارف ..الأوقات اللى مبتحلمش فيها هى أوقات اكتئابك .., فكرة ان مفيش حاجة كبيرة انت بتسعى وراها .. من اكتر الحاجات اللى بتضايقك . ممممم بيتهيألى احنا اتكلمنا كتير النهاردة ..أقولك على حاجة .., قوم نام أحسن طبعا ده مش انا اللي كتباه .ده مما قرأت وزقزق ف دماغي
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
 |
|
#2
15-07-2009, 04:36 AM
|
||||
|
||||
|
فعلاً كلام إلى حد ما صحيح و زى ما بيقولوا
يا من تحن إلى غد فى يومه ^ قد بعت ما تدرى بما لا تعلم جزاكِ الله خيرًا على الموضوع الحلو
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#3
15-07-2009, 05:53 AM
|
||||
|
||||
|
ممم
موضوع جميل فعلا
وجزاكم الله خيرا أحيانا بيكون حلو لما الواحد يفنكر مجرد حاجه صغنتته خالص وأحيانا بيبقى عايز يفقد الذاكره لمجرد إن إفتكر حاجه صغنتته برده بس الأفضل ان الواحد ياخد الموضوع ب إيجابيه يعني حلو الحمد لله عشته ولو مش حلو الحمد لله عدى وكل ذكرى وليها نصيب
__________________
|
|
#4
15-07-2009, 10:51 AM
|
||||
|
||||
|
جزاكى الله خيرا
تقبلى مرورى
__________________
 كم كنت اتمنى ان اراكى يوماااااااااااااااااا
|
|
#5
15-07-2009, 12:53 PM
|
||||
|
||||
|
هو مين اللى قال إن الإنسان ميقدرش ينسى بالنسبه لأحلام اليقظه فلها حل أكيد
__________________
ما أعظم ان تكون الغائب الحاضر على أن تكون الـحـاضـر الـغـائـب
|
|
#6
16-07-2009, 11:02 PM
|
||||
|
||||
|
بارك الله فيكى ياحبيبت قلبى بجد
اكثر من رائع
__________________
 جدول حملة انا ملتزمة فى رمضان
|
|
#8
17-07-2009, 08:36 PM
|
||||
|
||||
|
هههههههههههههههههههه
والله انتا عسل
__________________
كم كنت اتمنى ان اراكى يوماااااااااااااااااا
|
|
#9
17-07-2009, 08:47 PM
|
||||
|
||||
|
حاجة جميلة جدا
اتحفينا بكل ما هو جميل
__________________
|
|
#10
20-07-2009, 03:04 AM
|
||||
|
||||
|
مش قادرة اوصف جمال الموضوع
بجد و الله رائع و ممتاز فعلا رائع انا كتيررررررررررررررررررررررررر بفكر كده فعلا حسيت انى قريت الموضوع وانتقلت لعالم تانى و افتكرت حاجات زمانننننننننن بفرح لما بفتكر الحلو /الوحش انا مش عارفة اقولك ايه غير ان موضوعك ده فكرنى بحاجة كنت خلاص قربت انساها هيه انى كنت هبطل تفكير و تفلسف كنت هبطل افكر فى كل حاجة بجد فعلا رائع الموضوع الله اكبر و عارفة ايه اكتر حاجة عاجبانى فيه عنوانه لانى لما بفكر الافكار دى ببقى فعلا فى نص الليل هذيان بعد نص الليل عنوان رائعععععع لموضوع ولا اروع شكرا على الموضوع الرائع
__________________
Man is the artificer of his own happiness
Helen Keller تقريبا كده نهاية الخط |
|
#12
22-07-2009, 04:13 PM
|
||||
|
||||
|
والله كلام جميل
بيخاطب نفس البني آدم انا فعلاً لما بكون مكتئبه او كده مش بحلم .. و بقول مش هوصل لكن بمجرد ما اخرج من اكتئابي بقول هوصل لكل حاجه انا عايزاها بأمر الله فعلاً ساعات الواحد بيقول هو نسي لما بينشغل في حاجه و اول ما يحصل حاجه تفكره بالحاجه دي يلاقي نفسه فاكر كل حاجه كأنها حصلت امبارح بس مش بيكون متأثر اوي زي ماتكون لسه حاصله يلا الحمد لله شكراً للموضوع الجميل
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#13
24-07-2009, 03:26 PM
|
||||
|
||||
|
بصراحة انا لما قريت الموضوع ونقلته قلت الناس هاتقول عليا هبلة عشان على الاقل نقلته
كنت فاكرة انا بس اللي بفكر كده الحمدلله طلعت مش انا لوحدي جزيتم خيرا لمروكم
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:04 PM.
