حروب الدروس الخصوصية بالمحلة الكبرى

[صلاح نصر]

هل مايجرى بمدينة المحلة الكبرى من المدرسين فى هذة الاوقات معقول فلأول مرة فى حياتنا نجد هذة الحرب بينهم وهى فعلا حرب كل منهم يحاول الاستيلاء على اكبر قدر من الطلبة عندة فنجد اليوم اعلانات على جميع الحوائط والشوارع ويفط معلقة فى كل مكان للمعاهد الخاصة (ولا أعرف مين اللى سماها معهد) وفجأة يظهر بلطجية معهد اخر يقومون بمسح جميع الاعلانات وتمزيق اليفط الموجودة لمعهد اخر ثم يأتى ثالث يفعل ما فعلة الثانى ثم ينتقم المعهد الاول بمسح وتمزيق كل ما يقابلة لأى معهد من اعلانات ويفط ...........
هل هذا هو سلوك المدرس ..المعلم (بضم الميم) واللة انا وكل من حولى فى شدة الاستغراب مما نراة لدرجة ان احد هذة المعاهد قام بعمل اعلان لة فى التلفزيون فى قناة خاصة تبث فى مدينة المحلة فقط :.......ومن الان المعلم (بضم الميم )اصبح معلم (بفتح الميم)....أقول لسيادتكم نحن فى أخر الزمان والقيامة على الابواب وربنا يستر على عقول اولادنا وبناتنا من هؤلاء المهووسين بجمع المال

[Mr.Ahmed Fadel]

والله يا استاذ صلاح
الكلمه الان لأهل المحلة
لو ابعدوا ابنائهم عن هذه المراكز المتحاربة
حيعرفوا ان الناس مش هابله وفاهمه كل حاجه وستنتهى هذه الظاهرة
أما اذا وجدوا اقبال
فانتظروا تكرار هذه المأساة سنويا

[dr-rana]

فعلا كان في حرب جامدة وما زالت

شكرا على التوضيح

[mr_ehab4m]

تصحيح صغير
من قطع اليفط ثلاثة مرات في منطقة المنشية وشارع 10 والترعة هي المرافق وليس المدرسين

اما المشهد فهو قذر

فأنا مدرس رياضيات واسمي ايهاب مرعي
وقد يكون بعضكم في هذه المناطق شاهد اعلانات لي ولكنها ملصقات لصقها لي اشخاص استأجرتهم وكنت اتعمد عدم لصقها علي اي اعلان الا لو مقطوع تماما
ولم الصق علي جامع واذا لصقت علي بيت فلا الصق الا علي بيت سبق ولصق عليه ولم تقطع الاعلانات التي عليه اي انهم غير متضايقين وان كنت انوي عدم تكرارها لأنه اصبح يرخص من قيمة المدرس( مع العلم انها مهنة مثل كل المهن والدكتور والمهندس والمرشح للأنتخابات حتي الئيس اعلن عن نفسه )

ولكن بعد ذالك لصق عليا وكان بأمكاني اعادة الطبع واللصق ولكن المشهد اصبح سئ وخاصتا بعد قطع اليفط حيث اتجه اصحاب المعاهد للصق علي اي مكان ولكن للأمانة قليل ما يلصقون علي بعضهم البعض ( اصحاب المعاهد ) قد يلصقون علي ورق المدرسين ويلصق عليهم المدرسين
اما ما زاد هذا المشهد فهو قطع الحكومة لليفط وشيئ هام وهو عدم وجود 3 ثانوي فقام المدرسين بالعمل اكثر في الصف الاول الثانوي فزادت المنافسة وكذالك الاشخاص المستأجرين للصق فمنهم من يتعمد اللصق علي من لم يستأجره عندا فيه

ولكن وبصراحة المشهد سئ مما شجع باقي المعاهد والمدرسين علي اللصق والتعليق وتوزيع الورق لأنهم خافوا ان يشد ذالك الطلبة منهم فزادة المنافسة

ولكن هناك ميزة ان ذالك سيشجع المنافسة اكثر واكثر فتزيد جودة المعاهد والمدرسين ويزيد الاهتمام

اما المدهش فأن نصف المدرسين تجدهم في حوالي 4 او 5 معاهد متقاربة وهذه المعاهد تتنافس بشدة بالرغم من اشتراكها في المدرسين الكبار

[صلاح نصر]

المشاركة الأصلية كتبت بواسطة mr.ahmed fadel

والله يا استاذ صلاح
الكلمه الان لأهل المحلة
لو ابعدوا ابنائهم عن هذه المراكز المتحاربة
حيعرفوا ان الناس مش هابله وفاهمه كل حاجه وستنتهى هذه الظاهرة
أما اذا وجدوا اقبال
فانتظروا تكرار هذه المأساة سنويا

اولا اشكرك جزيلا على الرد
وثانيا نبعد اولادنا ازاى وكل المعاهد بتعمل كدة والسيد الوزير المحترم تماشيا مع محاربة الدروس الخصوصية خلى مفيش طلبة بتروح المدرسة فى ثالثة اعدادى وثانية وثالثة ثانوى ولو رحت اى مدرسة حتلاقى الفصول المذكورة خالية تماما من الطلبة ولازم وبالاكراة جميع الطلبة تاخد دروس فى جميع المواد وعلشان المدرسين حبايب الوزير اضاف الرسم والكمبيوتر للمجموع فى ثالثة اعدادى لدرجة ان الطلبة دلوقتى بتاخد دروس فى الرسم والاجمل ان مدرس الرسم بيعتبر نفسة فنان مش مدرس فمثلا بنتى كانت بتاخد حصة الرسم الواحدة ب30 جنية مع العلم ان مدرس العربى بياخد فى الشهر كلة 35 جنية وسواء دة او دة مجموعات طبعا مش درس خصوصى..... ولسة النظام الجديد اللى عاملة حيخلى العملية مش دروس لأ دى حتبقى رشاوى حسب وجهة نظرى لما الانشطة والالعاب تبقى على المجموع هى كمان.......:........وعجبى

[صلاح نصر]

المشاركة الأصلية كتبت بواسطة dr-rana

فعلا كان في حرب جامدة وما زالت

شكرا على التوضيح

اشكرك على المرور وفعلا كل الناس واخدة بالها اهة دة انا بحسب ان فى ناس مش شايفة اللى بيحصل

[puma_stone]

مشكلة الدروس من الأمراض المزمنة و التوطنة فى مصر فقط و الأسباب هى 1= أولياء الأمور نفسهم بيهدمو ما تبنية الحكومة بمعنى ولى الأمر هو اللى بيشجع ولادة على عدم الذهاب للمدرسة و الأسخم من كدة بيعلم عيالة انهم ما بيعبروش المدرس و انة ممكن يسجن المدرس و يشحططة فى الأقسام و بالتالى المدرس فى المدرسة بيدى للعيال الطرشة و بيطنش حفاظا على نفسة و كرامتة ثانيا لو فرضنا ان الطالب هيروح المدرسة و هو مخلص ربع المنهج يبقى المدرس داخل الفصل هيشتغل اية رقاصة لأنة هيطبل فى المطبل ثالثا المدرسين نفسهم نفسى ما يبقوش زى كلب التجربة بتاع بافلوف فى تجربة الارتباط الشرطى الولد يلوح لة بالجنية تلاقى اللعاب سايل لازم أصون كرامتى قبل الجنية و الله هذا حصل فى اولى اعدادى مدرس قال الأولد فى الفصل هاتو فلوس الدرس و لا تجوش و أنا هاديكو الدرجات و كانت النتيجة 14 من 15 فى ملف الانجاز و 2 او 3 من15 مى الامتحان التحريرى رابعا لازم الحكومة الللا صرفت على المبانى و الأجهزة وفعلا عدلت كتير من أحوال المدرسين اللى انا واحد منهم أن تعتقل كل مدرس يعطل العملية التعليمية داخل او خارج المدرسة و حرمان الطالب من التعليم المجانى اذا لم يحضر المدرسة او ينهى عقد المدرس اامخالف و الحديث لة بقية