|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
22-08-2009, 08:13 AM
|
||||
|
||||
ظاهرة رمى الكتب بعد الانتهاء من الدراسة
انهاردة موضوعنا عن ظاهرة منتشرة فى البيوت المصرية  ظاهرة رمى الكتب بعد الانتهاء من الدراسه للكتاب مكانة كبيرة في الحضارة الإسلامية ويظهر في أول آية نزلت على الرسول صلى الله عليه وسلم تؤمر بالقراءة. قال تعالى" اقرأ باسم ربك الذي خلق* خلق الإنسان من علق* اقرأ وربك الأكرم الذي علم بالقلم* علم الإنسان ما لم يعلم". الكتاب أداة من أدوات الثقافة والكتاب منذ بدء الخلق له دور في الهداية والإرشاد وأن الكتاب . فينبغي أن نحافظ على الكتب المدرسية التي تساعدنا في غرس المبادئ السليمة والصفات الطيبة التي تتماشى مع الدين الإسلامي لماذا نرى في ساحات المدارس وعلى الطرق وفي الشوارع الكتب المرمية بعد الاختبارت ؟ ما هي الأسباب التي تجعل الطلبة والطالبات رمي كتبهم بعد الاختبارات ؟ ما هي الحلول لحل مشكلة رمي الكتب بعد الاختبارات ؟؟ آمل من الجميع المشاركة ووضع الحلول المناسبة .. لأن الكتب تحتوي على آيات قرآنية وأحاديث شريفة .. وعلم نافع
__________________
You can only go as far as you push
 
|
|
#2
22-08-2009, 11:26 AM
|
||||
|
||||
و الله موضوع جميل و يستحق المناقشة
أنا كل أصحابى بيتخنقوا منى لما يلاقونى بحتفظ بكتب المدرسة مع إن الغريبة فيهم إن أول ما نخلص إمتحانات بيشحنوا الكتب على عربية الروبابكية طب ليه؟؟ مش هقول مثلاً إحتفظوا بيهم يمكن ينفعكوا فى حاجة لإن معظم الطلبة مش بتحب القراية و خصوصاً لو كتاب المدرسة طب مانحتفظ بيهم يمكن فى حد من جيرانا أو قرايبنا محتاجين الكتب أو حتى لو مش محتاجنهم ولا فى حد نعرفه محتاجهم فى جمعيات خيرية عاملة نشاط إسمه Recycling بتسلمهم كتبك و هما بيعيدوا تصنيعهم من تانى و فلوسه بتروح للأيتام أو أى نشاط تانى داخل الجمعية أو لو فى أيتام فى الجمعية الخيرية محتاجين الكتب دى بياخدوهم تخيلوا فى بيتنا حاجة مش محتاجنها ولا بنهتم بيها و ممكن نكسب منها ثواب لكن إحنا بكل بساطة نرميها و مانستفدش حاجة أبداً !! و يا ريت كمان خلال السنة الدراسية نحافظ على الكتب مش نفضل نشخبط و نرسم و نقطع و نعمل طيارات ورق يعنى نخلى مظهر الكتب كويس علشان لو راحت لحد تانى خصوصاً لو يتيم يحس بالإرتياح و إن الكتاب ده بتاعه و يحس بإحترام الناس ليه و تقريباً الوزارة كانت عاملة نظام جميل أوى اللى هو نحافظ على الكتب بشكل كويس و آخر السنة نسلمهم للوزارة علشان مايبقاش فى إستهلاك كل سنة للورق و مصاريف كتير تتصرف على الفاضى و دى بجد فكرة جميلة جداً مش عارفة بيتطبق دلوقتى ولا لأ جزاكِ الله كل خير يا مروة على الموضوع الجميل و يا رب يجى بفايدة و كل سنة وأنتم طيبين
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#3
22-08-2009, 04:21 PM
|
||||
|
||||
|
هههههههههه لا مش عارفه انا شايفه ان حاجه مش بستفيد بيها اثناء السنه اصلا
هسيبها ليه وكركبه ومش هلاقيلها مكان فلو حد عاوزها بنتبع بدل نظام اللريسكلينج يا ست المثقه ياللى فوقى  فى نظام حلو اسمه التشحيت  .. وبعدين فى جمعيات بتبقى عاوزه الكتب دى مش عارفه ع ايه اصلا مكلنا بنجيب كتب خارجيه ماعلينا بياخدوهم بتيجى بئا اخر مرحله وهى الكتب اللى مش لاقينلها مكان عشان نتخلص منها الراجل الغلبان بتاع الروبابيكيا ياخدهم (مش وظيفته بردو ) وبعدين الراجل بيديها لجهات منتجه كتير ع رأسهم بتاع الطعميه و الفرانين وغيرهم يعنى اعتقد ان ده احسن من انى احتفظ بحاجه مستحيل استفاد منها
|
|
#4
22-08-2009, 05:06 PM
|
||||
|
||||
|
ياااااااااااااااااااه أنتم لسة فاكرين
أعرف واحد صاحبى بعد الامتحان يقطع الكتب فى الشارع و فى البيت و يا سلام لو كتابى جه عنده بعد الامتحان ههههه مقولكوش اساسًا مقدرش ارمى الكتب ده قرايبى الصغيرين و أصحاب أخواتى مستنينهم أصلاً المشكلة لما بشحت الكتب الفضايح اللى فيها ^___^ و كتب المدرسة ده كنا بنتسلى بيهم مثلاً كتاب العربى فى تانية ثانوى نفتح أول صفحة فى المؤلفين نلاقى أستاذ حسن شحاتة نشطب أستاذ و نحط المعلم و عادى مفيش اختلاف فى المعنى ^___^ أما كتب الدين و العربى المفروض يا تتحط فى الجامع يا تسيبها فى المدرسة مع باقى الكتب المرمية الواحد كان محتفظ بكتب معينة زى كتب الدراسات فى الإعدادى و الأطلس اللى كنت جايبه أيامها و ربنا يهدينا كلنا و رمضان كريم
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم 
|
|
#5
23-08-2009, 12:38 AM
|
||||
|
||||
|
اقتباس:
 ميرسى يامها على ردك منورة الموضوع
__________________
You can only go as far as you push
|
|
#6
23-08-2009, 12:34 PM
|
||||
|
||||
|
اقتباس:
وجهة نظر بردة بس انا مش شايفة انة احسن خالص ان نهاية كتاب يبقى اخرة لبتاع طعمية لو مش هتستفيدى منهم خليهم حتى لو من باب الذكريات بس صعبة قوى انهم يتبعتوا لبتوع الطعمية هههههههههههههههه دة رميهم ارحم
__________________
You can only go as far as you push
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:02 AM.
