نداءهام إلى جميع طلاب الحاسبات والمعلومات

[hamada_ezzat]

أنا جاتلي حاسبات ومعلومات المنصورة والهندسة ضاعت مني على نص درجة وبالرغم من كده الحمد لله

وأنا بطلب منكم الإجابة على بعض الأسئلة يمكن أستريح شوية ويريت محدش يبخل عليا
أولا : الدراسة 4 سنين ولا خمسة

ثانيا : لما بتتخرج إسمك بيكون إيه؟؟؟؟ مهندس برمجة ولا خريج حاسبات ومعلومات

ثالثا : بتقدر تشتغل إيه بعد التخرج أو يعني مجالات شغلها



أرجو منكم الإفادة لأن أنا خلاص مش عارف أعمل إيه:frow n:

[~: Zac :~]

أولا : الدراسة 4 سنين

ثانيا : لما بتتخرج إسمك بيكون إيه؟؟؟؟ على حسب القسم اللي هتتخرج منه ديزاينر او بروجرامر اللي تحبه

ثالثا : بتقدر تشتغل إيه بعد التخرج ... اي حاجة ليها علاقة بالكمبيوتر لان هيكون عندك الخبرة ..
بس عشان تستتفاد باللي درسته بجد لازم تشتغل ف المجال دا يعني لو بروجرامر تشتغل ف اي شركة كمبيوتر فيها برمجة

وع فكرة لو قدرت تشد حيلك وتطلع من العشرة الاوائل

شركة مايكروسوفت بتاخد العشرة الاوائل يتدربو ف امريكا بعدين يشتغلوا مع الشركة وطبعا مفيش فرصة عمل احسن من دي

يعني مستقبل مضمون ان شاءا لله

[hamada_ezzat]

طب لو سمحت يا zac
أصل فيه ناس بيقولوا إسمك بيبقى مهندس برمجة أو مهندس شبكات هو الكلام ده صح ولا إيه

وموضوع العشرة الأوائل ده على الكلية ولا على الجمهورية

[~: Zac :~]

اه مهو انت بتختار بعد كده قسم من اتنين هارد وير وبرمجة او انترنت وشبكات وكده

فممكن يتقال مهندس برمجة او مهندس شبكات بردو

والعشرة الاوائل بيكونو ع كل كلية يعني من كل كلية عشرة

[hamada_ezzat]

ألف شكر ليك على المعلومات دي

[drop water]

على العموم كلية هندسة لسة فيها امل كبير بعد دخول الكلية باسبوعين بتنزل نسبة اسمها 10%لاولاد الدكاترة ممكن تدخل فيها بس تابعها

[hesham2077]

اه فهمتك يا دروب كوسة يعنى توكل على الله