|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-10-2007, 10:34 AM
|
|||
|
|||
الست نواة صاحبة العمارةوسكانها الإلكترونات
منقول من بيوتات الكيمياء
بسم الله الرحمن الرحيم اود ان اشارك معكم لاول مره بشرح درس توزيع الالكترونات انا عن نفسى جربته عمليا و جاب طريقه سريعه للفهم ارجو ان يعجب حضراتكم وان تقيموه ندخل فى الدرس بعد ما اتعرفنا ع الماده و تركيب الماده و عرفت انها بتتكون من وحدات اصغر تسمى الجزيئات و هناك ما هو اصغر منها تسمى الذرات و دخلنا عالم الذره و عرفت ان الذره اللى مش بتتشاف دى داخلها عالم كبير و فهم العالم ده هو سبب تطور امريكا و اوربا و عرفت كمان ان الذره بتتكون من حاجتين 1 -- النواه 2 -- الالكترونات عرفت كمان ان النواه بتتكون من جسيمات صغيره موجبه الشحنه تسمى البروتونات و جسيمات اخرى متعادله تسمى البروتونات و عرفت ان الالكترونات هى الجسيمات السالبه اللى تدور حول النواه و عرفت كمان ان الالكترونات بتدور فى مستويات حول النواه تعرف بمستويات الطاقه النهارده ان شاء الله هنعرف مع بعض ازاى الالكترونات دى بتتوزع فى مستويات الطاقه هل هذه الالكترونات بتدخل كده عشوائى فى اى مكان ؟ ام هل هناك قواعد ثابته و محدده لتوزيع الالكترونات فى مستويات الطاقه ؟ قبل اما نجاوب ع السؤالين عاوز اسئل سؤال لو واحد فينا بنى منزل و عاوز يأجره ع شان الناس تسكن فيه هل بيدخل اى حد ام انه بيكتب عقد مع اللى ناوى يسكن عنده ؟ التلاميذ قالوا طبعا بيكتب عقد انا هقول لهم ده اللى حصل معانا فى التوزيع هنفرض ان فى واحده اسمها الست نواه الست نواه دى ست غنيه و معاها فلوس كتير عملت منزل كبير مكون من سبع طوابق اللى هما اسمهم مستويات الطاقه بس قالت كل دور هياخد عدد معين من السكان مش اى حاجه او اى عدد انا بشترط كده الناس قالت يا ست نواه هو بمزاجك هتدخلى اللى انتى عوزاه و اللى انتى مش عوزاه مش هتدخليه قالت الست نواه ع شان مظلمش حد انا هعمل علاقه لعدد السكان اللى هيدخلوا فى الادوار بناء ع العلاقه دى هنشوف كل طابق او مستوى طاقه هياخد كام ساكن ( كام الكترون ) الناس قالوا موافقين ايه هى العلاقه دى يا ترى قالت الست نواه الالكترونات هتدخل مستويات الطاقه طبقا للعلاقه 2 ( ن ) تربيع حيث ( ن ) هو رقم الدور او رقم مستوى الطاقه الالكترونات قالوا موافقين ( صاحبت البيت بئه و تعمل اللى هى عوزاه فينا نستحمل وخلاص ) كده يكون الدور الاول اللى اسمه المستوى الاول هياخد طبقا للعلاقه دى 2 * 1 تربيع = 2 الست نواه فرحت و قالت كويس ع شان دول هيكونوا قريبين منى و مش يوجعوا لى دماغى بالدوشه الالكترونات قالت موافقين اصلا الدور او المستوى الاول صغير يادوب باخد اتنين الكترون اما المستوى التانى هياخد طبقا للعلاقه دى 2 * 2 تربيع يعنى 2*4 = 8 الكترون الست نواه وافقت و الالكترونات وافقوا المستوى التالت هياخد طبقا للعلاقه 2*3 تربيع يعنى 2 * 9 = 18 الكترون واو الالكترونات وافقوا و فرحوا اوى قالوا احنا بحب اللمه و كمان كل واحد فينا هيدفع فلوس اقل بس الظاهر ان الست نواه مش موافقه هى لحد الان ساكته مش اتكلمت اما المستوى الرابع هياخد 2 *4 تربيع يعنى 2 * 16 = 32 الكترون الالكترونات كانت فرحانه جدا بس الست نواه ساكته لسه و شكلها متغاظ اوى ( يظهر ان الكلام مش عاجبها ) المستوى الخامس كده بنفس الطريقه هياخد 50 الكترون هنا النواة قالت لاء لاء لاء لاء لاء لاء لاء لاء لاء مش موافقه 50 الكترون ؟ دول يجننونى لاء العلاقه دى مش تنفع الالكترونات قالوا فى ايه بس ؟ مش انتى اللى قلتى العلاقه دى ؟ قالت نعم بس كده هكون مش مستقره و قالت انا عندى تعديلات بسيطه ترضى كل الاطراف قالوا خير ؟ قالت العلاقه دى تنطبق ع الاربع مستويات الاولى فقط اللى هم k l m n قالوا الاكترونات طيب ليه بس احنا بحب اللمه قالت لانى كده هكون مش مستقره قالوا ماشى موافقين قالت التعديل الثانى ان المستوى الاول هياخد 2 الكترون زى ما اتفقنا و التانى 8 الكترون زى ما اتفقنا و التالت هياخد ع الورق بس ادام الحكومه يعنى و ع شان الضرايب 18 الكترون بس بينى و بينكم هياخد 8 بس قالت الالكترونات يعنى مش هياخد غير 8 هو كمان ؟ قالت اه و المستوى الرابع هو كمان بدل 32 الكترون هياخد 8 بس يعنى 32 ع الورق لكن فى الحقيقه هياخد 8 الالكترونات قالوا موافقين مع ان ده ظلم و بدلءنا نوزع الالكترونات ع المستويات و امثله كما يلى مثال عنصر مثل الهيدروجين عدده الذرى واحد بس كده هيدخل المستوى الاول اما عنصر زى الصوديوم اللى عدده الذرى 11 نوزعه كما يلى المستوى الاول هياخد 2 و التانى 8 و التالت 1 بس طيب عنصر زى الكالسيوم عدده الذره 20 حد يوزعه لى قول يا مروان يقول مروان المستوى الاول 2 و كده هيتبقى عندى 18 الكترون 8 منهم هيدخلوا المستوى التانى و كده هيتبقى 10 الكترون 8 منهم هيدخلوا المستوى التالت و هيتبقى 2 الكترون يدخوا المستوى الرابع انتهى الدرس عوزكم توزعوا لى فى البيت العناصر التاليه الاكسجين اللى عده الذرى 8 و الماغنسيوم اللى عدده الذرى 12 و الكلور اللى عدده الذرى 17 شكرا و السلام عليكم و رحمه الله و بركاته __________________ شكرا للاستاذ / محمد مارو آخر تعديل بواسطة سيد عثمان ، 31-08-2009 الساعة 10:18 PM |
|
#2
06-10-2007, 12:43 PM
|
|||
|
|||
|
تشبيه اكثر من رائع
جزاك الله خير
__________________
اذا كنت تريد السعادة فالزم القرآن إذا كنت تريد الجنة فالزم الصلاة واجمل شيء فى الوجود ان تموت وانت ساجد للودود
|
|
#3
06-10-2007, 03:45 PM
|
||||
|
||||
شكراً أ. / سيد عثمان على هذه القصة الرائعة، وبشكر كل من الست نواة
وجميع الإلكترونات على هذا التعاون الذى يخدم فى النهاية استقرار الدولة قصدى استقرار الذرة،،، وبس عندى كم إلكترون عايز أسكنهم، يا ترى يروحوا للست نواة مباشرة ولا محتاجين وساطة،،، على العموم هما مش كتير هما 24 إلكترون بس تفتكر الست نواة بتاعة ذرة الكروم هتوزعهم على سكنهم بدون وساطة،، ولا محتاجين موافقة من العالم طومسون مكتشف الإلكترون ولا العــــالم رذرفورد مكتشف النواة ؟؟؟؟ |
|
#4
06-10-2007, 05:09 PM
|
||||
|
||||
|
جميل يا استاذ سيد بارك الله فيك
__________________
الاستاذ وائل الدسوقي مدرس كيمياء ثانوي
|
|
#5
06-10-2007, 05:36 PM
|
|||
|
|||
|
كل الشكر للطالبة الأزهرية والأستاذ الدادموني والأستاذ وائل الدسوقي عاشق الكيمياء
وبالنسبة للست نواة صاحبة عمارة الكروم هاتفرق بين الألكترونين اللي المفروض يسكنوا الشقة 4Sمعا وتخلي واحد منهم يطلع في الشقة 3dلأنها خايفة على عمارتها من عدم الإستقرار |
|
#6
07-10-2007, 09:03 PM
|
||||
|
||||
|
اقتباس:
لى طلب آخر : عندى 29 إلكترون محتاج أسكنهم، ياترى الست نواة بتاعة ذرة النحاس هتوزعهم مباشرة بدون تدخل من السادة المخبرين ولا هتعمل إيه ؟؟؟؟؟ |
|
#7
07-01-2008, 01:36 AM
|
|||
|
|||
|
لى إضافة لو تكرمتم ..نفرض أن كل دور يتكون من عدة شقق فمثلا الدور الأول يتكون من شقة واحدة بس تسمى 1s, الدور الثانى يتكون من شقتين تسمى شقة 2s, وشقة 2p.. والدور الثالث يتكون من ثلاث شقق هى الشقة 3sوالشقة 3pوالشقة 3d.. والدور الرابع يتكون من أربع شقق هى الشقة 4sوالشقة 4pوالشقة 4dوالشقة 4f (كل مستوى رئيسى يتكون من عدة مستويات فرعية يساوى رقمه وذلك حتى المستوى الرابع فقط)............ وكل شقة تتكون من عدة غرف (الأوربيتالات) ودائما عددها فردى .. فمثلا أى شقة رقمها s سواء كانت فى أى دور فهى تتكون من غرفة واحدة (أوربيتال واحد) , وأى شقة رقمها p فهى تتكون من 3 غرف , وأى شقة رقمها d فهى تتكون من خمس غرف , وأى شقة رقمه f فهى تتكون من 7 غرف وبالتالى يكون دائما عدد الغرف (الأوربيتالات فردى) .......... وكل غرفة تتسع لشخصين فقط ليس أكثر (كل أوربيتال يتسع لإلكترونين فقط) وبذلك يمكن تسكين أى عدد من الأفراد (الإلكترونات) فى الغرف وبالتالى فى الشقق وبالتالى فى الأدوار وبالتالى فى العمارة .
|
|
#9
01-09-2009, 12:06 AM
|
|||
|
|||
|
بصراحة يا مستر شرح فى منتهى الروووووووووووووووووووووعة .
|
|
#14
01-09-2009, 04:18 PM
|
|||
|
|||
|
والله الموضوع ده اكتر من رائع وبيخلينا نفهم بكل سهوله وبساطه يعني بجد بارك الله فيك يا ميستر وجزاك الله كل خير علي المجهود ده
__________________
علمتنى الحياة ان ابكى وحيده لكى لا اسبب الحزن لمن حولى***وان انثرالم شكواى على اوراقى واحتفظ بها لنفسى 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:51 PM.
