|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
11-08-2011, 06:43 AM
|
|||
|
|||
انا جيبت 120% لا لا لازم ادخل هندسة
السلام عليكم
فى بداية الامر انا عارف ان الكلام الى حقوله مش وقته حتى لو حد اقتنع بيه بس يمكن فى يوم من الايام شخص يحتاج للكلام ده بسم الله الرحمن الرحيم انا طالب فى الصف الثالث الثانوى ( ان شاء الله ) كنت علمى وححول ادبى لصغر مجموعى الاهم من كده ان ربنا اراد وسقط فى سنه 2 ثانوى وعيدتها والحمد لله لسه خلصان منها بمجموع صغير لكن بفرحة كبيرة ايه علاقة كلامى بالعنوان بتاع الموضوع معظم اصحابى من دفعة سنه 3 الى فاتت ودلوقتى كلهم بيقدموا فى جامعات ربنا يوفقهم ويرزقهم الاختيار الصواب لكن .............. كتير جدا منهم الحمد لله مجاميعهم جابت كليه هندسة وقدموا فيها وانا بباركلهم بسئلهم سؤال منطقى " انت ناوى على تخصص ايه ان شاء الله " الاجابة بمنتهى البرود : لسه محددتش والله ارجع اسئل السؤال بشكل تانى " يعنى محطتش لنفسك كام تخصص تحدد منهم " الاجابة ببرود اكتر من الاول " حبقى اشوف السوق طالب ايه وادخله " .................................................. ........ المنطق ان الواحد بيتعلم لهدف ( اكتساب المعرفة ) وبما ان ربنا مخلقش بنى ادم زى التانى يبقى الطموحات والاهداف والاحلام والمهارات والمواهب تختلف من شخص لاخر لكن الموضوع دلوقتى بقى عمليه استخسار : يعنى انا ادح سنتين ولما يجيلى هندسه مدخلهاش طيب ليه متدخلش الى انت بتحبه او الى انت بتحلم بيه لا بردوا الهندسة حتخرج منها اسمى : مهندس طيب منت لو بتحب الموسيقى او الرسم حتخرج فنان ولو بتحب الكمبيوتر حتخرج مبرمج مثلا ولو بتحب العلوم حتخرج عالم ولو بتحب الاثار حتطلع خبير اثار ولو بتحب الطبخ حتطلع شيف لا بس برضوا هندسه ليها مكانتها يعنى الطباخ ولا العالم ولا المدرب ولا المحاسب دول نكرة وملهمش لزمه فى المجتمع طيب خلاص يمكن انت بتحب الهندسة ( ايه طموحك فى العمارة او المدنى علشان تحبها ) يقولك حبنى واشيد وانيل لو كان فصيح يعنى وحيقولك شغلها بيكسب لو كان تلقائئ مع انك لو سئلت العمارة تختلف ايه عن المدنى حيقف متنح ولو سئلته الميكاترونيكس تختلف ايه عن المكيانيكا حتلاقيه احول ولو سئلته الشبكات تفرق ايه عن الاتصالات ممكن يمسك طوبه ويرميك بيها الهدف بقى انى ابقى مهندس مش مهم مهندس ايه ولا بحب المجال ولا لا بس المهم انى بعد متعبت لازم ابقى مهندس ( انا مش ضد كليه الهندسة بوجه عام بس انا طرحتها مثال على الموضوع باعتبارها اعلى مجموع فى العلمى رياضه ) طيب بلاش هندسه فى واحد صاحبى مجموعه ملحقش هندسه وحيخش علوم حاسب بيسئلنى امبارح سؤال يشل " هو العلوم حاسب الواحد بيدرس فيها ايه ولما اخرج حشتغل ايه " لما جاوبته على السؤال رزعنى السؤال الاشل منه " قالى يعنى لما اخرج حلاقى شغل ولا شغلها قليل " ده شخص لا يفقه شئ عن الكليه لكن داخلها علشان الوجاهه الاجتماعيه او بمعنى اصح علشان ميضيعش فلوس اهله بتاعت الدروس فى الاخر على الفاضى ولا فكر بيحب ايه ولا نفسوا يبقى مكانته ايه لما يتعمق شويه ولا اى حاجه من الكلام ده المهم انى حطلع مهندس كمبيوتر فى الاخر وحقبض قرشين حلوين " وقيس الكلام ده على اى واحد داخل جامعه لا يفقه عنها شئ " ........................................... ببساطة وموضوعيه انت ربنا خلقك علشان يبقى ليك دور تكون انت فريد بيه العلم ده اجمل شئ فى الوجود ولكن النظام الى الناس ماشيه عليه ده بيحوله لعلم لا ينتفع به وهو ادنى شئ برضوا انا من اول يوم ثانوى قبل مربنا يبتلينى بكل الى حصل ده محدد انى حطلع مصمم معمارى ( مش مهندس خلى بالكوا ) وبعدها بمدة ابتديت اناقش مهندسين و رسامين و مصممين وفئات كتيرة عرفت ان الهندسة ابعد ما يكون عن الى انا عايزه انا عايز امتلك اللمحه الفنية مش الهندسية واتاكدت بده اكتر لما ناقشت بنت عمتى ( دكتورة فى كليه تربية فينة ) وفهمتها الى انا بحلم بيه وكانت بتأكد على كلامى وزمان قولت لاخويا انا لو ربنا اراد وجيب 120 فى الميه وقدامى هندسة ميكاترونيكس ولا هندسه شبكات ( اكتر مجالات مطلوبه ) انا مش حرجع عن كلامى انى حدرس هندسة عمارة ودلوقتى بقيت بقول برضوا ان لو ربنا اراد انى اجيب 200 فى الميه مش حدخل هندسه لكن حدخل فنون جميله او تربيه فنيه قسم تصميم لان ده الى بيخدم مجالى بشكل واسع ................................. باختصار ياريت كل واحد يشوف بيحب ايه وحيبقى مبدع فى ايه وشايف مستقبله فى ايه ويمشى فية ملكش دعوة بمجموعك لان دى حتبقى اول مرة فى حياتك تكتسب العلم من اجل العلم مش مفروض عليك زى المدرسة مبقاش انا مش حافظ جدول الضرب وبرسم الخط سمبوكسات واقول انا حدخل هندسة علشان اطلع مهندس مع العلم ان ممكن نفس الشخص يكون مبدع فى مجال الاعلام مثلا وعنده تلقائيه و حضور عالى او مبدع فى مجال التجارة مثلا وبيحب الخطط التسويقية و خلافة طبعا انا طولت عليكم واتمنى ان اسلوبى ميكنش معقد وقدر يوصل الفكرة واخير احب اقول لكل واحد " اعقلها وتوكل " وربنا يكرم الجميع ويهديهم للصواب و يجعلهم ناجحين فى الدنيا و فائزين فى الاخرة ان شاء الله ملحوظة صغيرة : حيجى واحد يقول فى نفسه الواد ده فاشل وبيحقد على المتفوقين ونفسه انهم كلهم يبقى فشله زيوا حرد واقوله : ربنا يسامحك  اقرا كلامى تانى وحتعرف انى مليش مصلحه فى كده والسلام عليكم ورحمه الله وبركاته 
|
|
#2
11-08-2011, 07:26 AM
|
|||
|
|||
|
كلامك مظبووووووووووووووووووووووووووووووط
كلامك مظبوووووووووووط جدا بس للأسف ناس كتير فى مجتمعنا ما بيؤمنوش بالكلام ده
انا مثلا جايب 402.5 علمى علوم و مجموعى يدخلنى طب عين شمس بس انا دخلت حقوق انجليزى (انا عارف انها غريبة) بس انا حاسس انى هقدر اعمل حاجة فى المجال ده وهفيد بلدى ونفسى فى المجال ده ومش اى مجال تانى ..فعلا احنا محتاجين نحدد اهدافنا ونسأل نفسنا احنا عايزين ايه وليه؟؟؟؟؟؟؟؟؟ و مع الأسف كتير من الناس مابيحترموش رغبات الطلاب ويقعدوا يقولولك (يعنى تبقى جايب مجموع طب و ما تدخلوش) عايز اعرف هى العملية استخسار مجموع ولا العملية انا عايز ابقى ايه؟؟؟؟؟؟؟؟؟؟
|
|
#3
11-08-2011, 08:10 AM
|
||||
|
||||
|
اولا : احب اشكرك جدا جدا جدا جدا علي موضوعك الجميل بجد
و هو ده و الله كلامي لاي حد بيفتح الموضوع ده انت بجد قلت كل اللي انا دايمــــــــــا بقوله ثانيا :احب اوجه شكري ل midooahly و مش بس شكري لأ كمان احترامي ماشاء الله عليك بجد ربنا يوفقك في المجال اللي انت حبيته و اختارته و اختارت انك تدي فيه بجد بجد هي دي الرجولة مش عشان جبت مجموع طب يبقا خلاص داخلها منغير حتي ما تفكر مستقبلك بعد التخرج هيكون ازاي ؟!! لأ انت اختارت الطريق اللي انت حاسس انه هيوصلك للي انت عايزه و ان شاء الله هتوصل و ربنا يوفقك  و اسمعها مني : طول ما انت مؤمن باللي انت بتعمله لدرجة انك تضحي بطب و بمجموعك عشان تدخل اللي انت حابه يبقا هتوصل ان شاء الله اكييد ربنا يوفقك يارب
|
|
#4
11-08-2011, 08:18 AM
|
||||
|
||||
|
موضوع جميل بس متزعلش منى (مش واقعى ) انا مثلا رايح 3 ثانوى وجبت مجموع صغير بس برضو ولدى قلى يا تخش جامعه خاصه تبقه على مزاجو والى هيه اقتصاد انجلش وانا نفسى اخش اثار قسم ترميم بس عشان ابويه الى بيتحكم فيه هخش الى هوه عيزنى اخشه وده قمه القهر بس مقدرش اقول لا مع ان الجامعه دى فيها اثار برضو بس مقدرش اخسره
|
|
#5
11-08-2011, 08:30 AM
|
|||
|
|||
|
اقتباس:
اولا شكرا على مرورك الكريم ثانيا انا المفروض ارفعلك القبعه واقفلك احترام لانك خير مثل للى بتكلم فيه انت عارف انت عملت ايه انت اثبت نفسك قدام كل الناس بمجموع محترم جدا ( بسم الله مشاء الله ) ومع ذلك نفذت الى انت عايزوا ودخلت الكليه الى بتتمناها بجد خالص الاحترام والتقدير لطالب فعلا بيحب العلم من اجل العلم
|
|
#6
11-08-2011, 08:34 AM
|
|||
|
|||
|
اقتباس:
اهلا بيكى فى الموضوع نورتى الموضوع
فى الحقيقة لا يصح الا الصحيح والى انتى بتقوليه والى انا بتكلم فيه هو فعلا الصحيح ارجوا ان توجد العقول الى تقدر الكلام ده وتسعى لتحقيق زاتها متبقاش نسخ مكرره من اشخاص تانية
|
|
#7
11-08-2011, 08:37 AM
|
|||
|
|||
الطاعه
محمد صلاح ياحبيبي المفروض ولازم تسمع وتسير ورا كلام والدك لأن اللي زيك مينفعش يمشي بدونه لأن أسلوبك في الكلام يضيعك وياراجل في ثانويه عامه ومش عارف تكتب عربي وعاوز تخش الكليه اللي إنت عاوزها عموما قل (أخسره ولاتقل أخصره ) مش كده ولا إيه
|
|
#8
11-08-2011, 08:37 AM
|
|||
|
|||
|
اقتباس:
متزعلش انت منى الموضوع فى قمه الواقعيه
وانت برضوا دليل على كلامى انت نفسك تدخل حاجه لكن فى عامل خارجى مؤثر عليك من غير متخسر والدك لكن تاكد انك لو مدخلتش الكليه الى بتحبها حتفضل تندم طول عمرك وحاول تقنعه بجد وعرفه انه مش مقتنع بالكليه الى هو عايزها وممكن تفشل فيها كمان خليك مصر على رأيك ده مستقبلك ومش حيتكرر مرتين انت الى حتدرس وانت الى حتكمل حياتك
|
|
#9
11-08-2011, 08:41 AM
|
|||
|
|||
|
اقتباس:
يعنى معلش حضرتك تاعب نفسك وكاتب اول مشاركه ليك علشان تتريق على الراجل الراجل مغلطش هو بيكتب بسرعه زينا كلنا وكلنا ممكن نغلط فى حرف ولو حضرتك حسيت فى يوم معنى وجود حلم تتمنى انك تضحى بحياتك علشان تحققه مكنتش حتدخل فى الراجل شمال كده ارجوك راجع نفسك
|
|
#10
11-08-2011, 08:48 AM
|
||||
|
||||
|
انا بحب جو حصه النحو ده عموما انا مش هرد عليكى لانك اقل من انى -------------------
|
|
#11
11-08-2011, 12:57 PM
|
|||
|
|||
|
السلام عليكم..وصباح الخير..
احب اقول انه كلامك حلو جدا وجميل جدا وعجبني جدا...وكلامك ده قمة الواقعية واللي احنا عايزينه النهاردة..لأنه كلامك يدل على افق واسع وثقافة عالية جدا..واحب أحيي ميدو جدا على قراره الجرئ والقوي ده..بجد اكبر احترامي ليك ولقرارك الشجاع ده..اكيد انت لقيت معارضة جامدة من اهلك واصحابك واكيد كمان باباك ومامتك..بس تمسكك بقرارك والاقتناع التام بيه (زي حالتك كده ) بيدي الانسان قوة عظيمة و ثقة في النفس عالية جدا تخليه حاسس انه فعلا مسئول عن نفسه وانه مسئول كمان عن حياته.. ولصاحب التوبيك...اكيد حتلاقي ناس كتير حيقولوا عليك زي ما انت قولت في اخر التوبيك كده..بس ولا يهمك ولا تاخد في بالك..وانا عارفة انك حتعمل كده من غير ما انا اقولك طبعا..واحب اقول لمحمد صلاح ( انك لازم تتمسك بقرارك اكتر من كده قدام والدك..يمكن والدك رافض انه يدخلك اللي انت عايزه وعايز يدخلك اللي هو حابب انك تدخله عشان مش لاقي المعارضة منك والقوة انك تقوله "لا, انا عايز أدخل الكلية اللي انا حاببها"لأن ده مصيرك انت ومستقبلك انت..انت بعد كده لما تتخرج من الكلية اللي باباك اخترلهالك وحبيت تشتغل وكرهت شغلك وحياتك انت اللي حتتعذب مش باباك..وبرده لو صممت على رايك ودخلت الكلية اللي انت اخترتها وحبيت تشتغل وحبيت شغلك اللي هو باختيارك انت اللي حتبقى مبسوط برده مش باباك... خلاصة اللي انا عايزة اقوله "اثبت على رايك وخلي عندك القوة والشجاعة وقول رايك واختيارك لمستقبلك" اتمنى اكون قدرت اوصل اللي انا عايزة اقوله ليك يامحمد صلاح... وشكرا على التوبيك الهايل...........and keep going
|
|
#12
11-08-2011, 01:19 PM
|
|||
|
|||
|
تمام جداااااااااا
انا اكبر دليل جايب 96.7 (يدخلني هندسة مستريح ) وبرده كتبت حاسبات ومعلومات وجاتلي الحمد لله بس طبعا لسه بعاني من الموضوع بمعني ايه حد يكلمني يقولي دخلت ايه ارد عليه عادي يقولي انت مجنون ويبوصلي باحتقار وخد من ده كتير ................ مفيش حد يقدر اليومين دول
|
|
#13
11-08-2011, 03:21 PM
|
|||
|
|||
|
فعلا الموضوع ده منتشر بشكل مستفز جدا
انا اعرف ناس كتير نفسهل في صيدلة ولما جالها مجموع طب ضربت بحلمها عرض الحيطة وعلي طول كتبوا اول 10 رغبات طب ولما تسألهم ليه عملوا كده يقولوا لك انا شفت ان مجال طب افضل من صيدلة علي اساس انهم ماكانوش شايفين ده قبل كده ربنا يهديهم بس انا بجد نفسي افهم حاجة ازاي اي بني ادم يفضل في مجال طول حياته وهو مش حابه اصلا ده هينجح ولو نجح هل ده يقدر يخدم الناس اللي حواليه ؟؟؟؟
|
|
#14
11-08-2011, 03:42 PM
|
|||
|
|||
|
احيييك موضوع اكثر من رااااااااااااااااااااااااااااااااااااااااااااااااا ائع
|
|
#15
11-08-2011, 04:47 PM
|
|||
|
|||
|
بجد موضوع هاايل وجمييل
علشان كده انا دخلت طب بيطري مع ان الناس هنا مش بتحترم المهنة دي اووي بس انا شاايفة انها هتحقق حملي الكبيير في الطب لاني هدرس تقريبا حاجات كيير زي الطب البشري او اني هفتح اكبر مستشفى بيطرية في مصر ان شاء الله وانا دلوقتي بدرس جسم الانسان فسيولوجيا يعني نفس اللفكرة ... مرضيتش ابعد يعيد وخلاص علشان مجرد الناس التافهة هتقول ايه ... لا دا مستقبلي انا وهدفي انا اللى هكمله مهما حصصل .. باذن الله بجد ماشاء الله التفيكر حلو اوي بتاع صااحب الموضوع ... عقلية تشرف ماشاء الله اكيد هتكون حاجة مستقبلا باذن الله ربنا يوفق الجميييييع
__________________
لا اله الا الله - بعدد كل تهليل هلله المهللون.
والله اكبر- بعدد كل تكبير كبره المكبرون. والحمد لله - بعدد كل تحميد حمده الحامدون. وسبحان الله- بعدد كل تسبيح سبحه المسبحون. واستغفر الله- بعدد كل استغفار استغفره المستغفرون. ولا حول ولا قوة الا بالله العلي العظيم- بعدد ما قاله القائلون.
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:48 PM.
