|
#1
31-01-2012, 06:26 PM
|
|||
|
|||
أنا بنت وعايزة..........
السلام عليكم ورحمة الله وبركاته....
ازيكم عاملين ايه اخبار مهندسين المستقبل ايه؟؟ طبعا ده اول موضوع ليه في القسم وفي المنتدى كله واتمنى ان يكون في تفاعل ومشاركة كتشجيع لية طبعا من العنوان انا اقصد ان أنا بنت وعايزة أدخل هندسة طيران جامعة القاهرة ولا ايه رايكوا في الكلية المصرية للطيران(معهد امبابة سابقا) ومين افضل؟؟؟؟ ايه رايكم في التخصص ده بالنسبة للبنات وياريت لو في طلاب من التخصص ده يقولوا هل في عندهم طالبات بنات ولا لأ؟؟ وبالنسبة للمستقبل والعمل والوظيفة ونظام الدراسةوالمرتب؟؟ وخصوصا للبنات انا في ثانوية عامة ومجموعي حيكون تقريبا بنسبة كبيرة من96% الى 97% مع السلامة... واتمنى المشاركة والمساعدة وفي انتظار آراء المهندسين في القسم واكون شاكرة لكم 
|
|
#2
31-01-2012, 06:41 PM
|
|||
|
|||
فين الردود يا شعب
؟؟؟؟؟؟؟؟؟؟؟؟؟؟؟
|
|
#3
31-01-2012, 07:32 PM
|
||||
|
||||
|
أهو أهو موجودين متخافيش
القسم ده تنفرد به كلية الهندسة جامعة القاهرة بس مسألتيش نفسك اشمعنا طيران يعني بالذات ؟ أنا أحترم حبك للقسم وللطيران لكن دا قسم ميكانيكي بحت يعني الدراسة فيه ما هي الا رسم و تصميم وتصليح الطائرات ومعداتها وتراكيبها و دراسة التحكم فيها و طبعاً بيتشارك مع مهندس الطيران مهندس من قسم كهرباء شعبة حاسبات وتحكم النقطة اللي هنا انه قسم شاق على البنات بعكس قسام أخرى زي اتصالات و عماره (قسم البنات الأول) دا بالنسبة للمجهود اللي حضرتك هتبذليه لو دخلتي القسم ده متعب جداً أما عن العمل فإثبات شخصيتي كمهندس أولاً بمهاراتي الشخصية والعملية والعلمية والفنية ( أكون صاحب مبادئ و قوة شخصية و عملي متقن ومتعلم لغة انجليزية كويس وأفهم عمليات التصنيع ) فده في حد ذاته يجلب لي العمل من شركات كثيرة والمقومات دي مطلوبة في كل التخصصات مش شرط طيران يعني ......... طبعاً الرزق بيد الله سبحانه وتعالى لكن لو معاكي المقومات دي باذن الله هتشتغلي أرجع واقول فكري في المستقبل المهني شوية وفي عمل (هندسي ) يناسيك كـــ (بنت) ثم كـ (أم) باذن الله أنا أعرف مهندسة معمارية ماشاء الله 57 سنة الآن ـ ربنا يبارك في عمرها ـ متخصصة في التصميم وتصميماتها رائعة وهي الآن جدة فشوفي عرفت توفق بين عملها وبين تربية أولاد أولادها كمان بالتوفيق يا باش مهندسة
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#4
31-01-2012, 07:51 PM
|
|||
|
|||
|
اقتباس:
اشكرك جدا يا دكتور محمد على الرد بس طبعا انا عارفة انو مجال صعب وشاق جدا وفي مجهود كبير بس علامة الاستفهام الكبيرة عندي في اني بنت وشايفة ان في وظائف كتيرة في مجال الطيران متقبلش البنات عشان مجرد ان هما بنات لكن مبيبصوش للمهارة العلمية او الخبرة أو الكفاءة ووو.... وكمان في مصر المجال ده وظائفه موجودة ولا لأ طبعا بالنسبة للمعمارية تخصص جميل ورائع والعمل في جميل جدا بس انا مليش في الرسم خاااااااالص او التصميم او الحاجات انا شاطرة جدا في الحساب(المواد الرياضية) والفيزياء والعلوم والكلام ده وشايفة ان هندسة الطائرات لازم تكون مُلم بالمواد دي شكرا لرايك جدا بس اتمنى اراء ومناقشات اكتر في الموضوع ده لان ده مستقبلي ياريت مساعدة
|
|
#5
31-01-2012, 07:55 PM
|
|||
|
|||
|
أهو أهو موجودين متخافيش
ايه الجملة دي مفهمتش غرضها ايه هي هندسة القاهرة متميزة في المجال ده ولا الكلية المصرية للطيران
|
|
#6
01-02-2012, 06:27 PM
|
||||
|
||||
|
http://www.eg-engineers.net/vb/showt...hp?p=83#post83
موضوع عن قسم طيران , بالنسبة للتخصص بالنسبة للبنات فا مش فارقة كتير المهم تحبيه و اكيد هندسة طيران و فضاء القاهرة
|
|
#7
04-02-2012, 12:42 AM
|
||||
|
||||
|
مفيش حاجه اسمها هندسة للولاد وهندسة للبنات
فى حاجه اسمها اجتهاد فى حاجه اسمها ابداع ربنا يوفقك 
|
|
#8
05-02-2012, 03:25 AM
|
||||
|
||||
|
اولا احب احييكي على تمسكك بالحاجة اللى بتحبيها
وانا معنديش علم عن الموضوع دة بس لو انتى فعلا حابة المجال دا ادخليه وان شاء الله ربنا يوفقك
|
|
#9
10-02-2012, 07:16 AM
|
|||
|
|||
|
مع احترامي لرغبتك في القسم الرائع ده و لكن الشغل بعد كده مرهق و شاق جدا ليس تقليلا من شأنك و لكن احتراما لطبيعتك كبنت .. و فيه أقسام تانية تناسب البنات جدا زي عمارة اتصالات و ممكن مدني كمبيوتر ،،، و ربنا يوفقك ان شاء الله
|
|
#10
11-03-2012, 09:07 PM
|
|||
|
|||
|
اتمني اكون لحقت اجاوبك و اجابتي مش متاخر انا السنادي اعدادي هندسه في "كليه الطيران" اولا الفت انتباهم ان هوه ما زال اسمه معهد هندسة التكنولجيا و الطيران بامبابه و هوه معترف بيه من نقابة المهندسين "اي بتاخدي كارنيه نقابه" ثانيا هوه اسمه كده لكن يحتوي علي 6 اقسام مدني معماري اتصالات ميكانيكا كهربا و طبعا قسم طيران اما عن مين افضل فبكل حيديه عندنا افضل من القاهره عندنا مثلا قسم طيران هوه القسم الاول في الكليه و بياخد اعلي التقديرات بينما في جامعة القاهره هوه قسم من لا قسم له يعني الي ما بيجبش تقدير بيخشو ده طبعا غير الي بيخشو عشان حابه بس علي حد علمي انه مفيش اهتمام بيه نهائي و نصيحه اخيره قسم طيران ده بالظبط "ميكانيكي طيارات "
يعني شبه الميكانيكي الي بتشوفيه بشحمه و عفرته مع الفارق الشاسع طبعا فلو متخيله نفسك كده اتكلي علي الله
|
|
#11
16-03-2012, 07:44 PM
|
|||
|
|||
|
احسن قسم للبنات هو قسم عمارة
|
|
#12
17-03-2012, 12:29 AM
|
||||
|
||||
|
بصراحه يعني
احن عندنا ف الكليه الدكاتره بيقولولنا ان هندسة طيران من أفضل الأقسام علمياً يعني بيدرسوا فيها معلومات كتييير مفيده والرياضه بتاعتها قويه جدا ومفيده بس بيقولوا صعبه للغايه يعني وشغلها مش متوفر بس لو حضرتك مش يهمك فأقولك إنّه اختيار ممتاز يعني لو مش يهمك سوق العمل والصعوبه فهو إختيار ممتاز بجد وجميل جدا ربنا يوفقك انا لو مجيبتش مجموع حلو هدخلها 
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:48 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
