ادوات الهندسة

[بستو]

السلام عليكم

بما اني تقريبا معرفتش حاجة ف الكلية الا الادوات اللي هنحتاجها ف الرسم الهندسي .. انا قولت اقولكم عليها .. انتوا اكيد عارفينها .. بس تقولوا ايه بقي .. غلاسة

الادوات كالاتي:

1- مسطرة T (تي) 80 سم ويفضل انها تكون خشب !!
واللي ناوي يدخل قسم عمارة يبقي الاحسن انه يجيبها 120 سم

2- برجلين (2 برجل يعني ) واحد منهم عادي زي اللي كنا بنستخدمه احيانا ف ثانوي والتاني بيبقي للدواير الصغيرة
ملحوظة : بيبقي في مسطرة كده للدواير الصغيرة برضه ..بس دي ممنوع استخدامها .. ليه ؟؟ اي دونت نووو

3- مسطرة تانية عادية 30 سم

4- استيكة

5- مثلثين .. واحد 45 درجة .. والتانى 30 و 60 درجة

6- فوطة صفرا عشان تمسح بيها اللوحة وتبقي نضيفة كده لأن نضافة اللوحة دي واضح ان بيبقي في تلكيك كبير عليها .. وفي صابونة كمان عشان نضافة اللوحة برضه بس دي مش لازم نجيبها

7- قلمين رصاص سنون واحد 0.5 والتانى 0.7

8- لوحة خشبية ترسم عليها ف البيت

بس كده .. تقريبا مفيش حاجة تانية
غالبا الادوات دي بتجيبوها من مكتبة الكلية .. او من مكتبة سمير وعلى ..

منقولة للامانة