|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-09-2006, 09:39 PM
|
|||
|
|||
بسم الله الرحمن الرحيم
ازاى تقلب من حبيبتك بالذوق او بالعافية خلاص بح.. بدأت تشعر بأن الفيلم جاب آخره.. وأن العلاقة بينك وبين من تحب أصبحت.. فاترة لا سخنة ولا باردة.. زي المية لا ليها لون ولا طعم.. م الآخر وصلت للمنتهى.. ولم يعد هناك بعد ذلك إلا "الخلع!".. في السطور القادمة نقدم لك خمس طرق "مودرن وكلاسيك" للخلع من حبيبك.. بالذوق أو بالعافية.. مش فارقة معانا! • خد نفس طويل وابدأ في كتابة إيميل غرامي من النوع الجامد جدا الذي يذيب أشد القلوب تحجرا واشرح لحبيبتك كيف أنك لا تستطيع أن تعيش من غيرها ثانية واحدة وأنك تفـــكر فيها طــول الليل والنهار وأنها -على رأي اللمبي- "الحب الحب.. الشوق الشوق" فقط لا تنسَ أن تبدأ رسالتك بـ"حبيبتي مروة" وأن تنهيها بـ" بحبك يا مروة".. نعم نحن نعلم أن حبيبتك اسمها "ليلى".. وهو المطلوب إثباته! • اكتشف فجأة أن لك جذورا صعيدية واحضر في اليوم التالي إلى حبيبتك وأنت ترتدي الجلباب الصعيدي وتحمل كفنك علي يدك.. قبل أن تفيق هي من صدمتها قل لها الحقيقة العارية "امبارح بس اكتشفت إن جدي السابع كان من الصعيد.. وإن عليه تار بايت مع عيلة الدهاشنة".. ثم "والحل الوحيد عشان ماياخدوش بتارهم مني ومايقتلونيش.. إني أتجوز بنت عم جدي.." ودموعها تنهمر استمر في الضغط "طبعا أنا رفضت أضحي بحبك لي.. وقلت لهم أموت ولا أسيبك يا ليلى.. وعشان كده جبت معايا كفني وهاطلع من هنا عليهم على طول.. أموت ولا أضحي بحبك.." النتيجة مضمونة.. ليلى بنفسها هي التي ستقدم لك شبكة خطوبتك على بنت عم جدك.. الصعيدي ! • وأنت جالس في الكازينو مع حبيبتك وتنظر بعينين ساهمتين إلى منظر غروب الشمس في النيل.. قل لها.. "ليلى.. أنا عاوز أقول لك على حاجة".. ستنظر لك بعيون قلقة.. استمر في التسهيم في الغروب وأنت تقول لها "كان بقالي فترة حاسس إني تعبان قوي.. وصحتى مفستكة.. ومش قادر أقف على رجلي.. فرحت للدكتور اللي خوفني أكتر وطلب مني تحاليل وطلعت النتيجة.." فترة صمت طويلة ضرورية للتأثير الدارمي ويا سلام لو كان في الخلفية موسيقى تصويرية ثم ألقِ بالقنبلة.. "أنا عندي.. عندي.. المرض الوحش.. ومش هاعيش إلا شهور قليلة.. وماقدرش أظلمك معايا أكتر من كده" ثم انهض فجأة من مكانك واترك المكان كله ودعها وهي تبتلع الصدمة.. وتدفع حساب العصير أيضا ! • اتصل بحبيبتك وقل لها إنك تريد أن تقابلها لأمر مهم جدا.. اصنع كل علامات القلق والحيرة على وجهك ثم قل لها بأن خالك الموجود في البرازيل منذ أكثر من 30 سنة أرسل إليك عقد عمل في مزارع البن هناك وأنها فرصة لا يمكن أن تعوض وأن حال البلد هنا لا يسر عدوا ولاحبيبا وأن فرصة أن تعمل هنا في هذا المنصب الخطير "عامل في مزرعة بن" معدومة لأننا في مصر لا نزرع البن أصلا!.. ولأنك شهم وابن بلد فإنك ستقول لها "ليلى.. أنا مش ممكن أعذبك معايا أكتر من كده.. ومش عارف هارجع من البرازيل إمتى ولا أصلا جايز مارجعش.. البن كان أقوى ما بينّا.. الوداع.. الوداع يا ليلى"!.. ولا تنسَ أن ترسل لها بعد كام شهر كيلة من البن البرازيلي "المحوج" الذي يبيعه عم "طه" على أول شارعكم.. حتى تتأكد من أنك هناك فعلا! إذا قمت بكل هذه المحاولات مع "ليلى".. بعت لها إيميل غلط... واتجوزت بنت عم جدك السابع ذات الجذور الصعيدية.. وأصبت بالسرطان من أجلها.. وسافرت البرازيل حتى تخلع.. ورغم كل هذا ظلت متعلقة بك.. لا يوجد حل شيك آخر.. قل لها وأنت تنظر في عينيها بوقاحة: "بت.. أنا مش طايقك ومش عاوز أشوف وشك تاني!".. إذا استمرت في حبها لك.. فلم يعد هناك حل عملي للتخلص منها سوى أن.. تتزوجها وشكرا :D
__________________
I`m studying pharmacy.... And Ilove it..... |
|
#3
14-09-2006, 10:02 PM
|
|||
|
|||
|
موضوع جميل........ تصدقى ؟؟
ليه بس يادنجوان رخمين ازاى جايز بردك
__________________
<div align="center"><span style="font-family:Arial">على الود اللى راح زمنه على الناس يؤتمنو على زمن اللى يعمل خير مايستناش ياخد تمنه على العشره وعلى الجيره على النخوه وعلى الغيره على الحق اللى ضاع منا ولا بنجبله يوم سيره على نفسى...دقيقة حداد على حالى...دقيقة حداد على نفسى وعلى حالى على دمعى اللى كان غالى ورخصته لناس مش ناس نزلتلهم من العالى على الضحكه...دقيقة حداد على الفرحه...دقيقة حداد على الضحكه اللى انا نسيتها وراحت منى حلاوتها على الفرحه اللى نسيتنى قتلهاالحزن موتها</span></div> |
|
#4
14-09-2006, 10:02 PM
|
|||
|
|||
|
طب ليه كدة بس ياعم دنجوان
على العموم بعض ماعندك الحق عليا بجابلك نصايح جايز تنفعك بس زى ما فى رخميين من الجنس الناعم والرقيق والجميل فيه ارخم من الجنس الخشن هههههههههههههههههه بحس كانى قاعدة فى محل قماش شكرا على مرورك وتعليقك حاول تتخلص من مشكلة جمع الكلام دى ! (نصيـــــــــــــــــــحة)
__________________
I`m studying pharmacy.... And Ilove it..... |
|
#5
14-09-2006, 10:02 PM
|
||||
|
||||
|
ههههههههههه
فيه بنت تنصح ولد ازاي يدي البت بتاعته استماره سته ماهو طكبعا كل الرجاله عارفين يعني احسن حاجه الصرؤاحه يعني يلف معاها لحد ما يزهق وبعدين يقولها خلينا اصحاب او يقولها انا غلبان مش بتاع جواز ومقدرش ع تكاليفه او انا بحبك عشان كدا حضحي واتخلي عن حبك عشان مصلحنتك واي استشاره ف الحاجات دي انا موجود هههههههههههههههههههههههههههههههههههههههههههه
__________________
 Not everything that can be counted counts, and not everything that counts can be counted |
|
#7
14-09-2006, 10:03 PM
|
|||
|
|||
ايه يا عم الدنجوان انت
 طيب يارب وانت بتحط كل البنات فى القطر او العبارة نملة ( تشنكلك ) جوة القطر :P شكرا ياريهام على الموضوع بس انا الحمد لله مش محتاجة لكل الكلام الفاضى ده 
__________________
|
|
#9
14-09-2006, 10:07 PM
|
||||
|
||||
|
<div class='quotetop'>إقتباس(دنجوان @ Sep 14 2006, 10:58 PM) [snapback]220128[/snapback]</div>
اقتباس:
حلوه اوي الحكايه دي وخصوصا لو كان القطر رايح الصعيد او العباره تبع شركه السلام او الطياره تبع مصر للطيران هههههههههههههههههههههههههههههههههه
__________________
Not everything that can be counted counts, and not everything that counts can be counted |
|
#11
14-09-2006, 10:24 PM
|
|||
|
|||
|
خلاص ياجماعه
البنات احسن حاجه فى الدنيا هانعمل ايه يعنى
__________________
<div align="center"><span style="font-family:Arial">على الود اللى راح زمنه على الناس يؤتمنو على زمن اللى يعمل خير مايستناش ياخد تمنه على العشره وعلى الجيره على النخوه وعلى الغيره على الحق اللى ضاع منا ولا بنجبله يوم سيره على نفسى...دقيقة حداد على حالى...دقيقة حداد على نفسى وعلى حالى على دمعى اللى كان غالى ورخصته لناس مش ناس نزلتلهم من العالى على الضحكه...دقيقة حداد على الفرحه...دقيقة حداد على الضحكه اللى انا نسيتها وراحت منى حلاوتها على الفرحه اللى نسيتنى قتلهاالحزن موتها</span></div> |
|
#13
14-09-2006, 11:57 PM
|
||||
|
||||
|
ايه يا عم انت يا اسمك دنجوان
على فكره بقى البنات احلى حاجه فى الدنيا وبلاش تريقه كتير شكراااااااااا يا ريهام على الموضوع 
__________________
اعذرونى يا جماعه انا مقصره معاكم اوى لظروف خارجه عن ارادتى  |
|
#15
15-09-2006, 02:56 PM
|
||||
|
||||
|
العكس والله
الشاب هو اللي ما بيصدق بس البت رقيقه فبيصعب عليها ان واحد يضحك عليها
__________________
Not everything that can be counted counts, and not everything that counts can be counted |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:13 PM.
