استودعكم الله

[gomaa]

أشعر أننى أستكملت تماما" دورى فى هذا المنتدى بقدر إستطاعتى
والحمد لله على ذلك
أستودعكم الله وأتمنى لكم نجاح باهر فى حياتكم بأكملها
وأتمنى للمنتدى دوام الرقى ودوام التقدم

[شاعرالحب]

ليه كده بس ياأستاذ جمعه

ممكن تقولنا ايه السبب اللى خلاك تتخد القرار ده

[استاذ احمد الكيميائى]

ليه يا استاذ جمعة
هذا علم ينتفع به واتمنى منك ان تعيد التفكير وان تظل على اتصال ومتابع للمنتدى فانت شخص مميز ولا نزكيك على الله

[زهرة فلسطين]

<div class='quotetop'>إقتباس(شاعرالحب @ Nov 29 2006, 11:43 AM) [snapback]242955[/snapback]</div>

ليه كده بس ياأستاذ جمعه

ممكن تقولنا ايه السبب اللى خلاك تتخد القرار ده
[/b]

[المخلص الي الابد]

لالا استاذ جمعة احنا منقدرش علي الكلام ده
ارجوك تفكر كويس قبل متتخذ قرار يزعلنا كلنا يا استاذ جمعة
واكيد احنا عارفين انه سبب خارج عن ارادتك بس ارجوك فكر مرة واتنين وتلاتة

[Miss_CaR!zma]

يا مستر حضرتك عارف ان المنتدى مش هيمشى بدون استاذ جمعه المدرس وفى نفس الوقت الاب
وحضرتك تقوم بمجهود جبار لمساعده الطلبه فى الكيميا وجزاك الله كل خير عليه ولكن فى ناس محتاجه حضرتك فى الايام الجايه دى وانا عمرى مش هنسى المجهود اللى حضرتك بذلته معانا السنه اللى فاتت واكيد فى ناس محتاجه ليك السنه دى
ويا مستر لو فى حاجه معينه مضايقاك ممكن حضرتك تقولها واحنا نناقشها بس فعلا انسحاب حضرتك هيعمل فجوه كبيره وهتبقى خساره كبيره فارجوك تعيد نظر فى الموضوع ده
وربنا شاهد على كلامى ده انه مش مجامله ومستنيه رد حضرتك

[The_Relativistic200]

هو فى ايه تانى طيب؟؟؟!!!

[SUMMER_DESERT]

ايه اللى حصل با استاذ جمعه
ايه الحكايه فى ايه ؟
ممكن ما تسيبش المنتدى لان احنا كلنا محتاجين ليك وللشخصيه الممتازه بتاع حضرتك .
ده رجاء مننا كلنا ممكن ؟

No

NO

انا عاوز اعرف يا استاذ جمعة ايه حصل حضرتك ركن اساسي من اركان الموقع ومينفعش تسيبه مهما كان ياريت تفكر تاني

افتكر الطلبة اللي محتاجين مجهودك

افتكر حاجات كتيرة قوي

سلام عليكم

[أ/ محمد]

أعتقد يا أخي فى الله الذى استحلفك به إن كل التعليقات السابقة كافيه لأنك تعيد تفكيرك مرة أخري فيما قلت
لقد استشعرنا جميعا شخصك دون أن نراك . أحببناك فى الله دون أن نراك أو نسمع صوتك . فقط كانت عشرة روحية
لم يكن لها مقصد سوي فى الله . وبعد كل هذا عاوز تترك المنتدي ؟ طيب ليه ؟ ألم يكن ما تفعله علم ينتفع به ؟
ألم تنتظر من ورائه دعوة قد تكون أبواب السماء مفتوحة أثناء ذلك . مرة أخري استحلفك بالله أن تعود ونحن جميعا فى انتظارك
وسنصفق لك جميعا حينما تبشرنا . وفى انتظار .......

[مهرة]

<div align="center">

استاذ جمعة

خير ايه اللى حصل عشان تاخد القرار الصعب ده

زى ما حضرتك شايف جميع الاعضاء يحبوك ويكنوا لك كل تقدير

لو فى حد مزعلك ياريت تقول ...ومش هيكون اكتر من سوء تفاهم

وان كان لظروف لديك..هنديعلك ترجع لنا بالف سلامة.. وهنفضل منتظرين عودتك

اتمنى ان توضح لنا الامر

ولك منا كل التقدير والاحترام لشخصك الكريم

وشكرا

اختك مهرة</div>

[مسيو محمد عياد]

<div align="center">يا أستاذي الحبيب الغالي ..

أستاذ جمعة /

أنا كنت جيت المنتدي شوية وماشي

انت اللي حببتني فيه

وانت أعز شخصية عندي وعند كل اللي يعرفوك


أخي الفاضل .. إذا تحملنا غيابك .. فلن نتحمل فراقك

فقد علمتنا الكثير .. وسنتعلم منك المزيد إن شاء الله


ننتظر عودتك قريباً

</div>

[حسن كيماوي]

السلام عليكم ورحمة الله وبركاته
أنا اخوكم من السعودية
أنا أطالب استاذنا القدير جمعة بالعودة فوراً لأننا نحتاجك
قد تكون استراحة محارب وتعود نتمنى ذالك
نحن في انتظارك , جهودك وأعمالك وأخلاقك عالية وواضحة للجميع
وبالله التوفيق

[محبة الله]

السلام عليكم
خير يا مستر ليه عاوز تسيبنا حضرتك مش عارف ان تسيبنا دا هيسبب خلل اد ايه للبوابه حضرتك بذلت معانا مجهود عظيم وبنطلب من حضرتك تخليك معانا افتكر الطالب المحتاج اللى داخل سيبر عشان يشوف سؤال ولا مذكرة جديدة ياريت مش تنسانا وتفكر تانى مش تاكد لنا ان كل حاجة حلوة منتهية اوك؟
وربنا يعين حضرتك ويعينا

[gomaa]

أولا" أشكركم فردا" فردا" على هذا الرد الكريم والثناء الحسن والذى يدل على شخصكم قبل أن يدل على
ثانيا" أنا لم أتوقع أن يهتم أحد أما وقد أهتم أساتذتى وأثنوا على هذا الثناء الذى هو بشخصهم فلن أترك مكان هم فيه أبدا"
ثالثا" أنا عندما أخذت القرار لم يكن لأنى متضايق من شئ ولكن لأحساسى أنى لم أستطيع تقديم المزيد ولذلك فضلت ترك المكان لمن يستطيع أن يقدم شئ جديد . أقصد دم جديد وروح جديده . فالأشياء تمتلك التغير دائما".
وشكرا" لكم وأكرر لست أهلا" لثنائكم بل أنتم أهلا" لكل كلمة طيبة