|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-11-2006, 11:15 PM
|
|||
|
|||
السلام عليكم و رحمة الله و بركاته
انا قررت انى احط الموضوع ده للاستفادة هو بيحكى عن طالب عادى اسمه أحمد زيه زى اى واحد هنشوفه بيعمل ايه ايه سلبيات اللى بيعمله و ايجابياته ونناقشها بس انا هكمله كل ما اكون فاضى يعنى مش ضامن انى اكون متواصل باستمرار يلا نبدأ الحلقة1 بسم الله الرحمن الرحيم "يلا يا شباب.... فاضل 5 دقائق عن نهاية الوقت". كان هذا صوت مراقب لجنة الامتحان فى اليوم الاخير من امتحانات أحمد طارق(صاحب احمد): ايه يبنى ...عملت ايه؟ أحمد: الحمد لله كويس وانت؟على فكرة الراجل اللى عامل الامتحان ده خبيث شفت السؤال رقم4؟صح؟ طارق: أيوة ايوة...يلا الحمد لله احنا عملنا اللى علينا و الباقى على ربنا أحمد: ايوة ايوة..ربنا معانا عايز حاجة؟ طارق: انت هتعمل ايه الاسبوعين دول؟ أحمد: طبعا هكون على اعصابى ... هعمل ايه يعنى طارق:يلا...ربنا يسهل ..عايز حاجة؟ أحمد : شكرا يا باشا يلا سلام طارق : مع السلامة اشوفك بعد النتيجة -------------------------------------------------- ثم مضى أحمد فى طريقه الى المنزل وهو يفكر بيوم النتيجة وفى البيت.. والدة أحمد: عملت ايه؟ أحمد : الحمد لله يا ماما الكيميا كويسة جدا ربنا يسهل ان شاء الله والدة أحمد: ربنا يكرمك يبنى..يلا ادخل نام بقى كفاية كده أحمد: عندك حق..انا لازم انام كتيييييير ...محدش يصحينى بقى... ---------------- ومضت الأيام حتى اقترب موعد النتيجة.... الساعة 2 بليل واحمد مش عارف يجيب النتيجة من على الجهاز بتاعه أحمد ( فى سره): طيب وانا هعمل ايه دلوقت؟يعنى لازم الزفت ده يعمل الحركة دى؟طيب وانا هنزل فين دلوق؟لااله الا الله يا رب سهلنا امورنا..يارب وظل احمد يحاول ويحاول حتى قرر ان ينتظر صباحا ويذهب الى المدرسة ليعرف النتيجة وفى الطريق قابل مدرس اللغة الفرنسية.... المدرس: أحمد !! شفت نتيجتك؟ لا والله يا استاذ معرفتش اجيبها0 هو حضرتك جبتها؟؟؟ ايوة معايا(رد الاستاذ) وهنا دق قلب أحمد عدة دقات سريعة ... وامتدت يده لتأخذ الورقة المدون فيها الدرجات.. يا ترى نتيجة أحمد كانت ايه؟؟؟؟؟؟ استنونا الحلقة الجاية شكرا ليكم يا رب يكون الموضوع عجبكم 
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#2
28-11-2006, 01:46 PM
|
||||
|
||||
|
بتفكرنى بيوم امتحان الكيميا والنتيجه
 منهم لله اللى بيصححوا ومستنيه بقيه الموضوع وربنا يستر :D
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#3
28-11-2006, 01:48 PM
|
|||
|
|||
|
:D موضوع جميل يا بشمهندس محمد يا حبي وننتظر البقية لما تكون فاضي يا مان
 :D |
|
#4
28-11-2006, 02:53 PM
|
|||
|
|||
|
ننتظر منك بقية القصة
هههههه شوقتنا اكثر وبنستناك على نار |
|
#5
02-12-2006, 01:22 AM
|
|||
|
|||
|
الحلقة 2
----------- -------- ايه ده!!!! العربى 29 انجليزى 25 رياضة 50 فرنساوى 50 كيمياء 50 "ألف ألف مبروك يا أحمد" قالها استاذ الفرنساوى. "....... ا...ا....الله يبارك فيك يا استاذ ... انا مش عارف اعمل ايه دلوقت اروح ولا ايه ... مش عارف متلخبط..!!!" "هههههههههههه... روح يا احمد فرحهم وتعالالى المدرسة و انا اديك الشهادة مختومة" " حاضر يا استاذ... ثوانى وجاى مش هتأخر" ------------------------------------------------ وفى البيت: -"أحمد!! ها؟ لحقت رحت وجيت؟؟؟؟؟" -99.5"%" بجد؟!!! الف الف مبروك امواا (بوسة يعنى!!)طيب يا ماما انا هروح اجيب الشهادة بقى صحى بابا و قوليله -"طيب متتأخرش!!" ----------------------------------------------- وبعد ما رجع احمد طبعا والده باركله و انهالت عليه التليفونات من جميع الاقارب والناس اللى يعرفهم واللى ميعرفهمش دا غير اصحابه و الجيران... أصلا المنطقة كلها عرفت مجموعه... وأصبح الكل ينظر لأحمد نظره الاحترام... والتى كان يتمناها احمد.. الحمد لله... دلوقت اقدر احط عينى فى عين اتخن واحد ولا يهمنى ...الحمد لله" ومضى اسبوع كامل فى التهانى و الترحيبات والف مبروك وكده... **************** أحمد.... اصحى يبنى... يلا هنتأخر عن الفرح... ( اصل احمد كان معزوم على فرح بنت عمه) -فرح ايه يا ماما... انا عاوز انام... -طيب ولو قلتلك ان "داليا" هتكون هناك؟ - أحمد " يعمل نفسه مش واخد باله يعنى" : داليا مين يا ماما؟  -داليا ... مش عارفها؟ (داليا دى تبقى قريبة احمد بس من بعيد) خلاص يا ماما ... قايم.. بس انتى جهزتى البدلة؟ -ايوة ... يلا خلص بسرعة.. -حاضر يا ماما... ------------------------------------------- طبعا احمد قعد يلبس و يظبط نفسه و اتأخر , فقالهم انه هيبقى يروحلهم القاعة بعد ما يخلص.. ------------------------------------------ - وعند باب القاعة فتح باب " التاكسى " ليخرج شخص فى 17 من عمره .. لا بس بدلة اخر شياكة و البارفان ريحته طالعة و عامل شغل... وما ان وصل احمد على الباب حتى تعلقت كل الانظار به... واخذ احمد يرقب كل العيون الموجهة له... عيون نظرتها فيها احترام... فانشرح صدره و تمتم :"الحمد لله..." ثم دخل احمد و سلم على الموجودين و اخذ مجلسا بجوار مدخل القاعة لهدف معين فى دماغه.... طبعا احمد قول ما قعد بص على كل الموجودين واحد واحد... بس ملقهاش موجودة.. "أكيد هتوصل كمان شوية " همس احمد فى سره.. وفجأة.. أحس احمد بان قلبه انتفض مرة واحدة.. واذا ب " داليا " تدخل من الباب... ------------------------------------ يا ترى ايه اللى هيحصل؟ داليا هتقول ايه لاحمد و هو هيقللها ايه؟ استنونا الحلقة الجاية ان شاء الله.
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#6
02-12-2006, 12:16 PM
|
|||
|
|||
|
على فكره انت وقعت قلبي بحتة يوم النتيجه دي
يلا ربنا ستر :P يلا كمل بسرعه بقى ..... عايزه اعرف داليا عملت ايه انت صحيح يا باشمهندس محمد مش هندسة المنصوره عملت ايه يا باشمهندس في امتحان الفيزيا امبارح ..... و امتحان الوصفيه بتاع الاسبوع اللي فات عملت ايه شكلك فاشل و حليت السؤالين اصل انا اصحابي كلهم محلوش الا واحد عموما بما انك فاضي فكمل بسرعه
__________________
 شهد شاهدا مشهودا فشوهد و هو يشهد فأذا هو بشهد حد فاهم حاجه ..؟؟ انا مليش دعوه ..!! |
|
#7
02-12-2006, 01:43 PM
|
||||
|
||||
|
الله اكتر حاجة بحبها في القصص الي زي دي التشويق
زي قصة ام الجماجم فاكرينها كانت قصة رائعة من استاذ بور سعيدي ومنتظرين بقية القصة يا بشمهندس محمد
__________________
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:13 AM.
