طالبات الاكادمية العربية للعلوم والتكنولوجيا والنقل البحري(للبنات بس)

normde · #1 06-10-2009, 12:04 PM

لكل طالبات الاكادمية العربية عايزين الموضوع ده يبقي عن مشاكل اللي بتواجهكوا في الاكادمية والمميزات اللي فيها ومشاكل الدراسة ولو حد مش فاهم حاجة مثلا في الدراسة لو بنت تانية فاهمة تشرحها عشان كلنا نستفيد وهنكلم في كل حاجة عن الاكادمية وطريقة المذاكرة الصح وكل حاجة
مستنياكم يا بنات
وهنعمل زي بطاقة لكل بنت نكتب فيها النكنيم فيها والفرقة والقسم وفرع الاكادمية

fuoozz · #2 07-10-2009, 07:55 PM

انا اسف جدا انى ادخلت فى موضوعك
بس بما انى ولد ليا استفسار مصاريف كليه حاسبات ومعلومات فى الاكاديميه قد ايه
وياترى بترتبط بمجموع ولا لا ولو فى طالب جاب تقدير فى سنة اولى ينفع يقللوا مصاريف السنه الجديدة

normde · #3 08-10-2009, 06:55 AM

مصاريف حاسبات ومعلومات بتبقي عبارة عن 3 فئات فئة أ ودي بتبقي اكتر من 90% ومصاريفها حوالي 24 الف فئة ب حوالي 30 الف مشعارفة فئة ج كام بس غالبا 35 الف وطبعا لو طالب جاب تقدير في سنة اولي بيتخص من المصروفات 30% ولو كان ليه باباه او مامته في الحكومة بياخد خصم 20% ولو كانو مدرسين ياخد خصم20%

fuoozz · #4 08-10-2009, 07:06 AM

اتصدمت من المصاريف مكنتش اتوقع انها تكون كبيرة كدا
طيب يعنى هو انا هيتخصم منى وانا داخل سنه اولى 20 % عشان والدتى موظفه حكومية صح
ونفس الخصم يمشى السنه التانية واخد خصم تانى 30 % برضه ولا ايه بضبط

fuoozz · #5 08-10-2009, 07:11 AM

بس مااظنش المصاريف ممكن تكون كدا انا اتصلت بيهم قبل كدا وقوليلى المصاريف تقريبا 15 الف جنيه
وانا شايف ان دا منطقى عشان كلية ذى دى موجودة فى كل حته وفى جامعات الخاصه كلها
وفرق المصاريف بسيط بينها وبين النقل البحرى ودى ب40 الف ودى مش موجودة خالص فى الشرق الاوسط

normde · #6 09-10-2009, 12:58 PM

15 الف صح بس في الترم

fuoozz · #7 09-10-2009, 06:09 PM

اوك طيب كدا هيبقى فى خصم 20 % للسنه الاولى ولو جبت تقدير فيها يتخصملى 30 % مظبوط الكلام دا
طيب بالنسبة للسكن ضمن المصاريف دى ولا ليه مصاريف لوحده وياترى سكن كويس

normde · #8 09-10-2009, 09:44 PM

اه الخصم مظبوط
لكن السكن مش ضمن المصاريف دي والسكن حلو جدا بس غالي اوي بس مش عارفة بكام ممكن حضرتك تأخد النمرة من الدليل وتستفسر عن الحاجات دي هما هيفيدوك عني

fuoozz · #9 10-10-2009, 04:58 AM

كمان مصاريف الاكاديميه غاليه وكمان السكن اغلى

fuoozz · #10 10-10-2009, 05:05 AM

تسلمى اختى الكريمة على مساعدتك انا والله العظيم بتصل بكل ارقامهم كلها كلها
محدش بيرد خالص ياريت بس لو تقدر تعرفيلى مصاريف السكن كام وفى احتمال انى لو جبت تقدير كبير
وطلعت ان شاء الله يعنى من اوائل الدفعه يخصموا تانى من المصاريف الاساسيه

fuoozz · #11 10-10-2009, 05:33 AM

انا دورت وعرفت كل حاجة المصاريف 3045 دولار فى الترم الواحد
وفى خصم 30 % للى بيشتغلوا فى الحكومة وموظفين
والسكن 1200 دولار فى الترم للغرفه المزدوجه و1700 دولار فى الترم للغرفه الفرديه
يعنى لو حسبتها الاقينى دافع 6 الاف جنيه فى سكن يعنى غاليه الى حد ما مقارنه بمصاريف الكليه

fuoozz · #12 12-10-2009, 05:39 AM

انا ليا استفسارين انا اتصلت بالاكاديميه وقالوا ان حاسبات بتاخد من 65 % فهل الكلام دا صحيح
اللى اعرفه انها بتاخد من اى مجموع وهل خريجى حاسبات اصحاب التقديرات بتيجى شركات فى مصر
امثال ميكروسوفت واوركم عشان يعينوا افضل التقديرات ذى مابيحدث فى الجامعات الحكومية الكبيرة
ذى جامعه القاهرة واسيوط والمنصورة وبنها وحلوان

normde · #13 13-10-2009, 04:36 PM

هي الاكادمية متعاقدة مع شركات كبيرة واول ما تتخرج بتشتغل وحاسبات بتاخد فعلا من 65 وممكن أكتر كمان

fuoozz · #14 14-10-2009, 02:47 AM

تسلمى لمساعدتك الف شكر
بس انا ليا عند حضرتك استفسار اخير
احتمال السنه الجايه مجموع حاسبات يقل فى الاكاديميه
مع العلم ان عدد طلاب سنه الجايه 100 الف طالب فقط موزعين على كل جامعات الحكوميه والخاصه
وان الوزير التعليم العالى ان السنة الجاية هيكون فيها اقل تنسيق فى 5 سنين اللى فاتوا

normde · #15 14-10-2009, 04:45 AM

معرفش محدش يقدر يتوقع التنسيق ولا اعرف الاكادمية ممكن تنزل درجتها ولا لا