سؤال صغير

[Ringer]

يا جماعة في سؤااال ملههوش لازمه من رأيي بس عاوز اعرفه عشان مدرسين كتير مختلفين فيه

: المركبات التساهمية بيكون الفرق في سالبيتها اقل من 1.7

ولا أقل من او يساوي 1.7 ؟؟؟


رغم اني شايف انه ملهوش لازمه بس مدرس قال يساوي و مدرس قال لأ مفيش مركب الفرق في سالبيته 1.7 و كان متعصب اووي لرايه

و التاني قال لأ فيه و متمسك برأيه اوووي

و كل واحد يضيع نص الحصة عشان يحلف انه مفيش او فيه


فايه رأيكوا ؟؟

[سلمى ابوبكر قبارى]

عندك حق فعلا بيتناقشوا فى الحتة دى بس اللى اخدته واللى مقتنعة بيه ان:

الرابطة التساهمية اقل من 7و1 وتكون تساهمية قطبية او تساوى الصفر وتكون تساهمية نقية ولا تساوى 7و1

والرابطة الايونية تكون اكبر من 7و1

[bolbola]

عندكوا حق بساللى انا اعرفه ان الرابطه الايونيه تكون الفرق فى السالبيه الكهربيه بينها اكبر 1,7اوتساوى1.7والرابطه التساهميه اقل من 1.7وتكون تساهميه قطبيه او تساوى الصفر وتكون تساهميه قطبيه

[واحده من الناس]

المركبات التساهميه فرق السالبيه اقل من 1.7

[el_magic]

فى رأيى انه ممكن يساوى 1.7 واحيانا كمان بيكون اكبر من 1.7 فى بعض المركبات خصوصا مركبات عنصر الفلور

[zeezoo55]

ذرات العناصر المختلفة في السالبية يكون الفرق بينها اقل من 1.7

[خالد شفي]

اذا كانت الفرق فى السالبية اقل من 1.7 يكون المركب تساهمى قطبى واذا كانت تساوى صفر كانت تساهمية نقية

[استاذ احمد الكيميائى]

اعزائى الطلبة عندما نتحدث فى امور العلم لازم نتكلم بمصدر او مرجع واحيانا فيه امور بتكون التجربة العملية هى الفاصل علشان كدة لازم الاجتهاد يكون له اساس ومصدر
موضوع الرابطة الايونية والفرق فى السالبية هى مجرد ارقام للتسهيل وليست مطلقة لان دائما القاعدة تنطبق على الاغلبية
لكن احدث شىء فى هذا الموضوع
ان لا يوجد مركبات ايونية 100 % بل تكون بالنسبة يعنى المركبات التى يكون الفرق بين ذراتها اكبر من 1.7 تكون نسبة الايونية فيها اعلى من التساهمية وهكذا

[zeezoo55]

بس انا ليا تعليق صغير على السؤال انه مش فيه حاجة اسمها السالبية الكهربية للرابطة التساهمية فيه الفرق في السالبية الكهربية بين العناصر الداخلة في تكوين الرابطة التساهمية وعلى الاساس ده تتحدد الاجابة ........

يعني لو الذرات الداخلة في تكوين الرابطة مختلفة يبقى الفرق في السالبية بين الذرات دي اقل من 1.7
ولو كانت الذرات متشابهة او نفس الذرتين يكون الفرق في السالبية بينهما 0 وفي الحالة دي يبقى نوع الرابطة(تساهمية نقية)
ولو الفرق بينهم كبير ولكنه اقل من 1.7 تبقى الرابطة(تساهمية قطبية)

يعني من الاخر هيا مش بتساوي هي اقل من 1.7 ولو زادت عن 1.7 يبقى دخلنا في الخواص الايونية

وده مجرد رأي

[Ringer]

بس هو في عناصر لو ارتبطت مع بعض فرق السالبية هيكون 1.7

زي الـفلور و الرديوم

زي الكربتون و الـهافنيوم

مش عارف ازاي يتحدوا بس لو اتحدوا هيبقي الفرق 1.7

كمان قريت علي النت

" كقاعدة عامة يكون نوع الرابطة بين ذرتين رابطة أيونية في حالة أن الفرق في السالبية الكهربية بينهما أكبر من أو يساوي 1.7 "

و المصدر : ويكيبديا

و طبعا بعد لما قريت كده ... قلت مفيش أحسن من كتاب الوزارة و مليش دعوة بأي حد هي أقل من و اكبر من و نسيت يساوي دي

[Gold stone]

هى اقل من 1,7 فى الرابطة التساهمية القطبية اول مرة اسمع انها يتساوى 1ز7

[Gold stone]

بس هى مش مكتوبة الفلور ولا العناصر دى فى كتاب المدرسة ممكن على النت بس افضل نلتزم بكتاب المدرسة

[Ringer]

مش مكتوبة العناصر ,, و لا مكتوبة بتساوي

بس المستر في المدرسة لما كات بيشرح قال المركبات التساهمية بيكون الفرق في السالبية الكهربية بين عناصرها اقل من او يساوي

سألت مستر الدرس قالللللللي لألألأ مفيش مركب كده

رجع تاني مستر تالت <---- غير كل الناس دي

بيقول لأ في مركبات تساهمية الفرق بين عناصرها بيساوي 1.7

و اللي يغيظ اني مش شايف انها مهمة اوووي عشان يضيعوا وقت فيها و يتكلموا عنها <==== قال يعني احنا بنعمل حاجة غير كده دلوقتي

[(wanted)]

هي حاجة مش مهمة
لو الفرق بينهم 1.7 تبقي تساهمية قطبية قوية او ايونية ضعيفة
ومش ممكن حد يحدد دة لان لكل قاعدة شواذ
ومنشغلش نفسنا بحاجة مش مهمة

[eso angel]

وبعدين وهو انت بتروح المدرسة
بس الاجابة هى والمعروفة ان السالبية الكهربية للمركبات التساهمية اقل من7و1