اللهم لك الحمد الامتحانات سهله جدا و استفسار لأهل الدراية

[mr_mostafa84]

يمكن عشان التخصص انجليزى مكنش حسيت باللى اتقال عن صعوبة اساسيات اللغة الانجليزية لكنى لمست فعلا ان زمايلنا فى التخصصات المختلفه بيشكو منه زى بالظبط ماحنا بنشكى من رخامة فى بعض اسئلة العربى
فى المجمل الامتحانات سهله و التعامل فى اللجان محترم و مفيش تغيير كبير على اللى ذاكرناه و فيه تركيز على الاسئلة الجيدة و ان شاء الله الكل ينجح و يتعين و يتثبت يارب
ليا استفسار لاهل الخبره انا جيت امسح اجابه خطأ فوجئت بالممحاه تبوظ المنظر خالص و سابت اثر اسود واضخ فى العلامه و امتد لخارج العلامه كمان و قعدت امسح فيها كتير لكن المنظر ثبت على كده و خايف يكون بوظ ورقة السكانر و مش مهم السؤال فى داهيه لما يبوظ و يتحسب خطأ
استفسار اخر هل هناك ضرر اذا حصل رقمين جلوس متتاليين على نفس كراسة الاختبار و كود الاختبار

[ممدوح مصطفى الانصارى]

بامر الله موفقين
وخالص الدعوات لحضرتك
ولكل الزملاء

[صفاء عزمى]

ان شاء الله كل ناجح

[mr_mostafa84]

ربنا يسمع منك ان شاء الله و نتثبث بقى و ننجح و نخلص من معاناه دامت خمس سنين
ربنا يبارك فى حضرتك و جزاك الله كل الخير على الدعاء

[وليد سرحان]

انشاء الله الكل ناجح

[مسيو عاطف]

الحمد لله الامتحان فى الانجليزى متوسط وانا والحمد لله حليته كله وكمان امتحان التربوى والعربى وتخصص معلم فصل كمان كويس ومتوسط ومعظمه من اللى كنا بنشوفه فى النت يارب النجاح لينا جميعا

[ابو ايه255]

الامتحان تمام ولكن الانجليزى كلو حل فيه ولكن منعرفش الحل صح ولا خطا

[Ala'a Eldin]

وفقكم الله جميعا

ولى رجاء من الأخوة المتعاقدين اللى امتحنوا اليوم الجمعة 20/11
من يتذكر أى سؤال من مهارات اللغة الإنجليزية يضعوا هنا فى المنتدى حتى نتمكن من تجميع هذة الأسئلة ومراجعتها وتصحيحها حتى تكون مرجعا لكل من سيدخل الإمتحانات لاحقا

[ibrahimsalhin]

المشاركة الأصلية كتبت بواسطة mr_mostafa84

يمكن عشان التخصص انجليزى مكنش حسيت باللى اتقال عن صعوبة اساسيات اللغة الانجليزية لكنى لمست فعلا ان زمايلنا فى التخصصات المختلفه بيشكو منه زى بالظبط ماحنا بنشكى من رخامة فى بعض اسئلة العربى

فى المجمل الامتحانات سهله و التعامل فى اللجان محترم و مفيش تغيير كبير على اللى ذاكرناه و فيه تركيز على الاسئلة الجيدة و ان شاء الله الكل ينجح و يتعين و يتثبت يارب
ليا استفسار لاهل الخبره انا جيت امسح اجابه خطأ فوجئت بالممحاه تبوظ المنظر خالص و سابت اثر اسود واضخ فى العلامه و امتد لخارج العلامه كمان و قعدت امسح فيها كتير لكن المنظر ثبت على كده و خايف يكون بوظ ورقة السكانر و مش مهم السؤال فى داهيه لما يبوظ و يتحسب خطأ

استفسار اخر هل هناك ضرر اذا حصل رقمين جلوس متتاليين على نفس كراسة الاختبار و كود الاختبار

ان شاء الله من الناجحين ومش عايز حضرتك تقلق من حاجة كل دى وساوس الامتحان ومتنساش ان الرقم القومى هو الفيصل لأن مفيش اتنين معاهم نفس الرقم القومى وورقة الاجابة الحاجة الوحيدة المؤثرة فيها هو التنى بعنف وتكسيرها اما الشخبطة فما تقلقش منها
بالتوفيق ان شاء الله

[وائل صبحي السيد]

الحمد لله وربنا يارب يكتبلنا النجاح والتوفيق دائما

[shaimaa zaki]

المشاركة الأصلية كتبت بواسطة mr_mostafa84

يمكن عشان التخصص انجليزى مكنش حسيت باللى اتقال عن صعوبة اساسيات اللغة الانجليزية لكنى لمست فعلا ان زمايلنا فى التخصصات المختلفه بيشكو منه زى بالظبط ماحنا بنشكى من رخامة فى بعض اسئلة العربى
فى المجمل الامتحانات سهله و التعامل فى اللجان محترم و مفيش تغيير كبير على اللى ذاكرناه و فيه تركيز على الاسئلة الجيدة و ان شاء الله الكل ينجح و يتعين و يتثبت يارب
ليا استفسار لاهل الخبره انا جيت امسح اجابه خطأ فوجئت بالممحاه تبوظ المنظر خالص و سابت اثر اسود واضخ فى العلامه و امتد لخارج العلامه كمان و قعدت امسح فيها كتير لكن المنظر ثبت على كده و خايف يكون بوظ ورقة السكانر و مش مهم السؤال فى داهيه لما يبوظ و يتحسب خطأ
استفسار اخر هل هناك ضرر اذا حصل رقمين جلوس متتاليين على نفس كراسة الاختبار و كود الاختبار

انت اكيد كده كنت مبدل كراسة الاختبار مع حد تاني
يا سيدي ان شاء الله مفيش اي قلق
بس المهم انت لما مضيت في كراسة الحضور كان فيه خانة علشان اكواد الاختبار المهم بقه ان يكون مكتوب فيه نفس الكود اللي انت حليته


وبالنسبة للمعاملة عندنا كان فيه مشكلة كبيرة
المراقبين اتخانقوا معانا ولموا الورق قبل نهاية الامتحان باكثر من نص ساعة علشان يلحقةا يروحوا يفطروا طيب احنا ايه ذنبنا
انا مكنتش لسه راجعت العربي
والله عماله ادعي ان ربنا يستر

[وليد سرحان]

ربنا يستر وانشاء الله ناجحين

[ايهاب العراقى]

بسم الله الرحمن الرحيم
اولا : بالنسبه لامتحان الانجليزى فهو سهل و بيعتمد على حفظ الكلمات مش على الجرامر زى ما توقعنا
اما بالنسبه للتربوى و التخصص كانوا تمام المشكله كلها بقى فى امتحان العربى الى كان اصعب واحد فيهم من وجه نظرى و الى حاطط الامتحان ده زى ما يكون فاكر ان الى بيمتحنوا هم تخصص اللغه العربيه بس
ثانيا : بالنسبه للاخت شيماء زكى الى اتاخد ورقكم قبل الوقت كان من حقكم تعترضوا و تروحوا فورا لعميد الكليه بس اكيد كانت اللجان كويسه عندكم علشان كده لموا الورق بدى و هم مطمئنين
ثالثا : عندنا بقى فى كفرالشيخ و كليه التربيه النوعيه الى كنا بنمتحن فيها راحوا اخدوا مننا الموبايلات و كان فى شد كاننا فى الثانويه العامه لدرجه ان كان عميد الكليه كل شويه يلف فى اللجان كانه مراقب على تلاميذ
المهم ربنا يستر و يعدينا على خير

[Ahmed Salah kaseb]

الحمد لله وربنا يارب يكتبلنا النجاح والتوفيق دائما

[sh2010]

السلام عليكم


وانا من ملاحظاتى على الامتحان اولا امتحان الانجليزى كان بيعتمد على قطع ويطلب منك الفكرة التى تتكلم عنها القطعة او سؤال عليها واسئلة كتيرة عن كيفيه البحث عن الانترنت وعلامات الترقيم وقليل كانت اسئلة القواعد الانجليزيه تكاد تكون معدومه بس الامتحان بصراحه لم يكن متوازن فى بعض الاكواد فى كراسات امتحان كانت سهلة والاخري كانت صعبه على سبيل المثال كراسة الاسئلة كود 7004



اما بالنسبة للامتحانات الاخري لمدرس لغة عربيه ابتدائى فالتربوى مختلف عن اللى نزلته من المواقع المختلفه بس بالرغم من ذلك تقدر تحل فيه واللغة العربية تخصص الاسئلة جديده كلها وبتشمل جوانب تربويه بداخل اسئلة التخصص وكمات تركيز على المظاهر البلاغية والتجويد وبالرغم من ذلك تقدر تجمع فيه درجات باذن الله


المادة الوحيده اللى جت من الذي نزلته من النت كانت مهارة اللغة العربية بنسبة 80 % وكان سهل كتير


الحمد لله الامتحان يعد جميل باستثناء اللغة الانجليزيةربنا يستر علينا فيها



وربنا ينجحنا كلنا ويوفقنا ويكمل تعب السنين بالنجاح والتثبيت