|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
30-11-2009, 05:16 PM
|
||||
|
||||
دوس هنا
السلام عليكم ورحمة الله وبركاتة
في البداية انا قريت موضوع عن الثانوية العامة ونصايح لطلاب الثانوية العامة وكان اللي كاتب الموضوع هو Koper_9992010 واحب اقولو كلمة شكر مش كفاية ؟ فعلاً .. مش كفاية الناس اللي بتقول التنفيذ صعب هوا فعلاً التنفيذ صعب ؟ لا .. غلط التنفيذ مش صعب يعني سهل ؟ بردوا غلط ولا سهل امال اية ؟ التنفيذ هيتطلب شوية مجهود وشوية عزيمة وشوية ارادة وشوية احساس بالمسؤلية وشوية حب للمذاكرة وشوية خوف علي المستقبل وشوية ايمان بالله وشوية طاعة للوالدين وشوية الاستماع لنصائح الآخرين وشوية تنظيم للوقت مش أكتر ولا أقل يعني ما ألعبش ولا أخرجكش ولا اتفرج علي التليفزيون ولا أعد علي النت ؟ مين قال كدة ! انتا او انتي في مرحلة الشباب والمرحلة دي الواحد مابيبقاش عارف مصلحتوا اوي امال امتا الواحد يعرف مصلحتوا ؟ لما يخلص تالتة ثانوي ويلاقي نفسوا جايب 80 او 85 في المية ساعتها يقول آآآآآآآآآآآآآه يا ريتني زاكرت واجتهد وسمعت كلام أبويا وأمي ويبدأ يقول ياريتني عملت كل الحاجت اللي فوق دي يعني حضرتك تلعب وتتفرج علي التليفزيون وتعمل كل اللي نفسك فيه بس وانتا بتعمل الكلام دا افتكر كدة ان انتا وراك درس في العربي ما اتذاكرش وومكن يجي في الامتحان وان وراك درس في الكيمياء ودرس في الرياضة .. الي اخره يبقي تخلص كل اللي وراك الاول وبعدين تحل عليه وبعدين تعمل اللي انتا عايزو بس بردوا بحساب عشان ما تضيعش نفسك وحط في دماغك حاجة مهمة اوي ابوك اللي بيروح الشغل كل يوم وبيقبض في اخر الشهر هوا مش بيروح هناك يعد وخلاص وهو اسمو بيشتغل لا دا بيروح هناك ويتعب ويجيب الفلوس دي بالعرق وممكن بالدم والله العظيم حط في دماغك ان ابوك عايزك تبقي احسن منو مية الف مرة بل وعايزك احسن من ابوه هو واخوه ومن اي حد في الدنيا دي كلها حط في دماغك كدة لما تجيب 96 ولا 97 ولا حتي 99 في المية هوا هيبقي فرحان اد اية وافتكر بردوا لما تجيب درجة وحشة هوا هيزعل اد اية وساعتها هيقول يعني بعد ما صرفت عليك المصاريف دي كلها تجيب مجموع وحش في الاخر اعد مع نفسك كدة احسب انتا بتاخد كام في الشهر عشان الدروس ولو ليك اخوات احسب مصاريفهم علي مصاريفك واسال علي المرتب اللي ابوك بياخدوا واطرحهم من بعض وحس شوية بقا شوف كدة البيت ناقصوا جهاز اية وقول لية ابويا بيفضلني انا علي احتياجات البيت مع انها ضرورية ما انا قولتلك مرة عشان هوا عايزك تبقي احسن من اي حد مش عايز البيت يبقي احسن من بيت اي حد شوف في العيد ابوك جابلك لبس ولا لأ طب جاب لنفسوا لبس ؟ ولو جاب هل هوا بيجيب كل عيد ؟ أكيد لأ .. مش بيجيب كل عيد بردوا عشان مش مهم هوا المهم انتا تبقي لايس احسن من اي حد يبقي بعد كل دا تيجي في الاخر تزعلو يا جدع دا انتا يبقي حرام عليك والله العظيم انتا لو زعلتو في الاخر يبقي انتا اللي عايز كدة انتا اللي عايز تطلع في الاخر اي حاجة مش تطلع دكتور ولا مهندس ولا صيدلي ولا اي حاجة من الحاجات الجامدة دي واحب اطمنك ان انتا مهما عملت فية هوا هيزعل منك بس فترة معينة وهيرجع يحبك تاني واكتر من الاول كمان عشان هوا ابوك وانتا ابنو وعلي فكرة الكلام دا كلو ينطبق علي الام بردوا لانها يمكن هتحبك اكتر من ابوك اصل انتا حته منها ولا انتا ما تعرفش الكلام دا ؟ المهم اديك عرفت وفي الاخر احب اقولك استمروا مع المنتدي دا وشوفوا النصايح اللي فيه واعملوها لان ان شاء الله اوائل الثانوية العامة كلهم من المنتدي دا بإذن الله وفي النهاية احب اشكركم كتير لان بمجرد قرايتكم للموضوع فانتوا فعلاً عايزين تبقوا كويسين والسلام ختام ولو هترد علي الموضوع يبقي تدعيلي بالهداية وان انا ما ازعلش ابويا وامي مني تاني خالص ســـــــــــــــــــــــــــــــــــــلام
__________________
|
|
#2
02-12-2009, 12:58 AM
|
|||
|
|||
هدعيلك
بسي كلامك حلو ومظبوط جدا انا شايه ان الفكرة في موضوع المذاكرة هي ارغام نفسك ع المذاكرة متمشيش ورا الزهق والتعب والملل ديه كلها اوهام وحاجات بتضيع الوقت وشكرا ليك
__________________
 أنا القائد العظيم انت مين ؟
|
|
#3
02-12-2009, 04:18 PM
|
||||
|
||||
|
اقتباس:
بردوا كلامك صح و مية المية
__________________
|
|
#4
02-12-2009, 04:57 PM
|
||||
|
||||
|
بجد موضوعك اكثر من رائع
ده انا حتي بعد ما قراته نفسي ارجع ثانوي تاني علشان اذاكر شوية و هو الواحد يحسن مجموعه  بس بجد كلامك صح و برضه لو الواحد حب المادة اللي بيذاكرها مش هيحس بالوقت بل بالعكس المذاكرة هتبقي ممتعة عموما ربنا يوفقكم جميعا شكرا علي الموضوع الجميل
__________________
|
|
#5
08-12-2009, 04:48 PM
|
||||
|
||||
|
اقتباس:
طبعاً طبعاً يا استاذة
__________________
|
|
#6
21-12-2009, 09:42 AM
|
|||
|
|||
|
مذاكرة الثانوية عايزة تنظيم وقت ونوم وحياة ومذاكرة ولعب
كل حاجة ف وقتهات بس لاسف قليل اوى اللى بيعملو كدة ربنا معانا ومعاهم ونجيب احسن مجموع باذن الله ميرسى يا باشا ع التوبيك تقبل تحياتى
__________________
النوم ودع مقلتى ..والليل ردد انتى.. والفجر من غير ابتسامك لا يبدد وحشتى يا هدى الحيران ف ليل الضنا اين انت الان؟؟... بل... اين انا؟ YaRa.M
|
|
#7
22-12-2009, 11:25 PM
|
|||
|
|||
|
السلام عليكم شكرا على موضوع جميل وربنا يبارك فيك ويهديك ويجعلك دائما مطيع والديك
عندى تعيب بسيط بحسوا انا ومعظم طلاب ثانوية عامة ان احيانا بيجى وقت على كل واحد فينا بيبقى مش تضايق يبص فى كتاب وزهقان وتعبان وبيحس بملل فظيع لما يذاكر وعلى فكرة ده شعور بتحس بيه يعتبر معظم الطلابة حضرتك ممكن تقول انت بتتدلعى ولى عايز يذاكر بيذاكر لو ايه ده اكيد بس والله انا نفسى ساعات بحس بياس وزهق من مذكرة اه صيحيح حمد الله برجع وهحاول عوض فترة ديه بس انا مش عارفة ده بيحصل ليه ممكن منضغط لى علينا من البيت والدروس ومن نفسنا مش عارفة ياريت لى يعرف يفيدنى
|
|
#8
27-12-2009, 05:00 PM
|
||||
|
||||
|
اهم حاجة في الدنيا ان الواحد يحط ادامو مستقبلو مش اكتر
طول ما المستقبل ادامك والله لتذاكر لو انتا حتي مش طايقها
__________________
|
|
#11
07-01-2010, 09:55 AM
|
||||
|
||||
|
اقتباس:
__________________
|
|
#12
11-01-2010, 10:03 PM
|
||||
|
||||
|
جزاك الله كل الخير
__________________
|
|
#13
12-01-2010, 04:55 PM
|
|||
|
|||
|
thankss ya man we rabena yekremak we matza3alsh 7ad
|
|
#14
14-01-2010, 12:18 AM
|
|||
|
|||
|
الله ينور عليكي
كلامك صح ميه في الميه واللهي انتي متعرفي كلامك اثر عليا ازاي جزاكي الله كل خير وربنا يهديك ان شاء الله
__________________
|
|
#15
14-01-2010, 05:32 PM
|
||||
|
||||
|
اقتباس:
علي اساس ان انا بنت يعني ولا ايه ؟؟ الباش مهندس === ولد ... ( ماشي ؟ ) ياا رب يهدينا كلنا
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:51 AM.
