|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
18-09-2010, 01:58 AM
|
|||
|
|||
حمـلـــة هنتغيــــر بجــــــــــد√√√
من نحن ؟
شباب هنتغير بجد هم شباب يتخذون المنهج الوسطى المعتدل فى حياتهم وفى تفكيرهم يسعون الى إحداث تغيير شامل فى كل مجالات حياتهم ولا يقتصر التغيير الذى يريدونه على التغيير فى المجال الدينى ( الفروض و العبادات ) وانما يتجه التغيير على كل مجالات حياتهم فى المجال الاجتماعى حسن التعامل مع الاخر من بر الوالدين وصله الرحم والتعامل مع الناس بصوره توقير واحترام والتغيير الرياضى والتغيير العلمى والتغيير الاقتصادى والتغيير الابداعى والتغيير العملى والتغيير التربوى والتغيير الثقافى والتغيير التنموى ولا يقتصر التغيير المراد على انفسهم فقط وانما يتجه الى التغيير الايجابى الذى يساعد غيره من افراد على التغيير ولا ينتقد فقط وانما يحدد الخطأ ويبادر هو بإصلاحه ولا ينتظر غيره يمتلك الكثير من الصفات الايجابيه ويقاوم الصفات السلبيه فى نفسه وفى مجتمعه ويقدم لكم حمـلـــة هنتغيــــر بجــد بقلم / محمــد عيـــد  مقـــدمــــة  هدفها من اسمها هنتغير بجد  سياستها تحبيب الشباب فى الاسلام  شعارها هندخل الجنة سوا ستتكون الحملة من حلقات كتير  وكل حلقة عباره عن حوار بين اتنين +الاول وهو اللى هيغيرنا بجد =والتانى وهو الشاب او الفتاه يعنى انا وانت انتظرونا فى اول حلقه |
|
#2
18-09-2010, 02:03 AM
|
|||
|
|||
الحلقة الاولى ياعبــــادى الذيـــــن اسرفـــــوا  +السلام عليكم =وعليكم السلام +عامل ايه ؟ =تمام +ومع ربك عامل ايه؟ =زى اى شاب بعيد عن ربه وكل فين وفين لما يركع ركعة و باستخدم بصرى فى الحرام وبعق ابوى وامى و..و..و.. +طب وانت ايه اللى بعدك عن ربنا؟  =ان اى واحد يقولى لازم علاقتك مع ربنا تكون 10من10 او0من10 +يعنى ايه؟ =يعنى معظم الناس متبعه قاعدة (الحلال الخنيق والحرام الفاجر) يعنى يأما يمين خالص يأما شمال خالص مفيش حد ماشى فى النص بس منحاز لليمين شويه +وانت عجبك حالك مع ربنا ؟ =طبعا لا بس اعمل ايه؟ وبعدين استحاله ربنا يغفرلى ذنوبى ده انا عملت ذنوب ماحدش عملها فى العالم وعملت كبائر كتييير و..و.. +تعرف انك كده قانط من رحمة الله  القنوط من رحمة الله اصلا من الكبائر =طب اعمل ايه؟؟! +انت مصدق ربنا فى كل كلامه ..  =طبعا من غير تفكير +ممكن تسمع الايه دى =اتفضل .. +قال الله عز وجل (قل يا عبادى الذين اسرفو على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم) =صدق الله العظيم +انت مش حاسس ان الايه دى بتكلمك انت =حاسس +خلاص انت لسه مش متأكد ان ربنا هيغفرلك ويمسحلك ذنوبك ويعتقك من النار =انا ما قلتش كده +امال ايه؟ =انا قصدى هل من السهل ان اعمل اى عمل وربنا يمسح كل ذنوبى !!! +انت ماتعرفش مين هو الله =انا عارف +ماتعرفش ان ربنا كريم ورحيم وعظيم ولما يغفركل ذنوب العالم مش هينقص من ملكه شئ =عارف والله +امال مستنى ايه طب تخيل معايا المشهد ده لو قلت اللى عاوزربنا يغفرله يرفع ايده الناس هتنقسم ل3 انواع النوع الاول هيرفع ايده من غير ما يفكر النوع التانى هيرفع ايده وهو بيقول انا هعصى ربنا تانى بس اهو تقل ذنوبى والنوع التالت بيقول حتى لو ربنا مسح ذنوبى هعصى ربنا تانى انا كده كسبت ايه =قصدك ايه من المثال ده +قصدى خليك ذكى و ثق فى الله وتأكد انه مش هيرفضك بس ارفع ايدك بجد سيب الباقى على ربنا =والله انت غيرت تفكيرى خالص قولى بقى ازاى ربنا يغفر لى كل ذنوبى + ده اللى هتعرفه فى الحلقه التانية بأذن الله اهم حاجه تيقن نفسيا ان ربنا هيغفرلك ولا يبالى +يلا سلام =قول السلام عليكم احسن +انت صح السلام عليكم =وعليكم السلام ورحمة الله وبركاته |
|
#3
18-09-2010, 02:32 AM
|
||||
|
||||
|
السلام عليكم ورحمة الله وبركاته ،،،،،،،،،،،،،،،،،،،،،،،،،،،،،،،،،،،،،،،،،،،
اللهم اغفر لنا ذنوبنا وكفر عنا سيئاتنا وتوفنا مع الابرار،،،،،،،،،،،،،،،،،،،،،،،،،،،،،،،،،،،،،،،،،، احب اشكر حضرتك جدا جدا علا هذا المجهود الرائع المفيد وياريت فعلا نتغير بجد لاننا محتاجين ده ومحتاجين كمان نقوى علاقتنا مع ربنا سبحانه وتعالى وياريت كمان الشباب يستجيبوا لده ويعرفوا ان الله يغفر الذنوب ولو كانت مثل زبد البحر شرط يقين الانسان من جواه ان فعلا عايز يتوب ويرجع لربنا و يمتنع عن ارتكاب المعاصى والذنوب ويبعد عن طريق الشيطان ويتجه الى الله سبحانه وتعالى ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،، والحلقة الاولى هى بداية تفاؤل لباقى الحلقات ويارب حضرتك تقدر تغير فعلا فى شبابنا بهذه الحملة ،،،،،،،،،،،،،،،،،،،،،،،،،،،،، فى انتظار باقى الحلقات بإذن المولى ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، والسلام عليكم ورحمة الله وبركاته،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#4
18-09-2010, 02:48 AM
|
|||
|
|||
|
اقتباس:
عليكم السلام ورحمه الله وبركاته
اللــــــــــــهم امين انتظرونــــــــــــــــــــا فى الحلقات القادمه لازال لدينا المزيد والمزيد من الحلقات والموضوعات الاخرى التى تساعد الشباب على التغير فتابعونا  |
|
#5
18-09-2010, 12:47 PM
|
||||
|
||||
|
حلقات باين عليها مشوقه ومفيده
نحن فى انتظار باقى الحلقات وربنا يهدينا جميعا جزاك الله خيرا
__________________
  |
|
#6
18-09-2010, 01:46 PM
|
|||
|
|||
|
اقتباس:
|
|
#7
19-09-2010, 12:36 AM
|
||||
|
||||
|
شكرا لك يا جميل
|
|
#8
19-09-2010, 01:35 AM
|
|||
|
|||
|
اقتباس:
الشكر لله عز وجل |
|
#9
19-09-2010, 01:37 AM
|
|||
|
|||
|
الحلــــــقة الثــانــــــية بقلم/أ.محمد عيد (امسح كل ذنوبك) +ايه الاخبار =ده انت عملت امبارح فيا حتة مقلب قعدت تحمسنى وفى الاخر علقتنى ومشيت +عارف وكان قصدى =ايه!! =طيب ليه كده؟ +لان لو اخدت كل حاجة مرة واحدة هتتحمس شويه وبعديها بساعة ولا كأن فى اى حاجه =كلامك مظبوط +وخلى بالك كل حلقة هيكون نفس النظام =بس على الله يجى بفايده +قلتلك امبارح ثق فى الله وما تحملش هم =ماشى..مش ندخل فى الموضوع بقى +ماشى..يلا 3..2..1.. +السلام عليكم ورحمة الله =وعليكم السلام ورحمة الله +ايه الاخبار =تمام..الحمد لله +طبعا زى ماانت عارف ان حلقتنا النهاردة عن ازاى نمسح كل ذنوبنا +فى البدايه لو قلتلك ممكن تعد ذنوبك اللى عملتها من يوم ما اتولدت =ايه .. =انت بتكلمنى انا.. +طب بلاش .. ممكن تعد ذنوبك اللى عملتها طول الاسبوع ده =يا عم انا ماشى ... انت جاى تفكرنى باللى فات +استنى انا قصدى ان انت ماتعرفش تعد الذنوب اللى عملتها النهاردة اساسا +ومحدش يقدر يعدها الا الله =صح +اذن ماحدش يقدر يمسحها الا الله =ونعم بالله +ولكن ازاى نخلى ربنا يغفر (يمسح) لنا كل ذنوبنا =ازاى ..قول انت؟؟ +بصراحة مش انا اللى هقولك =امال مين ..؟ +اللى هيقولك هو اللى هيغفرلك كل ذنوبك..حيث قال عز وجل (فقلت استغفرو ربكم انه كان غفارا) =صدق الله العظيم =يعنى ربنا ممكن يغفر لى ذنوبى كلها +انت مش مصدق ربنا ولا ايه ؟؟!! =انا مصدق والله ده حتى كلام ربنا بس انا مش متخيل يعنى ربنا هيسامحنى فى كل اللى عملته؟ +انا عارف انك فرحان اوى علشان كده اسمع الحديث القدسى الجميل ده (يابن ادم لو اتيتنى بقراب الارض خطايا ثم لقيتنى لا تشرك بى شيئا اتيتك بقرابها مغفرة)... =طب ولو ذنوبى اكتر +ممكن ما تقاطعنيش تانى =انا اسف بس انا فرحان اووى +عارف بس اسمع للاخر =ماشى انا اسف +(يابن ادم لو بلغت ذنوبك عنان السماء ثم استغفرتنى غفرت لك ولا ابالى) +انت واخد بالك من حاجه =ايه ؟؟ +ان ربنا بيقول غفرت على طول يعنى ما فيش قبلها ثم ولا حتى فاغفر =طب ودى فيها ايه +فيها كتير ان الله لو قال ثم قبل غفرت معنى كده ان فى فترة ما ما بين استغفارك لربنا و ان ربنا يغفرها لك ونفس الكلام فى لو كانت فاغفر مع ان اللغه بتقول ان الفاء تدل على سرعة التنفيذ ولكن خلى بالك ان حتى لو فى سرعة فى عمل شئ برضه هتاخد وقت حتى لو ثانية واحدة بس اخدت وقت ولكن ربك عظيم اووووووووى ان معنى ان ربك ما يقولش ولا (ثم )ولا(ف) معنى كده ان مفيش اى وقت ما بين نطقك للاستغفار وان ربنا يغفرها لك =ياه ..اد ايه ربنا كريييم اوى +والله ربك عظيم جدا ولكن احنا اللى مش واخدين بالنا ولو تاخد بالك ان فى جميع ايات القران ربك بيقدم صفة الغفران عن اى شئ يعنى مثلا (ان الله غفورا رحيما) ربنا قدم صفة الغفران عن الرحمة لان استحاله ربنا يرحم شخص كثيرالذنوب وبالتالى ربنا هيغفرله ذنوبه وبعده ربنا يرحمه ولو افترضنا ان قلبك حتة قماشة بيضة وكل لما تعمل ذنب الذنب ده يعمل نقطة سوداء على القماشة اظن كده حتة القماشة بتاعة كل واحد اتحرقت مش اسودت =صح +وخلى بالك ان حبيبك النبى شبه القلب كأنه حتة حديده والذنوب كأنه الصدأ اللى على الحديده والاستغفار هو المنظف لهذا الصدأ طب ما تجى نلمع قلوبنا بقى = والله انا نفسى بس التلميع هيجهدنى اوى وهيتعبنى +اهم حاجه انت ازاى بتستغفر ربنا هل بتستغفر من فمك ولا من قلبك =طب ازاى استغفر من قلبى +بأنك وانت بتستغفر تكون واثق من ان ربنا هيغفرلك =ونعم بالله =طب ازاى استغفر ربنا ؟؟ +فى اذكار كتييير جدا يعنى مثلا (استغفر الله ) (استغفر الله العظيم واتوب اليه) (استغفرك اللهم واتوب اليك ) وفى اذكار كتييير ولكن لو تلاحظ ان النصف الاول لو مشيت على حلقة النهارده اتحقق وهو ان ربنا يغفرلك ولكن ازاى تتوب لربنا بجد وازاى تعرف ان ربنا تاب عليك =اه ..ازاى ؟؟ +ده للى هتعرفو فى الحلقة الجاية ولكن واجبك من النهاردة تكثر من الاستغفار علشان نتظف قلبك من اى قذارة واكيد القذارة على قلوبنا كتيير +وفى الحلقة التالتة هنتوب بجد لربنا =طب ما تقول اى حاجه +انا قلت بكرة ان شاء الرحمن +يلا..السلام عليكم =برده بتعلقنى..
وعليكم السلام |
|
#10
19-09-2010, 12:16 PM
|
||||
|
||||
|
جزاك الله خيرا
منتظرين باقى الحلقات استغفر الله العظيم واتوب اليك
__________________
|
|
#11
19-09-2010, 06:27 PM
|
|||
|
|||
|
اقتباس:
جزانا واياكم كل الخير
باذن الله |
|
#14
20-09-2010, 01:28 PM
|
||||
|
||||
|
جزاك الله خيرا
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم  |
|
#15
20-09-2010, 02:08 PM
|
|||
|
|||
|
اقتباس:
جزانا واياكم كل الخير
اللــــــــــــهم امين  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:32 PM.
