عندى مشكلة واتمنى تساعدونى

[روعة الإيمان]

السلام عليكم ورحمة الله وبركاته

انا عندى ابنى 6 سنوات كنا عايشين بالكويت وللاسف كان فى مدرسة انجليزية واضطرينا ننزل مصر فجأة السنة دى من 3 اسابيع تقريبا
وطبعا هو كان لا يعرف فى اللغة العربية سوى الحروف

وطبعا زى ما حضراتكم عارفين الدروس اللى اولى ابتدائى بتأخدها وبدأنا من درس اقاربى وطبعا هو فقط بيرسم الكلمات
لكن لا يعرف يقرأ ولا يكتب كلمة لوحده

وانا دلوقتى مش عارفه اعمل ايه

والدروس بتزيد يوم عن يوم وهو لا يفقة فيه شى رغم محاولاتى معه
لانه لازم الاول يتأسس يعرف طريقة القراة والكتابة

وانا فعلا مش عارفة ابدأ معاه ازاى احترت جدا وحاسة انى ظلمته من البداية انه مدرسش عربى

ودوقتى مش عارفه اعمل ايه

وسوؤالى هو فيه امتحانات نصف العام السنة دى ولا حسب المدرسة

وكمان هو مين اللى بيحط الامتحانات دى مدرسة الفصل ولا الوزارة

اتمنى حد يفيدنى

وجزاكم الله كل الخير

انا حرجع ببعد يومين من سفر واتمنى اجد اجابة ومساعدة منكم وجزاكم الله كل الخير

[مستر الشرقاوى]

المشكلة مش مشكلة امتحانات . المشكلة مشكلة ازاى ابنك ينجز فى وقت محدود هى دى المشكلة انا بانصحك انك تذاكرى لابنك أو أى مدرس متخصص يساعده ويذاكرة خاصة ان هو فى سنة أولى ولولاقدر الله لم توفقى فى الموضوع ده واستمر على الوضع الى هو عليه خلي ابنك يبدا الدرسة من السنة الجاية علشان يتاسس من الاول وفى اجازة السنة دى خليه يتعلم على الأقل الحروب ونطقها