لازم تدخلوا كلكم بجد ده ماسك هيعجبكم جدا ان شاء الله

[ymymym]

السلام عليكم ورحمه الله وبركاته
انا طبعا كالعاده لما بلاقي حاجه حلوه استفدت منها بحب انزلهالكم هنا عشان كلكم تستفيدوا يا عضاء الثانويه الاحباء
انا مش عارفه الموضوع يتحط فين الصراحه لانه ينفع بنات واولاد عادي فانا الصراحه مش عارفه ومش جاي في بالي اقسام معينه احطها فيها
فلو ده مش مكانها (اكيد يعني) انقلوه بقي في المكان اللي يعجبكم
الموضوع عباره عن اني كنت قاعده امبارح في امان الله بصيت في وشي لقيته حبوب كتيره قوي فاتضايقت فقمت عملت ماسك من تاليفي ماسك جميل جدا جدا جدا ومجرباه بنفسي انا يعني يميم
قمت عملته الفجر ونمت صحيت لاقيت نفسي حد تاني
انا تهت مني انا مش انااااااااااااا
والله ما بهزر انا صحيت فاختي بتقولي ايه ده ياسمين الحبوب هديت قوي يخرب عقلك ففرحت قوي فقلتلها عملت كذه وكذه قامت عملت باقي الوصفه
هي للتفتيح ولحب الشباب
بجد جربوه وهيعجبكم جدا ان شاء الله
المهم الماسك الوصفه دي بتتعمل بحيث انها تتعمل مرتين في اليوم بس تكفي مرتين ف اليوم بس هتعملي اكتر يبقي هتاخد ايام اكبر بس لو سيبتيه بره كده ف الجو هيعفن
الوصفه المقادير بقي ايه هي يايميميم ؟ هقول اهو
المقادير
بيضه صغيره ومعلقه عسل ابيض ودقيق علي حسب اللزوجه وليمونه مشقوقه نصين ومعلقتين زيت وبصله صغيره جدا جدا
يتعملوا ازاي بقي نقول
الطريقه
البصله بتتحط في مياه مسلوقه هي والليمونه المشقوقه وتسيبوها لغايه ما تغلي خالص .
الليمونه بقي قبل ما قشرتها تدوب تطلعوها من المياه وتعملوا بيها وشكم ادعكوا وشكم بيها هيفتح المسام وهيساعد بعد كده مع الماسك
بعد كده تخلطي البيضه بالبصله بعد ما تتهري خالص بمعلقتين الزيت بمعلقه العسل الابيض وتحطي دقيق لغايه ما يبقي المقدار ماسك نفسه جدا جدا ميبقاش مياه كده لأ يبقي ماسك نفسه
دي وصفه عملتها بنفسي وكانت حلوه قوي وعملتها من دماغي هي بتتحط تلت ساعه الصبح وتلت ساعه بليل ويفضل تعمليها ومتتطلعيش في الشمس خليكي في البيت
دي الوصفه اتمني ان اليل يجربها يرد عليا يقولي عمل ايه وعملت ايه في وشه وربنا معاكم ان شاء الله