هام للمعلم المساعد

[سلم]

ورد خطاب إلى معهدى اليوم وهو تابع لمنطقة الشرقية وفيه ما يلى:
على المدرسين المتعاقدين الذين اجتازوا اختبارات كادر المعلم فى 20 / 11 / 2009 تجهيز هذه الأوراق وتسليمها لشئون العاملين لتسليمها للمنطقة الأزهرية وهذه الأوراق هى :
1- صورة المؤهل.
2- صحيفة الحالة الجنائية.
3- نسخة للعقد.
4- تقرير أداء الموجه.
5- تقرير شيخ المعهد.
6- شهادة الــ icdl .
7- نتيجة الامتحان وعليها صورة شخصية.
8- صورة الرقم القومى.


على العلم أن النتيجة لم تظهر حتى الآن
** وأتمنى للجميع النجاح والتوفيق.

[Mr.Shaaban]

جديدة دي

[a7medmath]

الكلام صحيح انا شوفت المنشور فعلا
الكلام دى طبعا لمن اجتازو الامتحان ولسة النتيجة مش ظهرت

[Observer]

دة بقى التطور على الطريقة الأزهرية

كل واحد حر فى طريقته

[مينومينو]

التطور الطبيعى للتعليم فى مصر

[shaimaa zaki]

نفس المنشور وصل معهدنا النهاردة انا برضة من الشرقية
وده معناه طبعا ان احنا اجتازنا الامتحان ( طبعا باهزر )
بس انا عن نفسي هاروح بكرة اعمل فيش جديد
لان الفيش اللي احنا عملناه قبل كده صلاحيته انتهت
على ما يطلع تكون النتيجة ظهرت ان شاء الله

[ابو محمود السكرة]

لك كل شكر وتقدير

[teacher120]

هههههههههههههههههههههههههههههههههههههههههههههههههه ه مش عارف اقول ايه والله
حضرتك تبع منطقه ايه انا كنت فى المنصوره اليوم مفيش جديد

الازهر دا بركه كل واحد بعمل على مزاجه
طيب ما الصور دى عندهم
على العموم الف شكر لك واحنا منتظرين النتيجه وشؤون العاملين اكدوا اليوم ان النتيجه منتهيه وموجوده فى قطاع المعاهد بس منتظرين الاكاديميه

[محمود 511]

الورق بتاع التقديم للاكاديميه ولا للتجديد
الاخ سلم

[shaimaa zaki]

المشاركة الأصلية كتبت بواسطة محمود 511

الورق بتاع التقديم للاكاديميه ولا للتجديد
الاخ سلم

المنشور جه فيه ان الورق ده هيسلم لقسم الكادر في المنطقة لصرف المستحقات المالية

[أزهرية وأفتخر]

نفس المنشور جه المعهد امبارح بالشرقيه
لكن مفيش ولا متعاقد بالمعهد بتاعنا امتحن كادر لأن المنشور جه الخميس وقالوا آخر معاد السبت للتقديم ويوم الجمعه كان اجازه طبعاا ههههههههههه فملحقناش نعمل اى حاجه وفاتت علينا وقدمنا دلوقتى مع المتخلفين
يا جماعه انا قريت المنشور اللى جه بيقولك بعد الاوراق المطلوبه اللى اجتاز تقرر تسكينه ومنحه المرحلة الثانيه من الكادر ولا جابوا سيرة التثبيت ولا يحزنون كانوا بيقولوا اللى هيعدى هيتثبت قصدهم هيتسكن مش يتثبت

[نانو2010]

احنا هنا فى ادارة تفتيش فرشوط لم يصلنا اى منشور ولم يعرفوا اى شىء عنه ولم نعرف ماذا نفعل

[shaimaa zaki]

المشاركة الأصلية كتبت بواسطة نفسى أسافر بقه

نفس المنشور جه المعهد امبارح بالشرقيه
لكن مفيش ولا متعاقد بالمعهد بتاعنا امتحن كادر لأن المنشور جه الخميس وقالوا آخر معاد السبت للتقديم ويوم الجمعه كان اجازه طبعاا ههههههههههه فملحقناش نعمل اى حاجه وفاتت علينا وقدمنا دلوقتى مع المتخلفين
يا جماعه انا قريت المنشور اللى جه بيقولك بعد الاوراق المطلوبه اللى اجتاز تقرر تسكينه ومنحه المرحلة الثانيه من الكادر ولا جابوا سيرة التثبيت ولا يحزنون كانوا بيقولوا اللى هيعدى هيتثبت قصدهم هيتسكن مش يتثبت

على فكرة المنشور مش فيه ميعاد للتسليم

[سلم]

ياجماعة المنشور مش فيه أى ميعاد لأنهم قالوا فيه اللى اجتازا ونحن حتى الآن لم تظهر نتيجتنا فكيف نسلم أى أوراق والمنشرو مرتبط بالنتيجة ولو لاحظتم من الأوراق المطلوبة ( صورة من النتيجة عليها صورة شخصية ) فنحن منتظرين النتيجة أولا ثم يفرجها المولى عز وجل.

[د/ايمن محمود البتشتى]

خليكوا ورا المنشورات لغاية متروحوا فى داهية والبوليس السياسى الازهرى يعتقلكم
حسبنا الله ونعم الوكيل