دى مش كورة.. دى أستيكة

[mr.g*m*l]

امسح همك يالا يا ويكا
انسى بطالة وانسى فساد..... شمر يالا بسرعة يا واد
واجرى بسرعة ع الاستاد....غنى وارقص ع المزيكا
دى مش كورة.....دى أستيكة
كورة معاها عقول بتضيع
انسى الهم بسرعة وبيع... قفّل على كل المواضيع
وافرح يا بتاع البولوتيكا
دى مش كورة........دى أستيكة
ناس مكبوتة وعايزة تظيط
كام زمارة وكام بلونة كمان برانيط
والله يا بلدى دا شغل حويط
كله هايطلع فى الفابريكة
دى مش كورة......دى أستيكة
ناس تعبانة وشايلة الهم.... داقوا مرارة وحرقة دم
داقوا مرارة وحرقة دم ....حاجة تفرح برضة يا عم
وإلا الفرحة بقت أنتيكة
دى مش كورة....دى أستيكة.

كتب: ايمن يحى

[مستر/ عصام الجاويش]

لا الناس فاهمه كل شيئ مش معنى ان الانسان بيفرح بالانتصار فى كره القدم انه هيسامح فى حقه من اللى بيظلمه