|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
10-02-2010, 01:55 AM
|
||||
|
||||
تقدر تقول غير كدة!!!؟؟؟
 بسم الله الرحمن الرحيم الولد بيكون فاشل وهو صغير، وحتي وهو كبير كمان برضه... دا طبيعي، عشان كدا تلاقي مدرسين ابتدائي وإعدادي معلمين علي رجله وإيديه وكل جسمه بالخرزانة، الثانوية العامة بتأثر علي عقليته وتوقف نمو ذهنه، يدخل الجامعة تلاقي الدكاترة ربوله الخفيف، ويخلوه يمشي يكلم روحه أد بتاع خمس ست سنين ولا حاجة، وبعد كدا يتخرس خالص! بتوع الشرطة وأمن الدولة بيمثلوا جانب مهم في حياته الجامعية، بتلاقيهم راسمين علي قفاه علم مصر بالحبر الثابت، يتخرج ويدخل الجيش.. يبدأ الولد بعد الجيش في استخدام البقية الباقية منه، «شنباته وصوته الطخين» يفتكر البنت اللي قالتله أيام الجامعة «أنا مستعدة أعيش معاك علي حصيرة في عشة فوق سطوح عمارة»، وأبوها اللي كلمه في التليفون وقاله «يابني إحنا بنشتري راجل»، وفي رحلة طبيعية يعيد فيها حلم رجولته مرة تانية، يلبس بدلته والكرافتة ويروح وهو منتشي ومنتعش يطلب إيدها، بيطلب إيدها ... مش أكتر من إيدها، عايز إيدها بس والله، علي أده دلوقتي، ولو لقي إيدها حلوة وربنا فتح عليه هايرجع ياخد الباقي، فإذا بالكلمات تنهال كما الصواعق علي رأس الغلبان المأسوف علي شبابه...... مكوة زي اللي اشتراها خطيب بنت عم أخت جارتها من موزبيق، وعربية زي اللي راكباها عمة خالة البقال اللي فاتح عند أختها، وخلاط زي اللي مارثا ستيورات بتعمل بيه الأكل في برنامجها علي قناة فتافيت، ودي في دي زي اللي أمها حكيتلها إن جدتها كانت بتشوف ماتشات المنتخب عليه، وأخيراً..... الفرح يتعمل في القاعة اللي حلمت وهي نايمة، إن صاحبتها اللي في الجامعة لما ربنا ينتعها بالسلامة وتلاقي عريس، هاتعمل فرحها فيها!! الولد الغلبان ما يكملش كوباية الشاي.. ويخرج من عندهم بالفلنة والشورت والشراب بالعافية، وهو أكثر شبهاً بالكتكوت المبلول في عز التلج، من بني آدم في أي صورة من صوره أو طور من أطواره! طب علينا بإيه إحنا الولاد من دا كله؟؟؟ بجهلنا وسلبيتنا وقلة تفكيرنا في مخلوقات الله واستهانتنا بيها، اللي بنعمل في روحنا كدا.... ما تبصوا لفطر عفن الخبز والأميبا، وحاجات تانية كتير ما لهاش حصر، واجهتهم المشكلة دي مع العفنات الخبز والأميبات بتاعتهم، وأوجدوا حلولاً في منتهي البراعة ليه ما نطورش نفسنا ونعمل زيهم؟؟؟ نجمع تبرعات ونخاطب باحثين من طب وعلوم ووراثة وكل المجالات اللي ليها علاقة بالموضوع، ونبدأ نحط خطة وننشئ غرف بظروف بيئية ودرجة حرارة معينة تساعد الشاب علي التبرعم، ونجيب الولد من دول وندربه ونعلمه إزاي يستخدم كل الذكريات المؤلمة اللي حصلت في حياته، ويبدأ يفتكر يفتكر ويحوش جوا نفسه ويكتم، لحد ما هوب يطلع له برعم في صدره أو في دراعه مثلا، يبدأ بقي الدكتور يراعيه ويحطله سماد وكيماوي لحد ما يكبر كده أدام عينيه ويبقي حلو.. يقوم فاكُّه منه ومنزله علي الأرض يعيش ويتعايش زي خلق الله، وخلي بقي صاحبات الصون والعفاف للي يلبولهم طلباتهم.. وخليهم ينفعوهم ..!
__________________
Day After Day Time Passed Away
|
|
#2
10-02-2010, 02:20 AM
|
||||
|
||||
مشكلة كل عصر
التكبر والعنطظة من غير حاجة لازم ابو " اللى ما تتسمى" ووالدتها يحبكو الحكاية دا غير البنات اللى بتطلب طلبات غريبة "يقعدلهم فى صحتهم وعافيتهم يارب " ونا عايزة شبكة زى اللى بنت خالتى جايباها وشقة زى بنت عمى يبقا الصالون فى المهندسين والحمام فى عين شمس وافتحهم على بعض وعفش من كوارالامبور والفرح يبقا فى قاعة " جهنم للافراح الحديثة " بعد دا كله يحصل للشاب حالة من الازبهلال والعبط اللا ارادى ويخرج من عندهم وهو بيلعن اليوم اللى دخل بيتهم فيه الناس معدتش بتحس بحد هما عارفين ان الشاب بيفضل اد كدا فى الدراسة وملوش دخل ويدوبك لسة بادىء يكون نفسه وعايز يستقر واللا عنه ما استقر الناس دايما بتحط العقدة فى المنشار مش بتحاول تساعد الشباب الامامير اللى زى حلاتى كدا واهى البنات بقت مرطرطة فى كل حتة اهى يبقو يشوفو مين اللى هيعبرهم ويبصلهم حتى اللى تلحق عريس دلوقتى يمسك فيه باديه وسنانه لان هيحصل قريب ازمة عرسان زى ازمة انابيب الغاز دلوقت ======== وبعد كل الكلام اللى لا يودى ولا يجيب دا احب انبه كل بنت بحاجة واحدة قالها الرسول"ص" "اذا جاءكم من ترضون دينه وخلقه فزوجوه الا تفعلو تكن فتنة فى الارض " او كما قال ... صدق رسول الله صلى اللهعليه وسلم يعنى واجب على الاباء والامهات انهم ميحبكوش الحكاية انا مش بطلب منهم انهم يجوزو بنتهم لاى كائن حى يعيش ويتعايش لازم يكون على خلق ودين علشان يحافظلهم على اللى ما تتسما بنتهم وفى نفس الوقت يكون عندهم رأفة ورحمة على الشباب الامامير اللى زى حلاتى بردو ربنا يهدى ويابخت من وفق راسين فى الحلال ومش هحط ولا ايموشن فى الرد دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#3
10-02-2010, 02:34 AM
|
||||
|
||||
|
ايه ده
ايه ده ايه ده ايه التشاؤم ده ؟؟؟؟؟؟ بالراحة شوية يا جماعة .............. ده انتم بتتكلموا في زواج ....... وبعدين اهم حاجة في مسألة الزواج دي التوافق الاجتماعى او على رأى المثل الشعبي ( على قد لحافك مد رجليك ) يعني أكيد طبعا في الزواج لازم يبقي فيه توافق في المستوى الديني والاجتماعى والعلمى والثقافى يعنى متروحش تهزأ نفسك وعيلتك علشان وحدة عجبتك ومفيش بينكم اي توافق في المستوى المادى على الأقل اكيد يعني الى هينقي شريكة حياته مش هينقيها كده وخلاص لازم يكون في نسبة وتناسب يعني في نفس الوقت لو انت ربنا فاتح عليك وروحت اتقدمت لبنت غلبانة بلاش كلمة غلبانة ميسورة الحال هترفضك ليه وتتنطط عليك ؟؟؟ يعني اظن ان المعظم ليس كما تتحدثون لسه الدنيا بخير جزاكم الله خيرا ع الموضوع رغم عدم اعجابي بجزء غير قليل من صياغته شكرا
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#4
10-02-2010, 02:41 AM
|
||||
|
||||
|
اقتباس:
والنسبة والتناسب وكلام الاحصاء دا هو بيتكلم عن ظاهرة التطفيش الناجم عن المبالغة او الافراط فى طلبات اللى ما تتسمى هيا واهلها " ايه اللغة البيئة اللى انا بتكلم بيها دى " بيتكلم من منظور المادة عند اهل الزوجة يعنى فى ناس ممكن ميكونش فى بينهم توافق اجتماعى ولا ثقافى ولا توافق زاوى حتى بس بيتجوزو لانهم معتقدين بمثل ان الرااجل ميعيبوش الا جيبه وبعد كدا يمرمط كرامة بنتهم فى الارض لان الراجل اول حاجة تعيبه اخلاقه الفاسدة انما البنت دلوقتى تلاقيها تلفانة وعدمانة وبتتعنطظ " حلوة بتتعنطظ دى ؟" عامة انتم احرار انتم الخسرانين وزى ماقولت انتم مرطرطين فى كل حتة بقيتم اكتر من الهم على القلب الواحد شكله هيرغى كتير فى الموضوع دا " ادارى بقا وبراحتى " فوتتكم بعافية ومش حاطط ايموشن بردو!
__________________
......استودعكم الله الذى لاتضيع ودائعه.... ....closed 4 ever
|
|
#6
10-02-2010, 02:55 AM
|
||||
|
||||
|
اقتباس:
لنفترض جدلا ان الكل جميع الاهالى يبالغون في طلباتهم ...................... ما ذ لو كان المتقدم ( العريس ) ميسورة حالته وربنا فاتح عليه متقن لعمله ومخلص ومجتهد ؟؟ ماا ذ لو كان (السي في) بتاعه بسم الله ماشاء الله منور بشهادات تفتح النفس ؟؟ مادا ذ لو كان لم يتقاعس ( ويسهبل ) اثناء اجازاته وعمل اي مهنة تشرف بدلا من الكسل وتضييع الوقت ؟؟ هل هيلاقوا فرصة يتنططوا برده ؟؟؟
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#7
10-02-2010, 01:03 PM
|
||||
|
||||
|
مناقشات رائعه وهدافه
جزاكم الله خيرا
__________________
تذكروني بدعوة 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:35 AM.
