صديقى الحبيب لاتنضم لاى جماعه

[مستر/ عصام الجاويش]

السلام عليكم ورحمه الله وبركاته
دار كثير من الجدل فى المنتدى حول الجماعات الاسلاميه
وانا انصح كل شاب الا ينضم لاى جماعه ربنا سبحانه وتعالى سمانا مسلمين وكفى يكفيك انك مسلم تمارس شعائر دينك بكل حريه وتعيش فى امن وامان واستقرار ومصرنا الحبيبه بلد جميله وشعبها متدين بالفطره ليه بقى كل واحد يعمل جماعه ويفرق شمل الامه ؟ غير كده كل واحد شايف نفسه هو الصح وغيره غلط وتبدأ الافكار المتطرفه تظهر وده كله مش فى صالح مصر. لو بتحب بلدك بصحيح اعبد ربنا صح بدون بدع ولاتنضم لاى من تلك الجماعات والله العظيم احنا فى نعمه والبعض مش حاسس بيها واعمل المطلوب منك فى عملك اشتغل بضمير عشان تساهم فى نهضه. بلدك التدين مش كلام وبس لا التدين عمل والمسلم لازم يكون ايجابى لو انت طالب تفوقك الدراسى دليل على تدينك . لانى بلاحظ ناس بتهمل دراستها ويقولك لا انا هادرس علم شرعى . الكلام ده مش صح انت اعرف الضروريات التى تصح بها عباداتك اما التخصص الدقيق اتركه لاهله مصر محتاجه المهندس الناجح والدكتور الماهر والمدرس المبدع والظابط والمحاسب ..الخ مش كل الناس هتتفرغ لدراسه العلم الشرعى