سؤال للطلاب المتفوقين

الاستاذ/ وائل الدسوقي · #1 12-03-2007, 01:46 AM

ما هو الالكان الذي يعطي عند عمليه اعاده التشكيل الحفزي له مركب الطولوين
ده سؤال والله خطير جدا وممكن يجي السنه دي يختبر ذكاء الطالب
وانا في انتظار الردود
ولو ما لاقتشي الرد الصح سوف اكتبه من غير تردد لاوضحه لطلابي الاعزاء

kishkish · #2 12-03-2007, 01:51 AM

رد الأستاذ / أســامه بركات
أحيى اخى الغزيز الأستاذ /وائل الدسوقى على هذا الســؤال وفعلا هوه من الأسئلة المتوقعة هذا العام
ولا أريــد أن أجيب عن هذا الســؤال وأفضل أن ارى إجابة الأستاذ الفاضل / جمعه

The_Relativistic200 · #3 12-03-2007, 06:38 AM

حاجة من اتنين:-

يا اما هبتان
يا اما 2-ميثيل هكسان
او 3 -ميثيل هكسان

مش فاكر اوى :D

Dr.ahmed91 · #4 12-03-2007, 11:19 AM

الهكسان العادي حعمله اعادة تشكيل محفزة حيديني بنزين عطري و4هيدروجين

بعد كده اخذ البنزين واهلجنه بالكلور في ضوء الشمس وكلوريد الحديد3

يعطي طولوين او (ميثيل بنزين)

gomaa · #5 12-03-2007, 11:21 AM

الجواب النهائى الهبتان العادى
أنظر إلى الصورة المرفقه
وإذا أردت المزيد أدخل على هذا الموقع
http://www.chemguide.co.uk/organicprops/ar...anufacture.html

Dr.ahmed91 · #6 12-03-2007, 11:31 AM

طب يا استاذ جمعة الطريق دي مش موجوده في كتاب المدرسة

مفيش غير الطريقة بتاعتي

gomaa · #7 12-03-2007, 12:11 PM

هو ما يقصدش السؤال اللى أنت جوبت عليه
هو يقصد يعنى عندما نعمل إعادة تشكيل محفزة للهكسان العادى بيعطى بنزين طيب لمّا نعمل لمين يعطى طولوين

Dr.ahmed91 · #8 12-03-2007, 12:53 PM

<div class='quotetop'>إقتباس(gomaa @ Mar 12 2007, 01:11 PM) [snapback]281534[/snapback]</div>

اقتباس:

هو ما يقصدش السؤال اللى أنت جوبت عليه
هو يقصد يعنى عندما نعمل إعادة تشكيل محفزة للهكسان العادى بيعطى بنزين طيب لمّا نعمل لمين يعطى طولوين
[/b]

في هذه الحالة المباشرة حضرتك عندك حق الهبتان العادي في وجود عامل حفز ودرجة حراراة مرتفعة

kishkish · #9 12-03-2007, 01:29 PM

أشكر الأستاذ / جمعه على هذه الإجابة الشافيه الوافية الكافيه
وانا فى إنتظار رد الأستاذ / وائل الدسوقى

الاستاذ/ وائل الدسوقي · #10 12-03-2007, 03:25 PM

بعد اذن الاستاذ جمعه عندي حاجه عاوز اقولها
انا علي اد فهمي ان اعاده التشكيل الحفزي مثلا للبنزين ناخد 6 ذرات كربون مستقيمه ويتحولوا الي حلقه سداسيه
وبعدين الطولوين عنده حلقه سداسيه يبقي اكيد انا اخدت 6 ذرات مستقيمه وعملت لهم اعاده تشكيل حفزي اما مجموعه الميثيل الزائده في الطولوين تبقي عباره عن تفرع موجود في الهكسان مدخلشي في التشكيل ولو كانت دخلت لطلع حلقه سباعيه
معني كده ان هتكون الصيغه البنائيه للمركب 2 ميثيل هكسان
اما لو قولت الصيغه الجزيئيه فهتكون الهبتان العادي
ولك تحيه يا استاذ جمعه

gomaa · #11 12-03-2007, 05:41 PM

يا أستاذ/وائل كلامك على عينى وعلى رأسى
بس السؤال دية أنا نفسى السنه اللى فاتت جوبت فيه إجابات إجتهدت فيه لكن زى ما أنت عارف لابد من التأكد وطبعا" دا خلينى بحثت عليه فى كل المواقع المختصه بالكيمياء سواء كانت الإنجليزية أو الأمريكيه أو الكندية ولعلمك لن تجد مواقع عربيه لأن ببساطة بنحسبه من حيث الأستفادة المادية وبعد فحص عشرات وعشرات المواقع التى تتحدث عن هذه النقطة وجدت أن كلها إتفقت على أنه الهبتان العادى
أم لو كنت تقصد مركب حلقى يعطى بالتشكل طولوين فذكروا الميثيل سيكلو هكسان
وأنا نفسى فاهم كلامك ومقتنع به نظريا" لكن يجب أن نحترم الجانب العملى لأنه سيد القرار وفى النهاية نبحث عن تفسير لمّا نراه كناتج عملى

أستاذ/وائل أشكرك جزيلا" جدا" يا أستاذى الفاضل

صح يا أحمد جزاك الله كل خير يا حبيب

الاستاذ/ وائل الدسوقي · #12 13-03-2007, 12:07 AM

اشكرك يا استاذ جمعه علي ردك الجميل
لكن انا كان بحثي في كتاب بتاع الدكتور بافلوف
وكاتب فيه اه الهبتان ا العادي وكاتب كمان ممكن يكون من 2-ميثيل هكسان
وانا مقتنع بحل 2 - ميثيل هكسان لكن لما شوفت حضرتك جيبت لينك موقع بقيت في حيره
مش عارف اي الصح
انا هعتبر الاتنين صح
وشكرا للك يا استاذ جمعه علي اسلوبك الرائع والله انا متشكر جدا

gomaa · #13 13-03-2007, 01:17 AM

العفو يا أستاذنا الفاضل

Dr.ahmed91 · #14 13-03-2007, 10:55 AM

<div class='quotetop'>إقتباس(وائل علي @ Mar 13 2007, 01:07 AM) [snapback]281983[/snapback]</div>

اقتباس:

اشكرك يا استاذ جمعه علي ردك الجميل
لكن انا كان بحثي في كتاب بتاع الدكتور بافلوف
وكاتب فيه اه الهبتان ا العادي وكاتب كمان ممكن يكون من 2-ميثيل هكسان
وانا مقتنع بحل 2 - ميثيل هكسان لكن لما شوفت حضرتك جيبت لينك موقع بقيت في حيره
مش عارف اي الصح
انا هعتبر الاتنين صح
وشكرا للك يا استاذ جمعه علي اسلوبك الرائع والله انا متشكر جدا
[/b]

الاستاذ العزيز/

ولكن لماذا؟؟ 2-ميثيل هكسان وليس 3 4 5 6 1 لماذا حددنا 2 بالذات

رغم ان في كتاب الامتحان في اجابة هذا السؤال مرة ذكر 2- ميثيل هكسان ومرة قال

اي ايزومر من ميثيل هكسان

شكرا

gomaa · #15 13-03-2007, 03:16 PM

كتاب الأمتحان اللى حطه مدرسين زميلنا وكل الكتب الخارجية هى نسخ من كتاب الوزارة لا أكثر ولا أقل والخطأ أن وجد فى كتاب الوزارة حتى لو خطأ طباعة تجده فى الملخص ومستعد أحصر لك أخطأ فى الملخصات هائلة
أتفضل أمامك الأنترنت أبحث فى كل المواقع التعليميه فى الجامعات والمدارس فى أمريكا فى إنجلترا فى كندا فى النرويج فى أى بلد وأمامك أبحاث لا حصر لها حول إعادة التشكيل المحفز فى هذه البلاد
حتلاقى الإجماع فيهم كلهم أنه الهبتان العادى هو المركب الذى يعطى بإعادة تشكيلة الطولوين من المركبات الأليفاتية مفتوحة السلسلة

أما إذا أردت مركب حلقى يعطى بإعادة التشكيل الطولوين فهو الميثيل سيكلو هكسان

طبعا" هذه المركبات بيتم إختيارها بعد إجراء تجارب عملية وأنا مستعد لو تحب أجيب لك شكل تخطيطى للمصانع المستخدمه

وشكرا"