على موقع الاكاديمية أخطاء نحوية يا سلام مفيش حد عربي في مصر

[elsaher555]

ادخل على موقع الاكاديمية - ثم معلمو الازهر الشريف - ستجد على اليمين رابط مكتوب عليه ( خاص بمديرو النظام ) كدة صح ولا ان غلطان وعجبي ع الازهر ورجاله :abdoog8:

[vip_ame]

( اسمو العروس )

معناها ايه؟؟

[elsaher555]

هي دي اللي غلبتك ( ههههههههههههههههههههه) والله انت شكلك عسل عامة دي بلدي قرية تابعة لمركز ديرمواس محافظة المنيا

[الصديقة الحبيبة]

المشاركة الأصلية كتبت بواسطة elsaher555

ادخل على موقع الاكاديمية - ثم معلمو الازهر الشريف - ستجد على اليمين رابط مكتوب عليه ( خاص بمديرو النظام ) كدة صح ولا ان غلطان وعجبي ع الازهر ورجاله :abdoog8:

ولا عزاء للغة العربية

[Mr.Zing0]

يا عم الحاج دى توابع الأميه اللى بدأها حسين كامل بهاء الدين ومازالت تلتهم الشعب المصرى, أنا صحيح مدرس أنجليزى مش عربى بس الأميه أتت على الأخضر و اليابس
من أول تعليمات مترو الأنفاق و الطرق أنتهاءاً بالكتب الدراسية نفسها

علشان كدة الخريجين من كليات القمة بيغلطوا فى القراءة و الكتابه
الله يرحم أيام الكتاتيب و العصا لمن عصا

[محمد عنتـر]

يا عمي ما تدقش هما فالحين يمتحنونا

[الصديقة الحبيبة]

المشاركة الأصلية كتبت بواسطة محمد عنتـر

يا عمي ما تدقش هما فالحين يمتحنونا

وياريتهم كمان يهتموا بوضع الأسئلة اللى امتحنونا فيها . انتم ناسين ان الأسئلة كان فيها أخطاء فى صياغتها ولما اتكلمت فى اللجنة المراقب العام قالى الامتحان تمت مراجعته اكتر من مرة مستحيل يكون فيه أخطاء شرحتله وجهة نظرى والسؤال وشكله مفهمش مع ان عرفت انه دكتور فى الكليه قسم لغة عربية بس للأسف بيدرس أدب والأدب مالوش دعوة بالنحو

[Osama66]

هذه بداية النهاية للنظام التعليمي ، حيث تكون واجهة الأكاديمية التي تعطي ترخيص مزاولة المهنة للمعلم بهذا الأسلوب

[طاهر الشاعر]

جات علي دي, دة كل حاجة غلط في مصر

[elsaher555]

فعلا من العيب والعار أن تكون واجهة أكلديمة المعلم والتي تختبر المعلم ي النحو بهذا الشكل ( بمديرو النظام )

[مدرس اللغة]

المشاركة الأصلية كتبت بواسطة elsaher555

ادخل على موقع الاكاديمية - ثم معلمو الازهر الشريف - ستجد على اليمين رابط مكتوب عليه ( خاص بمديرو النظام ) كدة صح ولا ان غلطان وعجبي ع الازهر ورجاله :abdoog8:

طيِّب يمكن ياأخى دى غلطة مطبعية(كتابية)مش نحوية يعنى بدل مايرسم (الياء) رسم (الواو)ولا إيه زى ماحضرتك نسيت وكتبت -ثم معلمو الأزهر إلا إذا كنتَ تقصد حكاية اللفظ

[elsaher555]

يا أستاذ أحمد احنا هنا في المنتدى بنكتب بسرعة للمشاركات ولا نهتم كثيرًا وأنا أعرف جيدًا ( ثم معلمي الأزهر ) ولكن لو تعرف ما أقصده ما قلت هذا أنا أقصد الرابط المكتوب عليه ( معلمو الأزهر ) لأن مفيش رابط مكتوب عليه ( معلمي الازهر ) وحضرتك بتقول غلطة مطبعية مطبعية ايه لابد وان يراجع الموقع من أكثر من واحد وخد عند حضرتك بعض الأخطاء الإملائية أخى دى زى )
ودول على فكرة كلهم بالياء مش بالألف

[احمدطبل]

خلصت كل المشاكل
علشان نمسك في الياء والواو
وعجبي على مدرسي مصر

[elsaher555]

فعلا عجبي على مدرسي مصر انا بنبه يا استاذ على موقع من المفروض انه خاص بالمعلمين وبه اخطاء نحوية ولا حضرتك مش مدرس ولا ايه

[الأستاذ محمد عامر]