ملاحظات على الإمتحانات التجريبية ( ياريت الكل يتناقش )

[abosalah_crazyboy]

سلامو عليكو

أخباركم إيه ؟

طبعاً خلصنا الإمتحانات التجريبية

بس أنا كان ليا شوية ملاحيظ رفيعة ... ياريت نتناقش .... ياريت كل واحد يقول رأيه في كل كلمة مكتوبة


1 - بالنسبة لمستوى الإمتحانات طبعاً كلها كانت سهلة أو معقولة ( ما عدا إمتحان الجبر اللي كان محترم مقارنةً بباقي الإمتحانات ) ..... فهل ده مستوى إمتحانات آخر السنة ( يا ريت المدرسين يجاوبونا ) .... وهل أنا وإنتا كطلاب نفضل إن الإمتحان ييجي سهل ولا صعب ؟

2 - بالنسبة بقى للهبل اللي كان بيحصل في اللجان .. ( غش على ودنه ) .. هل بيبقى فيه غش آخر السنة ولا ...... ؟

3 - تسرب الإمتحانات .... أنا إمتحان الكيميا مثلا كان معايا قبل الإمتحان ب 4 أيام ... صحيح أنا كسلت أبص فيه وقولت أزاكر أسهل من إني أتعمي في الإمتحان ده ......... يا ترى الهبل ده حصل ازاي ... ده الإمتحانات كانت بتنزل في الجرايد .... وهل هيبقى فيه فرصة آخر السنة للتسرب ده

4 - دلوقتي السؤال للطلبة ... الكل كان معترض على الإمتحانات دي .. وأنا منهم ... لكن دلوقتي حسيت انها فعلاً فادتني كتير .. هل إنتا إستفدت من الإمتحانات دي .... ولا......... ؟؟؟

طبعا أنا عارف إن الإمتحانات دي متنفعش قياس مستوى لأن فيه طلبة كتير لسة مخلصوش المناهج وكمان فيه طلبة معرفتش الا قبل الامتحانات بيومين

ياريت كلنا نتناقش في الموضوع ده ولو حد عنده أي ملحوظة تانية ...... ياريت يقولها ...

[احمد نيمو]

انا صراحة استفدت من الامتحانات دى مش علشان حكاية عرفت مستوى الامتحان بتاع اخر السنة لكن فى اخطاء بعدم تركيز ليا وكده دى برضه مفيدة وامتحان الجبر مع انه صعب لكنه مفيد جدا جدا جدا وده برضه خلانى اراجع على القديم لكن انا معترض على المعاد وعلى انه يكون يوم دراسى عادى ان بعد الامتحانات نكمل اليوم ونرجع على الدروس ومافيش وقت نراجع للامتحان هو ده الى كانت عقبة

[dina star]

حقيقي عندك حق انا استفدت جدا كمان هو خلانا نذاكر من غير ما نحس بكل سهولة

[منة غبارة]

كان من المفروض ان الامتحانات ده تكون في شهر 5 علشان الطلاب يقيسوا مستواهم الحقيقي قبل امتحان اخر السنة