التعديلات الدستورية فى جمهورية بطيخستان

[نغم البحر]

--------------------------------------------------------------------------------



التعديل الدستوري الجديد

هذا هو نص التعديل الدستوري الجديد لجمهورية بطيخستان

المادة 1

بطيخستان جمهورية استحمارية بطيخية ذات سيادة، هدفها الاساسي تحقيق الدولة البطيخية المثالية، واقامة النظام الاستحماري.
المادة 2
الحمار مصدر السلطة وشرعيتها.

المادة 3
الاستعباط و المهلبية و الكوسة هي مباديئ دستور البلاد الرسمي

المادة 4
يستبدل علم الدولة بالبردعة التقليدية ويكون اللجام هو ختم الدولة الرسمي

المادة 5
الهرم الاستحماري نواة استقرار .
المادة 6
النهيق هو السلام الوطني الرسمي


المادة 7

شعار الدولة الرسمي "استعبط الصغير وسيب الكبير يستعبطك"


المادة 8
يتكون الشعب الاستحماري من طائفتين رئيسيتين المستحمرين بالسكون اسم فاعل وهم من يقومون بواجب سرقة و استحمار و استغلال موارد البلاد و المستحمرين بالفتح مفعول به وعليهم واجب تسهيل عمل الفرقة الاولي .

المادة 9
علي كل مواطن استحماري جدير بشرف المواطنة ان يحدد لاي الطائفتين ينتمي ومن يرفض يعتبر جاسوسا للانظمة الفاشية الديمقراطيية "غير جدير بشرف المواطنة الاستحمارية العظمي" ويتم اعدامه فورا بحقنة برسيم سامة.


المادة 10
تنحصر واجبات مستحمري الدولة من الفرقة الثانية في الحفا ظ علي التراث الاستحماري وتنفيذ القوانين والمحافظة علي القيم الاستحمارية الاصيلة مثل الغباء و التبلد والكسل و الاهمال في العمل " مع تسهيل عما مواطني الطائفة الاولي" وفي المقابل سيتم صرف حصصهم الرسمية من البرسيم و التبن

المادة 11
التضامن الاجتماعي هو الاساس الاول للمجتمع. ومضمونه ان يؤدي كل مواطن واجبه كاملا تجاه المجتمع "يسلطح قفاه" وان يكفل المجتمع للمواطن كامل حقوقه وحرياته " الحق في الامتهان , الحق في الاستغفال, الحق في الاكل و الماء الملوث والحق في الموت فطيس".


المادة 12
تتولى الدولة تخطيط وتوجيه وقيادة الاقتصاد الوطني بهدف :
أ - اقامة النظام الاستحماري علي اسس استعباطية علمية وثورية.
ب - تحقيق الوحدة الاقتصادية الاستحمارية " الكل للفرد والفرد فوق الكل".
ج-تطبيق النظام البيروقراطي الاستحماري الحديث

المادة 13
الثروات الطبيعية ووسائل الانتاج الاساسية ملك الشعب بشرط ان تستثمرها السلطة الاستحمارية استثمارا مباشرا وفقا لمقتضيات البلاد ثم توزع المتاح المتبقي علي الشعب "ان بقي شيئ".

المادة 14
تكفل الدولة وتشجع وتدعم جميع اشكال التعاون في الانتاج والتوزيع والاستهلاك للثروات "الرشوة, الاختلاس, تفتيح المخ , القروض المنهوبة" .وتكافح رموز التضليل من دعاة الاقتصاد الهادف و مدعيي المشروعات البناءة او تتأكد من سلامة نواياهم بالاطر القانونية " ضرائب قوانين استثمار "

المادة15
أ – المواطنون من الفئة الثانية سواسية امام القانون، دون تفريق بسبب الجنس او العرق او اللغة او المنشأ الاجتماعي او الدين.

ب - المواطنون من الفئة الاولي "بموجب مسؤلياتهم وواجباتهم" ككل اعلي من الفئة الثانية في الحقوق وفيما بينهم مستويات بحسب مبدء الاستحوات "الحوت الكبير يأكل الصغير "وهكذا حتي قمة الهرم الاستحماري.
المادة 16
كرامة الانسان تحت الجزمة ولا حرمة لاي شيء .
حق السرقة والاختلاس مقدس ويقتصر علي الحيتان ومن تعطل هذا الحق باستجوابات او تحقيقات فيعاقب بالعقوبة المناسبة. اما ما عدا ذلك من حاجات تافهة خصوصا اللي ما بيقسمش يتمسك يتسحل يتفضح ويترمي في السجن
حق التحرش الجنسي مقدس وعلي الشرطة تسهيل هذا الحق و حماية المتحرشين

القسم الاستحماري الرسمي :


اقسم بالله ان تكون مصالح الشعب و المواطن تحت الجزمه وان حافظ علي سلامة النظام الاستحماري و ان اطبق الكوسة و المهلبية '
أقسم بالله العظيم ان ارعي الشيطان في عملي وان اقتل ضميري وان تكون ذمتي استك

أقسم بالله العظيم .. ان احافظ علي الهرم الاستحماري وان العب بالبيضة و الحجر . و ان ابيع كل كل شيء واي شيء للّي يدفع أكتر

أقسم بالله العظيم .. ان اطبق الاستغفال للاصغر مني و ان اخضع تماما و اسلطح قفايا للاكبر مني في الهرم الاستحماري

أقسم بالله العظيم .. أن لا أحافظ على الحريات .. و املأ السجون والمعتقلات .. بالشباب و الشابات .. فوق السن و تحت السن و حتى المعاشات .. ولن يخرجوا منها ابدا ما دمت حيا



أقسم بالله العظيم .. ان اساعد في تخفيف الام ومشاكل الشعب ,وتفعيل حل جذري واخير بالقضاء علي الشعب نفسه في البحر بالسفن المضروبة والجو والبر. جوه البلد وبره .. بالمبيدات المسرطنه .. و المياه الملوثه ...... و انفلونزا الطيور .. و
•
أقسم بالله العظيم .. أن ادعم الثقافه الاستحمارية .. بقنوات الكليبات الهادفه .. و افلام العرّي و التنطيط .. و الشباب الروش و ستار اكاديمي و ماتشات الكورة.. ووووو ……… ,وان احميهم من الافكار الهدامة كالتدين و الديمقراطية واحافظ عليهم من الغزو الثقافي و ضلالات امثال عمرو خالد والقرضاوي وعبد الباري عطوان وابراهيم عيسي و الشيطان علي ما اقول شهيد


يا جماعه انا قصدي علي جمهورية بطيخستان ومحدش يفهمني صح

[كلكول]

ههههههههههههههههه
ايه الدوله الى كلها حمير دى
شكرا على الموضوع الاستحمارى ده
هههههههههههههههه
سلام

[نغم البحر]

هههههههههههههههههههههههه

العفو يا باشا

واى خدمة

ادينا بنعرفكم الدستور ههههههههه

ميرسى يا كلكول لمرورك

[MBM-MaDo]

انتى عارفة هو ده فعلا الكلام الصح

و هو ده الدستور

.....

لا تعليق على خيبة الشعب و حكومته

[نغم البحر]

هقول لك ايه بس

ربنا يتولى شعب بطيخستان بقى

وشكرا للمرور

[نغم البحر]

ميرسى جدا يا غواص ع المرور الجميل ده

وما تاخدش فى بالك بقى دى بطيخستان

[حدوتة مصرية]

يااااا نغم البحر فينك من زمان

وبدل من نقول فى الطبور صفا وانتباه

نقول شى وحا


وكلنا فهمناكى صح يعنى رايحه رايحه

ههههههههه

[نغم البحر]

فى الدنيا والله

بس كان عندى شوية ظروف

فعلا هنقول شى حا

وهس كمان لو لزم الامر هههههههههههههه


لا انا قلت محدش يفهمنى صح

ميرسى لاحلى مرور

[المجاهد فى سبيل الله]

السلام عليكم ورحمة الله وبركاته
اختى ما يحزننى ويؤثر فى انى اقول وللاسف المر والشديد
ان محدش فهميك صح ولا اى حاجه
لان دى الحقيقه وانتى بتستعجلى ليه وتفضحى نواياهم من دلوقتى
انتى كده حيخليهم يغيرو الخطه طب ننهق احسن ما يخلونا نعمل حاجه تانيه
ولا ايه
حسبى الله ونعم الوكيل

[..Just Stop]

<div align="center">الاستعباط و المهلبية و الكوسة هي مباديئ دستور البلاد الرسمي

شعار الدولة الرسمي "استعبط الصغير وسيب الكبير يستعبطك"
اولا شكرا على الموضوع

الموضوع ده مش فى بطخستان بس
دا فى كوسة ستان وفى مصرستان
وبلاش نتكلم على حكومتنا اصل احنا مش هنخلص
والبركة فى الحكومة اللى كل اللى ماسكينها حمير وكلامهم نهيق واكلهم برسيم


شكرا على الموضوع ا احلام واهلا بعودتك مرة اخرى
thank you</div>

أنا راى نفضل عيشين فى مية البطيخ أحسن
ماله البطيخ ده حتى مليان بزر
وممكن الواحد يعمله لب
وبحبك ياحمار

[عبد اللطيف]

طب والعاصمة ؟؟؟

حتيقى العربخانة ؟؟؟


هههههههههههههههه


شكرا ياحلام على الموضوع

[بورسعيدى]

تعديلات جميلة وتهدف لبناء دولة حرة مستقرة

ويجب ان نعترف جميعا ان هذه التعديلات بنائة جدااااااا


يحضرنى مثل بخصوص هذه التعديلات ( قوم يا وحش شوف الجحش )

والسؤال هو مين الوحش ومين الجحش ؟

شكرا على الموضوع الجريئ يا نغم

[نهى جلال]

طب على فكرة النظام الدستوري ده جميل .... مش كدة ولا ايه ؟
يلا ما علينا ...
هنقول ايه يعني ؟
وبعدين مالها مصر ؟ ده مبارك حتى اللي ماسكها ومحافظ عليها لحد دلوقتي .... <_< ... ماعلينا برده ..
وميرسي يا احلام على الموضوع الجميل ..
وسلام استحماري . :D
..
..

[روميو]

بطيخستان دولة عريقة ت لها اسمها فى منتديات سوق الخضار

تعيش فى مية البطيخ


موضوع حلو