|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
26-02-2010, 04:05 PM
|
|||
|
|||
حد فاكر ايام زمان
حبة زكريات من بتوع زمان حد يجماعه فاكر واحنا صغيريين لما كنا بناخد مصروف نص جنيه و كنا نروح المدرسه نجيب بيه ازازه حاجه ساقعه و كيس شيبسى طب حد فاكر لبان على بابا لما كنا كلنا جايبين الالبوم و بنشترى اللبان و نقعد نجمع صور الحراميه الى دماغتها طالعه من الزير و نبدل الصور مع بعض عشان نكمل الالبوم وكان الواحد بيبقى نفسه يكسب اوى وكانت الجوايز طقم كوبيات شاى او كوره كفر او شطرنج او مكاوه طب حد فاكر لما كنا بنرجع من المدرسه بسرعه عشان نلحق الفيلم الابيض و الاسود الى كان بيجى الساعه 1على القناه الاولى و نبقى قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل طب حد فاكر يوم الجمعه لما كنا بنصحى من صباحيه ربنا قبل اى حد فى البيت ونفتح التليفزيون ونقعد نستنى برنامج سينما الاطفال ونبقى منشكحين موت واحنا قاعدين بنتفرج طب حد فاكر لما كنا بنرجع من المدرسه و نبقى عايزين نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و ربع بتاع القناه الاولى ومكنش حد فينا بيتفرج على المسلسل بتاع الساعه 6 الى بيجى عالقناه التانيه طب حد فاكر كابتن ماجد لما كان بيقعد يشوط الكوره فاربع خمس حلقات و احنا قاعدين منشكحين اوى ومستنين الى هيحصل ولا حد فاكر مازنجر وفاتن و ابو الغضب طب حد فاكر قبل رمضان لما كنا نقعد نعمل زينه رمضان مش الجلاد و الدباسه لا لا لا ورق الكراريس الى كنا بنظبطوا بالمقص و نلزقه على الحبل بعجينه نشا وميه ويسلام على اول يوم رمضان لما نخرب الشارع بمب وحد فاكر الصواريخ مش الصفره لا لا لا الى كانت طويله و معموله من ورق كراريس برضه طب حد فاكر ساعة الفطار فرمضان لما كنا نبقى قاعدين نفطر ومش مركزين مع حد عشان مشغلين القناة الاولى و مبسوطين اوى عشان هنتفرج على سلاحف النينجا وفرام و شنخر ومنخر وتخلص نئوم نقلب بسرعه على القناه التانيه ليييييييييه بئه ؟؟؟ عشان مسلسل البورنجر وريتا الشريره و كنا كلنا بنحب الواد الاحمر قوى طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان طب حد فاكر ليله العيد لما يوم الوقفه نخش نستحمى ونضرب الترنج الجديد بتاع الوقفه و نيجى بليل نطلع اللبس الجديد ونحطه جنبنا عالسرير ونبقى مستنيين الصبح يطلع بفارغ الصبر عشان نقوم نلبس اللبس الجديد و ناخد العيديه من قرايبنا وكل متاخد العيديه من حد تقعد كل شويه تطلع العيديه وتشوف المبلغ كله وصل كام طب حد فاكر بستك بستك بستك نو شوكلاته جيرسى هناكلوا الجو ولا حد فاكر اللبان السحرى دوق دوق دوق الضنضورمه ا لا لا لا له طب حد فاكر بسكوت بمبو المدور الى عليه شكولاته ولا البوذو الى كان ببريزه وكنا بنشتريه عشان نكسب جواه بلونه ولا دراكولا وهيلا هوب ولا حد فاكر بسكوت الشمعدان و المسابقات بتاعته لما كنا نجيب الالبوم ونقعد نشترى ونجمع ونلزق ونبقى مهتميين بالموضوع اااخر حاجه وواثقين اننا هنكسب طب حد فاكر الكازوز بتاع الحاجه الساقعه والمسابقات بتاعت العجله ومكنش حد بيلاقى الجدون و كان فى تكسب واحده حاجه ساقعه تانيه وكنا مقضينها كازوز وواثقين اننا لازم نكسب وكنا نخليهم فى البيت يجيبوا الجبنه النستو الى بتكسب مش فارقه سينا من سونيا المهم الى عامله مسابقه وجواها استيكرات وكانت الاكتر بتبقى طعمه طب حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه نستو ولا جبنه بيضه ونفرح اووى لو لقينا معانا سندوتشات لانشون طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و نسرح فى الشوارع نديها كوره وبلى و استغمايه وسبع طوبات وطير وعنكب شد واركب و ميلموناش من الشارع الا بليل طب حد فاكر الناس الرخمه الى كنا كل ما نلعب كوره يطلع يقولك لو جت هنا هقطعلكوا الكوره ديه ولا اللعب عند بيتك يا بنى منك له بدل ما ارش ميه طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيبوظلنا بقيت اليوم طب حد فاكر طبور المدرسه لما محدش فينا بيبقى واقف مركز ولا فاهم حاجه اساسا بس واقفين غصب واقتدار وخلاص و ساعة تحيه العلم لازم حد يستظرف فى النشيد ويقعد يقول زبادى زبادى او حماتى حماتى بدل بلادى بلادى طب حد فاكر برامج تاكسى السهرة و بانوراما فرنسيه ومسلسل هرقليز وزينا الى كانوا بيجوا عالقناه التانيه الساعه9 و كنا بنعشقهم بالرغم من الهجايس الجامده الى فيهم وكنا منفوتش ولا حلقه طب حد فاكر لما كنت تخلص السنه وتدى الكتب بتاعتك وسلاح التلميذ لابن الجران او حد من قرايبك الى اصغر منك بسنه طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات يعنى انا مش من زمان اوي بس علي ما اعتقد ان الحاجات دي كلنا عصرناها وفي منها اللي موجود ودا القليل ومنها اللي خلاص انتها ودا الاكثر انتم فعلا فاكرين...ولا ........لأ ؟\
منقوول |
|
#5
26-02-2010, 08:58 PM
|
|||
|
|||
كانت ايام جميلة
ايامنا الجميلة بنفرح اوي لما نلاقي حد يفكرنا بيها
بس خلاص بحاول اتعود ان قدرك بيفرض عليك الماضي والحاضر والمستقبل لما باقيت بعدي على سكة المدرسة بتاعت اعدادي وافتكر انا كنت بمشي من هنا كل يوم بس دلوقتي لما بعدي بتكون بالصدفة. 
|
|
#6
26-02-2010, 09:29 PM
|
||||
|
||||
و الله وانا عماله اقرا الموضوع ده افتكرت ايام حلوة اوى بس ماعادتش موجوده دلوقتى الا نادرا جدا فانا من رايى ان احنا هنيجى مثلا بعد تلاتين اربعين سنه ده ان عشنا ان شاء الله وهنقول ايه ده دى ايام زمان دى كانت جميله اوى ( اللى هى دلوقتى ) لان المضارع والمستقبل اكييييييييد هيبقوا ماضى فاكيد كل وقت ليه طابع بيميزه و اعتقد ان ايامنا دلوقتى اكيد مش فيها تعقيد زى ما هيبقى فيها بعد كده .
|
|
#7
03-03-2010, 01:16 PM
|
|||
|
|||
|
هو فيه حد ينسي الايام دي
موضوع جميل |
|
#8
03-03-2010, 01:34 PM
|
||||
|
||||
|
كان زمان و الله فكرتنا بالذى مضى ...!
الا ليت الشباب يعود يوماً *** فأخبره بما فعل المشيب كانت الدنيا بسيطة هادئة مشكور على الموضوع الروعة
__________________
 دخول متقطع أرجو الدعـــــاء بظاهـــــــــر الغيب |
|
#9
03-03-2010, 01:35 PM
|
||||
|
||||
|
ههههههههههههههههه
يااااااااااااااااااااااه كل ما أقرأ كلامك وافتكر ايام زمان اعد اضحك سنين وايام لحظات عدت علينا بسرعه ياريت كان الواحد يرجع لايام زمان ولا بلاش زي ما برده ف الذكريات فيه الحلو والوحش اهي ايام وعدت متشكر ع الموضوع
__________________
** لا إله إلا الله ** محمد رسول الله ** |
|
#10
03-03-2010, 06:00 PM
|
|||
|
|||
|
شكرا جدا علي الردود الجميلة دي
|
|
#11
03-03-2010, 06:37 PM
|
||||
|
||||
|
يااااااااااااااااااااااه قول للزمان ارجع يا زمان
__________________
الحمدلله والله اكبر و لا اله الا الله اتمنى اني مهما غبت عنكم تفضلوا فاكرني دايما
حسبي الله ونعم الوكيل عليكم باذكار الصباح والمساء واذكار المسلم اليومية تسلموا |
|
#12
03-03-2010, 07:25 PM
|
||||
|
||||
|
فعلا الذكريات دى هى اغلى ما يملكه الانسان في الوقت الحالى
وبجد انت فكرتنى بذكريات جميله جدا زى تى: طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان وبالذات الحاجات تى يـــــــــــــــــــــــاه زمن جميل توبيك رائع جدا
__________________
 |
|
#13
03-03-2010, 11:18 PM
|
||||
|
||||
|
ياااااااه والله ايام متتنسيش
طول منا قاعدة اقرا كنت بضحك كنت بعمل تقريبا كل الحاجات دي والله ايام متتعوضش كانت اجمل ايام حياتي شكرا على الموضوع الجميل ده
__________________
أجمل شي في الحياة حينما تكتشف وجود أناس قلوبهم مثل اللؤلؤ المكنون في الرقة واللمعان .. والصفاء والنقاء .. قلوبهم تحمل الحب والعطاء .. اللهم احفظهم واكرمهم واجمعنا بهم تحت ظلك يوم لا ظل إلا ظلك .. اللهم ياارب لا تحرمنا من وجودهم فى حياتنا آمييييييييييين يا رب العالمين. |
|
#14
05-03-2010, 12:26 AM
|
|||
|
|||
|
اه يا عم قلبت علينا الذكريات
هههههههه
__________________
مصري وأفتخر واللي مو عاجبه ينتحر يكتب علي قبره منقهر حاول يتحدي أحمد وما قدر----------- لا اله الا الله ربنا يوفقني ويوفق كل مجتهد.............. < 
|
|
#15
31-03-2010, 03:29 PM
|
|||
|
|||
|
ذكرتنا ب الذى مضى
فين ايااااااااااااااااااااااااااااام زمان |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:17 PM.
