حاجة تغيظ فعلا

[المشتاقة إلى الجنة]

ماذا تفعل لو


لو حاولت تسعد اللي حواليك بأي طريقة ....لو قضيت عمرك وانت بتحاول تفرحهم وتريحهم وتسعد ايامهم حتى لو كان ده على حساب صحتك ووقتك وراحتك
وتفضل تقدم لكل اللي حواليك عطاء بعد عطاء
وبعد ده كله
تفاجأ ان الناس اللي انت ضحيت بحاجات كتير وتعبت نفسك علشانهم مش مقدرين اللي انت عملته علشانهم
ولو حد قدرك وحاول يردلك جميلك يستغربوا ،،ومش بس كده ممكن ما يرحمهوش من التريقة والسخرية ......يا ترى ترضى انك تتحط في الموقف ده ؟ولو اتحطيت هيكون شعورك ايه ؟؟
سبحان الله
مافيش حد فينا يرضى لنفسه ان يتحط في الموقف ده .....
مع ان ده حال الكثير مع رسول الله صلى الله عليه وسلم
شوف اد ايه حبيبك النبي صلى الله عليه وسلم تعب وعانى علشانك
اتهم بالجنون والسحر وحاول المشركون انهم يقتلوه وأخرجوه من بلده وحاربوه وبالرغم من كده صبر وثبت صلى الله عليه وسلم علشان خاطرك
علشان الوحي يوصلك
علشان تسمع كلام ربك
علشان تتولد مسلم وتعيش مسلم وتموت مسلم
يا ترى ردنا لجميله صلى الله عليه وسلم كان ايه ؟
للاسف لم نتبع هديه وهجرنا سنته
ومش بس كده للاسف تلاقي كتير بيصعبوا على الناس طريق الالتزام
فلو حد ربى لحيته يلاحقوه بالسخرية والاستهزاء ويتهمومه بالتطرف والارهاب
ولو شاف حاجة غلط ونصحهم يبقى بيستشيخ فيها
ولو اختنا لبست الحجاب الشرعي بيترقوا عليها ويقولولها ايه الخيمة اللي انتي لبساها دي
ومش بس كده ده طلع من امته كمان اللي يقول انا مش مقتنع او انا مش مقتنعه لما ابقي اقتنع ابقي انفذ ونسوا قول الله تعالي :"وما كان لمؤمن ولا مؤمنه اذا قضي الله ورسوله امرا ان يكون لهم الخيره من امرهم "
ومش بس كده ده طلع كمان من امته اللي كل همه بلبله افكار الناس وبدأ هواه يقسم له الدين الي اصول وفروع ومظهر وجوهر وهام ومش هام وبداوا يفتوا في الدين بدون ادني علم ونسي قول الله تعالي "أفتؤمنون ببعض الكتاب وتكفرون ببعض"
ونسوا قول رسول الله "من افتي بغير علم فليتبوأ مقعده من النار"
اخي في الله ... اختي الحبيبة
قال رسول الله : إني فرطكم على الحوض ، من مر علي شرب ، ومن شرب لم يظمأ أبدا ، ليردن علي أقوام أعرفهم ويعرفوني ، ثم يحال بيني وبينهم . فأقول : إنهم مني . فيقال : إنك لا تدري ما أحدثوا بعدك . فأقول : سحقا سحقا لمن غير بعدي .
هل في مسلم عاقل يرضى ده لنفسه
نسأل الله العفو والعافية
الهم ارزقنا السير على خطى الحبيب
اللهم اجعلنا ممن يتبعون هديه ويلتزمون بسنته
اللهم انا حرمنا صحبته في الدنيا فلا تحرمنا صحبته في الاخرة يارب العالمين</div></span>