لحد امتى ....؟؟!!

[فرحه الربيع]

الموضوع ده شاغل تفكيرى بقالوا فتره و عايزه اخد رأيكوا فيه ...

كام واحد فينا عايش حياته وخلاص بيفكر هياكل ايه ويشرب ايه وايه اللى ممكن يبسطه ويعمله وبس ؟؟

كام واحد فينا مضايق من حاجات كتيير بتحصل حواليه ومحاولش يعمل حاجه تغيرها ؟؟

كام واحد فينا بيشتم فى البلد والسياسه والحكام لدرجه انه بقى حلم اى شاب انه يتخرج ويسافر بره ؟؟

كااااااام واحد فينا اعترض على اللى بيحصل باكلام لكن بدون افعال ؟؟

هل ياترى الحل اننا نشتم بلدنا ...هى دى الحريه ؟؟...كده انت صح ؟؟
..اكيد كلنا بنتفرج على التلفزيون وشفنا ان الشعب الامريكى بيحب بلده اوى و عندهم انتماء وبيبان فى كل حاجه حتى لبسهم بيبقى عليه العلم بتاعهم و بيلبسوه بكل فخر ...ياترى لو لبست تيشرت و مطبوع عليه علم كبييير لمصر و نزلت بيه الشارع احساسك هيكون ايه ورد فعل الناس هيكون ايه ؟؟؟؟؟؟

طبعا فيه منكم هيقولى يعنى البلد عملتلى ايه عشان البس العلم بتاعها و لا اكون فخور بيها ...ياجماعه البلد دى مش المبانى والشوارع والحارات..البلد دى انا و انت و الناس اللى عايشين فيها ..سلوكنا هو اللى بيقدمنا او بيأخرنا ..يعنى لما تشتم فى بلدك ..يبقى انت شتمت ناسها اللى انا وانت منهم

يعنى لو بطلنا الكلام السلبى وخلاص ده اللى بيكره الناس اكتر فى البلد و عملنا حاجه بجد ...حتى لو بس حاولنا نتصرف بأيجابيه وانا وانت والناس مسكتناش ..محدش هيقدر يوقفنا ..لكن لو صوت واحد بس او صوتين اتكلموا مش هيتسمعوا

لازم نعمل حاجه ...نعمل مش نتكلم ...حاول تغير السلبيات اللى بتشوفها

عايز بلدك تتقدم..التزم بقوانينها الاول ...متبقاش سلبى ..وتقول احنا مش عارفين نعمل حاجه ..احنا اصلا مبنعملش حاجه ...متسكتووووووووش مش عاجبك اللى بيحكمك ...مطلعتش بطاقه انتخابيه وصوت للى عايزه لييه ...مش عاجبك سلوك الناس منصحتهمش بأن التغيير بيبدأ الفرد الاول وبعدين الجماعه لييييه

انا هطلب منكم طلب ياااااريت تقولولى نفسكوا تغيروا ايه ..و تقولوا فكرتوا تعملوا ايه عشان تغيروا الحاجه دى ..و حتى لو متغيرتش يكفينا شرف المحاوله ....

[داليا 6]

عايزة اقولك نفسي اغير بلدنا دية كلها واخلي الناس فرحنيين اوي ولما بالاقي ابتسامة على وش مواطن بفرح مهما كان الحزن اللي في قلبي وانا مافيش في ايدي حاجة اعملها غير ان ادعي لبلدي تفضل دايما بخير وبحاول ادي عظة لما اللاقي حد غلط صحيح في ناس ما بتتقبلش من اول مرة بس انا بحاول اشكرك جدا يا فرحة الربيع على الموضوع الهايل دة وربنا يهدي بلدنا ويفرحها دايما

[فرحه الربيع]

طب الحمدلله انى لقيت حد متفائل غيرى ..بجد لو كلنا غيرنا طريقه تفكيرنا حياتنا هتبقى احلى بكتييير

شكرا على ردك