الفارس ولا الدمعة ولا الباندا ولا.....؟

coo_girl_ool · #1 31-07-2005, 01:22 PM

ايه يا جماعة رايكم بقى فى الحكاية دى؟؟

brainwash · #2 31-07-2005, 06:31 PM

نتكلم عن كل جهاز لوحده.....

نوكيا 6600 :
الموبايل ده لو بصيت في امكنياته و سعره و شكله ...حتقول ده احسن موبايل في الدنيا...و يمكن ده بسسبب انتشاره الجامد جدا بين الناس..بالاضافة لان شكله كويس..بس لما تركز في الامكانيات..
تلاقي الصوت مش على قد المستوى(لانه اساسا مش mp3 player)
و الكاميرا الفيديو اللي فيه النقاء بتاعها برضو محتاج شغل كتييييييييير
اما عن الكاميرا الـvgaاللي فيه فدرجة النقاء بتاعتها 3 من عشرة ميجا بكسل...يعني في الضياع
و السوفتوير بتاععه معقد و رخم..عندك مثلا الاغاني و الافلام تتحطلك مع اللصور في الـgallery
مش ده حاجة تخنق برضه؟
بس نرجع و نقول انه كموبايل ككل كويس و جامد شكلا
________________________________________________-

نوكيا 7610:
الموبايل ده اتاخر طرحه في مصر لوقت طويل...بس اول ما نزل اعلاناته ملت الجرايد و النس حبته..ده طبعا بفضل شكله اللي مالوش حل(حد يقدر ينكر)و الالوان الشيك بتاعته
و كمان الكلميرا (الثورة )في وقته و هي بدرجة نقاء تقريبا 1 ميجا بكسل اي حوالي 3 اضعاف الـ6600
و كمان نقء الشاشة نفسه اللي بيصل لـ176x208 خلية و النوع ده بيدي صورة احسن من شاشة ال6600اللي نقائها 128 في 128 خلية(شايفين الفرق؟)
و طبعا السوفتوير بتاعه جامد و سهل و حلو
اما العيوب فهي حاجتين اساسيتين
اولا بالنسبة لوسائل الاتصال فيه بلو توت و مافيهوش انفرارد ..طبعا حتقوللي انفرا ايه و بتاع ايه..هو فيه حد بيستخدم الحاجات المتخلفة ده؟؟بس ارجع و اقوللك ان فيه بعض الموبايلات الملونة اللي فيها كاميرا ما فيهاش بلوتوث(زي نوكيا 6220)و طبعا انتم عارفين حرقة الدم لما تكون عايز حاجة و متقدرش تجيبها
(معلش)
العيب التاني هو الزراير اللي ترتيبها يلخبط و يحول و كلها سايحة في بعضها..و طبا فيه موبايل تاني اسمه نوكيا 6670 و مافيهوش مشكلة الزراير ده..و بس
و طبعا واضح ان العيوب بتعاته عيوب ترفيهية و ما تاثرش على الموبايل و هو برضو موبايل رائع بكل المقاييس
_____________________________________________
نوكيا 6630 :
طبعا موبايل مش محتاج رغي و كلام كتير لانه من الاخر حكاية طويلة و هو اول موبايل انتشر في مصر مزودد بكاميرا واحد و تلاتة من عشرة ميجا بكسل...بالاضافة لشكله اللس يشبه موبايلات 3650 و 3660 اللي كلنا عارفينهم و اللي امكانياتهم توازي 6600
بس على فكرة نزل قبليه موبايل 3230 كان بكاميرا زي بتاعت الـ6630 برضو و بنفس الامكانيات و سعره اقل بكتييييييييير

_______________________________________________
نوكيا 6680 :

ده موبايل مش عايز حد يفتح بقه معاه....قمة في التكنولوجيا ...قمة في الامكانيات...قمة في الكاميرات....قمة في كل حاجة و فعلا قتل كل المنافسين..الموبايل ده الثورة اللي فيه تتمثل في الكاميرتي اللي فيه....واحدة بقوة 1.3 ميجا بكسل و ده في ظهر الجهاز,,,و التانية زي بتاعت الـ6600 بالقوة المعروفة..بس هنا في مصر نزل نسخة تانية من الموبايل ده فيها كاميرا واحدة بس بقوة 1.3 ميجا بكسل و الكاميرا اللي قدام مش موجودة مش عارف ليه؟؟؟
العيوب اللي فيه هيا اول حاجه سعره الخرافي طبعا كاي موبايل جديد_يعني ممكن اجيبه على ميت سنة كده)
و العيب التاني اللي انا شايفه شخصيا ..ان شكله...مش قوي...يعني مش قد اكمانياته..و فيه موبايلات كتير اقل منه في الامكانيات و احلى منه بكتير في الشكل...هو احلى حاجة في شكله الزراير اللي بتلمع بس...بس ده طبعا مش عيب يخلليك متشتيش الموبايل ده(يا عم مش مهم الشكل ...انت طايل)
__________________________________________________
بس كده ..انا عارف اني طولت عليكم ..بس حبيت اقول رايي

و السلام عليكم و رحمة الله و بركاته

coo_girl_ool · #3 09-08-2005, 10:14 AM

شكرا على التعقيب brainwash وفعلا اللى انت قولته صحيح
انا عن نفسى مش بحب 6600
بس انا رايى ان 7610 زرايره ما تلخبطش ولا حاجة بس عيبها انها مش مرنة
وكمان اللى بيستخدمه مش محتاج الانفرارد فى حاجة لان البلوتوث موجود وطبعا مميزاته حسن من الانفرارد

dr_death · #4 17-08-2005, 12:06 PM

انا فى رأى 7610 برضه لانه عملى جدا و طبعا زى ما كووووووووول جيررررررل قالت

دكتور نت · #5 17-08-2005, 09:00 PM

(((((((((العالم الله )))))))))

بورسعيدى · #6 30-08-2005, 01:24 PM

الفارس اهه

وآدى الدمعة

وأدى كمان الباندا

بس انا رأى ان الدمعه افضلهم

coo_girl_ool · #7 15-09-2005, 10:42 AM

شكرا يا استاذ بورسعيدى على الصور

Flower · #8 15-09-2005, 03:08 PM

انا بفضل نوكيا 6260

ومش عارفه ليه انتم ما اتكلمتوش عنه....

coo_girl_ool · #9 15-09-2005, 05:42 PM

7610 افضل من 6260

اولا وزن 7610 اخف من 6260لان وزن 7610 (118) جرام اما وزن 6260 (130) جرام

ثانيا دقة الكاميرا فى 7610 ( 1.26) اما فى 6260 ( 0.3)

زووووم الكاميرا فى 7610 (4x) اما فى 6260 (2x)

قدرة البطارية فى 7610 (900) بينما فى 6260 (760)

مقاومة البطارية فى 7610 (240) اما فى 6260 (144)

ram فى 7610 (8) بينما فى 6260 (6)

والميزة الوحيدة فى 6260 هو انه به راديو fm

Flower · #10 15-09-2005, 07:34 PM

شكرا علي المعلومات يا كول جيرل

بس انا برضه عاجبني 6260 اكتر

كفايه انه شكله جديد ومرن واشبه بكاميرا الفيديو

وفيه راديو fm وامكانياته جميله

coo_girl_ool · #11 16-09-2005, 02:41 PM

هى فعلا مسألة أزواق يا Flower ومش معنى انى قلت ان 7610 فيه مميزات اكتر انى باقول ان 6260 وحش

بالعكس هو فعلا جهاز جميل ومرن بس بحكم التطور لازم اللى بعده يكون أحدث شوية فى بعض النقاط

وانا قارنت فقط من الناحية التكنولوجية

وشكرا على المرور والتعقيب

بسبوسة · #12 16-09-2005, 05:23 PM

انا رايى الدمعة امكانياته احلى لكن انا شخصيا عاجبنى الفارس وباذن الله حاشتريه

Flower · #13 17-09-2005, 08:56 PM

هو من ناحيه الامكانيات الفارس فعلا احسن يا بسبوسه
ربنا يوفقك ولما تجيبيه قوليلي

بس ده ما يمنعش يا كوول جيرل ان 6260 امكانياته احسن من الباندا الشهير 6600

coo_girl_ool · #14 25-09-2005, 11:55 AM

هو فعلا 6260 احسن ( فى رايى) من الباندا لانى مش بحب الباندا أساسا

Flower · #15 25-09-2005, 10:49 PM

انا كمان مش بحب الباندا 6260 احسن
وكمان فيه ميزه مش موجوده في اي موبايل تاني
ان كاميرا الفيديو مش محدده بوقت معين
يعني ممكن تصور ساعه او لحد ما الميموري كارد يخلص

مشاهدة نتائج الإستطلاع: اى انواع النوكيا ترى انها الافضل؟
نوكيا 6600 (الباندا)	8	21.05%
نوكيا 7610 (الدمعة)	11	28.95%
نوكيا 6630(الفارس)	9	23.68%
ام نوكيا (6680 ) الذى قتل (الباندا) وانزل(الدمعة) على الخدود وانزل (الفارس )من على حصانه والذى لا اعرفه شخصيا لا افضل اى نوع نوكيا	10	26.32%
المصوتون: 38. أنت لم تصوت في هذا الإستطلاع