يا طلاب ثانوية عامة

[السنونو الطائر]

بسم الله الرحمن الرحيم

قبل ما نسترسل فى الموضوع

مش انا اللى كاتبه الموضوع ده

ده انا مقتبساه من منتدى الاستاذ عمرو خالد

لكاتبه محمد ابن مصر

المهم .. والله يا جماعه متعرفوش الموضوع ده حفزنى بطريقة غريبة

بقالي كتير قاده اقرا عن المهارات الدراسية

ونسمع لااكرم رضا ونجيب الرفاعي والناس دى بس يا دوب كان يوم ولا يومين بتحرك فيهم وبعد كده ارجع انام تانى

يا رب تستفيدوا من الموضوع زى ما هوه والله خلانى بعد ما قراته وضبت اوضتى وعزمت على انى اجيب اخر الجزء اللى انا كنت عاوزة اذاكرة

وبالفعل الحمد لله ربنا وفقنى

اترككم مع الموضوع



<div align="center">

لكل طالب وطالبة فى الثانوية العامة ..
دى رسالة اخ عارف ازاي يشغل طاقتكم .. خصوصا انه فاضل كام اسبوع فقط على الامتحانات

يا اخى ويا اختى .. بصو بقى .. انا بكلم هنا كذا نوع من طلبة الثانوية العامة
ناس بتذاكر من أول السنة بجد .. وتعبانة جدا ..
ناس بتقول انها بتذاكر من أول السنة وبتروح دروس وتعبانة جدا برده
الناس الفاهمة كويس قوى المناهج بس لسة ماذاكرتش
الناس اللى مش فاهمة المناهج ولسة ماذاكرتش
الناس اللى عارفه انها لو ذاكرت كويس هاتجيب مجموع . لكن حاسه بضيق لوحده كده .. مخليها مش عارفة تذاكر .. حاجة طابقة على نفسها!
الناس اللى سخنة قوى ونفسها تذاكر بس كسولة جدا ولعبية
اخر نوع بقى واللى اليومين دول ابتدى يكتر
ناس مش عارفة تبتدى مذاكرة ازاى .. مذاكرة المجموع العالى قوى .. مش المجموع العالى بس... وبما انهم مش عارفين يبتدو ازاي .. فلسة مابتدوش.
---------------------------------------------


بصو يا شباب ويا بنات .. من الآخر كلللللللللل ده دلع .. اعرفو ان وقت الهزار خلص .. والسباق ابتدى .. واللى جوه الحلبة دلوقتى ..الناس الماهرة .. الناس اللى جواها طاقة بجد .. وانا كاتب الموضوع ده عشان ادخلك جوه الحلبة معاهم .. لأنى كنت معاهم الحمد لله.
----------------------------

الناس دى :
مابتنامش .. مابتفوتش كلمة .. مابتفوتش كتاب..
ناس لما تتعب من المذاكرة وتخش تنام ولسة ماخلصتش مذاكرة لكن وهما على السرير تفتكر يوم النتيجة تقوم تفز جري من على السرير وتغسل وشها وتشتغل للصبح بورقة وقلم .. عشان تفرح قوى يوم النتيجة .

لو انت عايز تفرح فرحة عادية يوم النتيجة .. من فضلك ماتكملش قراءة .. لكن لو عايز تفرح قوى قوى يوم النتيجة .. كمل قراءة.

---------------------------
اوعى تظلم نفسك وتقول انا مش قدها ... قدها وقدود .. دى مواد سهلة . يدوب بس تعرف مفاتيح المواد .. وانت هاتلاقى الاسئلة بتتكرر.
العربى - الكيميا - الرياضة - التاريخ - الانجليزى - الفرنساوى - الالمانى .. الخ

---------------------------
عايزك تقول مابقاش انا فلان إلا لما امسح بيهم الأرض .. ومافيش غير الدرجة النهائية مش هاتنازل عنها ... هاحفر فى كل سطر مش هنام .. هاحب المادة دى هاتجوزها من هنا لغاية الامتحان... قول كده ... يا انا يانتى .. هاشتغلك كتب وملازم ومراجعات . ..هاشتغلك بايدى وبصوتى .. هاشتغلك فى قوضتى وفوق السطوح يا مادة

------------------------------------
بص بقى يا انسان .... ويا انسانة.

فى مذاكرة اسمها مذاكرة حلوة وتجيب مجموع مثلا 90 % كحد أقصى

صاحب المجموع ده بيصعب عليه جدا .. نط نطه كبييييييرة لكن مش كبيرة كفاية .. فاضله سنة .... يااااااااااااااااااااااااااااااااااااااااااااااااا ااااااااااااه .. حاسس انت بيه .. ربنا معاه

عارف ايه الفرق بينه وبين اللى جاب 98% .. ان صاحب المجموع 98 ده كان بيذاكر مذاكرة اسمها مذاكرة التفاصيل ...
الراجل ده .. عدى خلاص مرحلة المعلومات الكبيرة ... ودخل بتقله فى التفاصيل ... وخلص عليها .. خش فى تفاصيل النحو ... نقى اتخنها مسألة رياضة وحلها ..
انا عارف كله بيحل المسائل السهلة اللى فى الأول دى ...
لا خش فى كله سهل وصعب ومتين وخفيف .. ماتعتقش .
فى الكيميا مثلا .. لما تشوف تحويلة رخمة تقول انا عارفها وتسيبها ...
لا اكتبها بايدك لغاية ما تحلم بيها فى منامك ... ساعتها تبقى انت صح .

تكون عارف العصور الأدبية والبلاغة بكل تشبيهاتها .. تطلع الجمال من الليل المظلم وزي ما الكتاب بيقول تعمل ...

------------------------------
بصو يا شباب على حسب كل واحد عنده ايه .. لكن هما بالطول والعرض خمس مواد

اقرا كل مادة صفحة صفحة .. سطر سطر .. افهمها واكتب بايدك اللى بتذاكره ..

الانجليزى احفظ كل الكلمات اللى تشوفها ... واكتبها بايدك .. عايزك على اخر السنة تنفع تكون مترجم ... ووالله لو ذاكرت الانجليزى صح فى ثانوية عامة ... تنفع تكون مترجم.

عايزك تكون محترف فى معاملتك مع المواد دى .. مش مجرد هاوى بيتفرج على الصور وبيكتب اهم المعلومات وبتاع .. لا احترف المادة ..
-------------------------------------
طب امتى تعرف انك احترفتها .. لما تحس ان مافيش معلومة زيادة تانى فيها ... خلاااااااااااص جبت اخرها ... لما تحس ان كل المعلومات حاضرة فى ذهنك وجاهزة تكتبها كمان .. بمجرد تفكير بسيط تلاقى المعلومات حضرت .. مافيش حاجة اسمها نسيت .. لو هاتنسى يبقى انت دخلت فى مرحلة ال90% فقط.

--------------------------------
أعرف ناس كانو يوم امتحان الكيميا بيلعبو مع بعض ... مش لاقيين حاجة يذاكروها ... خلصو الامتحان فى نص وقته ... وهما مبسوطين ... وصلو لدرجة مش لاقيين حاجة تتحداهم...
خليك زيهم وربنا معاك

--------------------------------------
طلع اللى جواك بقى يا عم ... عمال تقول انت وهاسوى وهاعمل ... ورينا بقى انت تقلك ايه .. اييييييييييه اخرك ... هاتفرح اهلك قوى يوم النتيجة؟

هاتعرف بجد تكون مسلم عاقل مفكر .. رافع رأس أمته؟

خلص كل حرف فاتك فى المواد دى ...

ولما تدعى ربنا قول يارب اجيب 100% .. ماتدعيش بأقل من كده ..

ارمى همك وحزنك وضيقك وكسلك وكل الوحش اللى فى نفسك ونفذ اللى قلتلك عليه
------------------
ده المسلم

</div>

[=ivan=]

تمام ..

بس مفيش حد رد ليه ؟؟

الموضوع جميل اوى والله ..

بس يمكن من كتر الانبهار .. الناس مش عارفة تقول ايه

[EnG.BeLaL]

شكرا على النصائح الجميلة دي الراجل ده لو كل الناس خدت بكلامه محدش هايعيط يوم النتيجة

[Miss_CaR!zma]

بحبك يا رحمه والله
موضوع فوق العاده وباذن الله هبدا انفذ لانى من اوحش الانواع للاسف (الفاهم كويس بس النوم سلطان)
وربنا يوفقنا كلنا وكل واحد يدخل الكليه اللى عايزها من غير مايشيل هم مجموع ولا تنسيق

[Unique Muslimah]

Nice advice, mashaAllah

[محبة الله]

الف شكر ليكي يا رحمة وجزاكى الله وكاتب الموضع كل خير
زى ماقلت قبل كدا صدق اللى سماكى رحمة

[Y U N A]

بجد موضوع اكثر من رائع .. وجه فى وقته

وزى ماحفزك حفزنى انا كمان .. وان شاء الله نمشى بكلامه وربنا يوفقنا جميعا

شكرا لكاتب الموضوع وليكى

[دودو5]

جزاك الله خيرا
بشكرك جدا وبشككر كاتب الموضوع
ميرسى اوى يا رحمة

[dr.zomba]

<div align="center">ايه يا رحمه الحلاوه دي انا منبهر
لا انا مزبهل
لالا بجد الموضوع فوق الفزيع وباذن الله نمشي علي الموضوع ده
ويارب وفقنا وساعدنا اننا ننفذه
وشكرا جداجداجداجداجدا يا رحمه علي الموضوع الروعه ده </div>

[The Lord Of The Rings]

شكرا يا رحمه على نقل الموضوع المهم ده و شكرا لصاحب الموضوع

ربنا يسهل لنا و يوفقنا كلنا ياااا رب

و ميطلعش حد يوم النتيجة زعلان

آمين

[nihad]

انا بصراحة مش عرفة اقول ايه اشكرك بيه؟؟؟؟؟؟؟؟


وانا هسمع الكلام

[The_Relativistic200]

<div class='quotetop'>إقتباس</div>

الناس اللى مش فاهمة المناهج ولسة ماذاكرتش
الناس اللى عارفه انها لو ذاكرت كويس هاتجيب مجموع . لكن حاسه بضيق لوحده كده .. مخليها مش عارفة تذاكر .. حاجة طابقة على نفسها![/b]

:D
بيقرا الفنجان ده ولا ايه؟

[basmala]

شكرا ..مقدرش اقرأ الموضوع وماردش

[السنونو الطائر]

<div class='quotetop'>إقتباس(=CRaZY_IVaN= @ Apr 20 2007, 04:21 PM) [snapback]296390[/snapback]</div>

تمام ..

بس مفيش حد رد ليه ؟؟

الموضوع جميل اوى والله ..

بس يمكن من كتر الانبهار .. الناس مش عارفة تقول ايه
[/b]

ده علشان انت السباق (فيه شده ع الباء) والله

ده بس من ذوقك وشكرا ع اول مرور واول مشاركة

[السنونو الطائر]

<div class='quotetop'>إقتباس(عاشق الأحزان @ Apr 20 2007, 04:27 PM) [snapback]296393[/snapback]</div>

<div align="center">موضوع جميل بس في نقد على الاخ صاحب الموضوع

هو بيتكلم عن الصعب والسهل

اولا معروف ان اللي بيضيع اي طالب متفوق في اي امتحان السهل دايما

ومش الصعب

بس نصايحة كويسه جدا المهم دلوقتي تنظيم الوقت

والدعاء والعلاقة بربنا

سلام عليكم

[/b][/quote]

البري عندنا يا مرحبا يا مرحبا

الصراحة انا مخدتش بالى من الجزئية اللى انت علقت عليها انا

والصراحة فعلا عندك حق

شكرااااااااااااا ليك ع المرور
<div class='quotetop'>إقتباس(Bella4ever @ Apr 20 2007, 05:11 PM) [snapback]296404[/snapback]</div>

شكرا على النصائح الجميلة دي الراجل ده لو كل الناس خدت بكلامه محدش هايعيط يوم النتيجة
[/b]

عفوا على ايه

وفعلا زى ما بتقول بس اللى ي ا خ د بقي ( يا مسهـــــــل)

شكرا ع مروركـــ

<div class='quotetop'>إقتباس(Dare Angel @ Apr 20 2007, 05:57 PM) [snapback]296415[/snapback]</div>

بحبك يا رحمه والله
موضوع فوق العاده وباذن الله هبدا انفذ لانى من اوحش الانواع للاسف (الفاهم كويس بس النوم سلطان)
وربنا يوفقنا كلنا وكل واحد يدخل الكليه اللى عايزها من غير مايشيل هم مجموع ولا تنسيق
[/b]

وانا اكتر والله

باذن الله كل واحد يدخل الكلية المناسبة ليه

عارفة انا بقي منطبق عليا ايه ..؟؟؟ (الناس اللى سخنة قوى ونفسها تذاكر بس كسولة جدا ولعبية)

شكرا ليكى ع المرور الرقيق الجميل ده

<div class='quotetop'>إقتباس(Sara El-Ashaal @ Apr 20 2007, 05:57 PM) [snapback]296416[/snapback]</div>

Nice advice, mashaAllah
[/b]

الله يخليك

وشكرا ليك عالمرور العطر

..................................

<div class='quotetop'>إقتباس(محبة الله @ Apr 20 2007, 06:32 PM) [snapback]296433[/snapback]</div>

الف شكر ليكي يا رحمة وجزاكى الله وكاتب الموضع كل خير
زى ماقلت قبل كدا صدق اللى سماكى رحمة
[/b]

الف عفو وجزانا واياكم يا محبة الله

الله يكرمك والله

(( عارفه عارفه طبعا اسم ع مسمي ))

<div class='quotetop'>إقتباس(Y U N A @ Apr 20 2007, 07:16 PM) [snapback]296439[/snapback]</div>

بجد موضوع اكثر من رائع .. وجه فى وقته

وزى ماحفزك حفزنى انا كمان .. وان شاء الله نمشى بكلامه وربنا يوفقنا جميعا

شكرا لكاتب الموضوع وليكى
[/b]

كويـــــــــــــــــــــــــــس جداا

عفواااا

وشكرا ليكى اوى ع المرور الامور ده



<div class='quotetop'>إقتباس(دودو5 @ Apr 20 2007, 10:53 PM) [snapback]296522[/snapback]</div>

جزاك الله خيرا
بشكرك جدا وبشككر كاتب الموضوع
ميرسى اوى يا رحمة
[/b]

دعاااااااااء

ليكى وحشة والله

فينك يا قمر ( مش مجاملة ) ده انا بقيت بحلم بيكى

شكرا ليكى ع المرور

منوراه بجد

<div class='quotetop'>إقتباس(طالب تانيه ثانوي @ Apr 21 2007, 12:11 AM) [snapback]296553[/snapback]</div>

<div align="center">ايه يا رحمه الحلاوه دي انا منبهر
لا انا مزبهل
لالا بجد الموضوع فوق الفزيع وباذن الله نمشي علي الموضوع ده
ويارب وفقنا وساعدنا اننا ننفذه
وشكرا جداجداجداجداجدا يا رحمه علي الموضوع الروعه ده

[/b][/quote]

خير

انت شفت ايه



مزبهل ومنبهر

ربنا يسهل بس يا عادل ويكون الموضوع حركك شوية

وتمسك الكتاب بدل مجلة ميكى اللى انت ماسكها ليل نهار :D