استغاثة الى شيخ الازهر

[رشدى العباسى]

الاب الرحيم شيخ الازهر نرجو ان تساوى فى التنسيق هذا العام بين البنات والبنين نداء الى الشيخ الطيب

[amrtaha]

ازاى يا استاذ يعنى اية مساواة طب كليات البنين اكتنر طب لما يساوى هيودى البنات فين

[نور الجنة]

طيب وليه يكون فى فر ق فى التنسيق بين كليات البنين والبنات ؟؟؟؟؟

[yasssmine]

والله حرام لازم يسو بينا وبين البنين انا كنت جايبه96.5 ودخلت هندسه والحمد لله بس زمايلى الولاد ال جايبين نفس مجموعى ويمكن اقل دخلو صيدله واسنان طيب ليه كانو بيمتحنو وبيداكرو نفس الامتحانات ونفس الكتب يبقى ليه كده والولاد ال جايبين 93يدخلو هندسه زينا زيهم يرضى مين ده والله ما يرضى ربنا ده حرام لازم يعملو مساواه فى التنسيق وما تقولوش علشان الولاد عندهم كليات كتير خلاص يسو فى عدد الكليات طيب ما هندسه (اعدادى وكهربه ) بناخد فى ميكانيكا بنين يبقى يدو للبنات مبانى زى البنين بغض النظر عن مكانها ويسو بينا علشا ن المساواه فى الظلم عدل ولا ايه

[yasssmine]

دا فى الميراث وبس وبعدين ده ما ينطبقش على الموضوع ده خالص انا اسفه

[!~فتــــ GiRlــــــــاآ~!]

طيب بصى انا مش قصدى كدا انا اعتقد انهم ميزو الاولاد على البنات فى الازهر عشان كدا
وانو الولد يتزوج وله اسره ويعول اما الانثى فلا تحتاج المال اكثر من الرجل
وشهادة الرجل هيا دى اللى حتمشيه فى حياته
وانا ازهر وكان نفسى حتى احصل هندسه بس عايزه 6 درجات
ومجموعى بالنسبه للاولاد يجيب هندسه طيب وحنعمل ايه ....

بس حنقول الحمد لله
وان شاء الله الامور حتتحسن اكتر والله اعلم لربما تسوء بس احنا مش بادينا حاجه
فهمتى قصدى دى كانت نظريتى
....

[نور الجنة]

ماشى هما اه محتاجين الشهادة وكده بس برضو المفروض يبقى البنات مثل البنين بنذاكر مناهج واحدة وامتحانات واحدة يبقى ليه الفر ق هما بيتعبو ا واحنا كمان يبقى هما ليهم فرصة فى كليات قمة واحنا لا طيب ليه؟؟؟؟؟؟؟؟

[رشدى العباسى]

ياريت كل واحد يبعت فاكس لشيخ الازهر علشان يرفع هذا الظلم ويساوى بين البنات والبنين فى التنسيق

[لحظات صدق]

فعلا دة ظلم
انا مدرسة فى الازهر وبدرس ثانوى وبشوق قد ايه البنات بتتعب وبتاخد الموضوع بجدية وبتبقى عايزة توصل الى اعلى الكليات
يعنى يبقى نفس المنهج ونفس التعب ويتميز الولد عن البنت مش دية تبقى تفرقه عنصرية؟
ثم ايه علاقة التنسيق يالميراث؟ او مسؤليه تكوين اسرة؟ اوعلاقته بفرص العمل؟
ثم مين قال ان البنات مش بتشتغل وبتاسعد فى مصاريف البيت وبتساعد يمكن اكتر من الولد؟
ياريت بجد وانا متفائلة خيرا فى الامام الاكبر وعقله المستنير

[كونان باشا]

اكيد ماينفعش يبقى فيه مساواه لان لو بصيتى للصبيان هاتلاقى الكليات ضعف البنات فى البنين يعنى احنا عندنا 3 كليات طب وعندنا 2 كليه صيدله و2 هندسه فالطبيعى انك مش هاتلاقى التنسيق زى بعضه والمفروض انه ينزل اكتر من كده كمان ولا ايه العمليه مش عمليه ظلم ولا حاجه
ولو بصينا وقولنا ليه البنات مايبقوش ليهم 2 صيدله مثلا هنرد نقول ان البنات صيدلتهم اصلا كانت بدايتها سنه 95 والبنين 75 يعنى لسه ماجاش الوقت الكافى ان يبقى فيه 2 صيدله بنات
وهذه هى الحكايه مش عمليه ظلم

[قطوف دانيه]

المشاركة الأصلية كتبت بواسطة كونان باشا

اكيد ماينفعش يبقى فيه مساواه لان لو بصيتى للصبيان هاتلاقى الكليات ضعف البنات فى البنين يعنى احنا عندنا 3 كليات طب وعندنا 2 كليه صيدله و2 هندسه فالطبيعى انك مش هاتلاقى التنسيق زى بعضه والمفروض انه ينزل اكتر من كده كمان ولا ايه العمليه مش عمليه ظلم ولا حاجه
ولو بصينا وقولنا ليه البنات مايبقوش ليهم 2 صيدله مثلا هنرد نقول ان البنات صيدلتهم اصلا كانت بدايتها سنه 95 والبنين 75 يعنى لسه ماجاش الوقت الكافى ان يبقى فيه 2 صيدله بنات
وهذه هى الحكايه مش عمليه ظلم

اه فعلا كلام حضدرتك مظبوط بس كنت اتمنى بدل ما يعملو للبنين كلية طب فى دمياط يحنو علينا ويعملولنا ولو هندسه عشان اللى تجيب 93 تلاقى مكان
ياااااارب اى كليه يفكرو يبنوها تكون للبنات وان كنا مش هننتفع بيها لكن الاجيال اللى بعدنا اكيد ان شاء الله هتنتفع بيها
وربنا يسهل والتنسيق ينزل السنه دى وكلنا نتراضى ومحدش يزعل ابدا على تعبه