هنشجع منتخب امريكا

[محمد.فوكس]

سلام عليكم..
خلاص كاس العالم داخل و كان نفسنا نبقى موجودين لكن اعتقد انا زعلنا مش جامد لسببين اولهم اننا خرجنا بشرف قصاد الهمجية بتاعت الاخوة الكرامازوف.
ثانيا اننا ابطال افريقيا و هزمنا اربع دول متأهلة لكاس العالم من افريقيا غير الابهار بتاع كاس القارات لكن ميمنعش برضه اننا زعلانين.
المهم كلنا نشجع المدرب المصري الكابتن زكي عبد الفتاح مدرب حراس مرمى المنتخب الامريكي لان ده ممثل مصر و اعتقد انه ممثل العرب لان الاخوة الكرامازوف دول منتخب فرنساوي و في واحد يهودي و اتنين بيلعبو في نادي مع مدرب اسرائيلي.
ملحوظة هامة جدا:
طبعا وجود منتخب الاخوة الكرامازوف مع امريكا في نفس المجموعة ده يدفعنا اكتر لتشجيع منتخب امريكا لكن السبب الاول هو المدرب المصري.
اوعى يفتكر اننا عايزينه ينتقم منهم ... ههه احنا الحمد لله واخدينهم فوم غسيل في انجولا مخدهوش سلم عمارة ليلة عيد.
احنا انتقمنا برجالتنا.
_______________

طبعا الاخوة العقلاء هيقولولي لاااااا تشجع امريكا منتخب الاعداء منتخب حماة اسرائيل.
لكن
لو واحد قريبك اشتغل في امريكا هتتمناله التوفيق ولا لأ؟
هو بشغله بيفيد نفسه و البلد اللي شغال فيها.
حبيت بس اعرف اللي مش عارف عن الكابتن زكي عبد الفتاح عشان ان شاء الله ربنا يوفقه و يصعد للدور التاني مع المنتخب السلوفيني او الانجليزي.
(عشان سلوفينيا جامدة خلي بالكم).
اما منتخب الاخوة الكرمازوف ... حتى لو كنا سمن على عسل برضه مكنتش هشجعهم عشان هم مستواهم واضح جدا انهم هيعرونا و هيخلو رقبة العرب اصغر من السمسمة.
اعتقد انكم هتقعوا من الضحك و انتو بتتفرجو على ماتشات الجزاير.