يا مصريين اهدئوا !!!

[hamada_97]

بسم الله الرحمن الرحيم
و الصلاة و السلام على رسول الله
أما بعد ،،،

طبعا علشان نبدأ أنا لا تبع تيار اخوانى و لا سلفى و ليبرالى و لا علمانى و لا شعبى و لا دولى و لا كهربى و لا أى تيار ، و المقدمة ديه لا ينكرها أى مسلم سنى

بصراحة أنا مش مع مرسى و لا مع أى حد ضد الشعب ( انا خلاص كرهت انى ادخل كلمة مصر فى حاجة علشان ديه خلاص بقت رمز لكن مصر من غير شعب متبقاش مصر )
طبعا انا مع اى حد ضد الشعب علشان أنا من الشعب ، لكن لما يثور الشعب براحته ، يطالب برحيل النظام تانى براحته ، لكن لما ينتج عن كده إن واحد مصرى يُجرح فهذا خط أحمر ... اى أن هذه الثورة تعدت حريات الاخرين ، و لابد من توقفها و مقاطعتها ، لا حبا فى مرسى أو كرها فيه ، لكن حبا فى الناس ،

أنا هاكلمكم بصراحة لما الثورة تقوم مين اللى هايتضر مش اللى قامت الثورة لحمايته
ياعم الحج احنا مش فاهمين حاجة .... أقولكم عل مثال
لما يبقى فى عامل شغال باليومية و مرتبه يدوب مقضى ... و الثورة قامت علشان ترفع من مستوى معيشته ...(طيب الحمدلله )... لما الثورة تيجى في يوم و تقطع الشغل خالص تبقى عملت ايه ... تبقى هدمت اللى كانت عايزه تبنيه ... يعنى أيه .. يعنى العامل مايلقيش يوميته ... و الناس متلقيش مرتباتها و يزداد العبء على الاقتصاد و الذى سيرفع الضرر على المواطن المصرى ،،، يعنى تقطعوا يومية الراجل و تغلوا الاسعار ...

......"( عصفور فى اليد خير من عشرة عالشجرة )"....... افهموا مقصدها كويس

فى حاجة مصر شغالة بيها اسمها طاقة قوتية ثابتة ... و ديه حد اقصى من الموارد المتاحة للانسان و لا يمكن تجاوزها على فترات طويلة أو قصيرة ... يعنى أيه ... يعنى احنا بنخلص موارد مصر بلا هدف يعنى لما نتجاوز الحد الاقصى للموارد سنضظر الى هدم المرتبات و ارتفاع الاسعار

طيب أيه دخل ده فى موضوعنا ؟ ... دخله أنى أنا كمواطن مصرى لدى حقوق كما أن لدى واجبات ... من أهم واجباتى عدم التعدى على حريات الآخرين ... و أهم حقوقى عدم تعديات الآخرين على حرياتى

طيب الثوار و التوابع اتعدوا على حرياتك في ايه ؟.... اتعدوا على حريتى فى الحصول على الأمن ..... اتعدوا فى حريتى فى الخروج من المنزل و الترفيه فى الايام القلائل فى الاجازة ... اتعدوا على حرايتى فى الحصول على التعليم فى ظروف مناسبة و هادئة .... اتعدوا على حريتى فى الحفاظ على دمى .... اتعدوا فى الحصول على حريتى فى الحفاظ على وطنى ... فى حريتى التى لا تتعدى على حريات الاخرين

من الاخر ...قول انت عايز ايه ؟؟

أنا من رأيي نقاطع الثورات و الثورات المضادة و الثورات المناهضة و الثورات الداعمة
نقاطع كل شئ يعطل أى شئ
أحياناً علينا تجنب الصدام مع الجانب الآخر ، ليس خوفاً منهم ، ولكن لأن بعض الصراعات لا تسوية فيها ، و إذا بدأت لا تنتهي. -راشد خليفة المزروعي.

لكن ان سمحت لك الفرصة للتعبير عن رايك فيما لا يضعف الانتاج و لا يتعدى على حريات الاخرين فتكلم
و لكن أقول لكل مواطن ... ( أنج بنفسك أولا )
رب سكوت أبلغ من كلام
رب كلام أقوى من صول
رب كلام يثير الحروب

و نترك من يتحدث يتحدث و من ينبح ينبح
الكلاب تنبح والقافلة تسير.

الحصاة من الجبل.
أول الشجرة بذرة.
معظم النار من مستصغر الشرر.

و ليبحث كل انسان عما فى من عيوب ليصلحها حتى ينصلح حال المجتمع
أرى كل إنسان يرى عيب غيره ويعمى عن العيب الذي هو فيه.

و لنتقبل الرأى الآخر دون تعصب
قد لا أتفق معك في رأيك ولكني سأدافع وأستميت عن حقك في قول رأيك "فولتير"
أساء سمعا فأساء إجابة.

و لا تسمحوا بالتفرقة بينكم
الكعكة الكبيرة يسهل أكلها بعد تقسيمها. - راشد خليفة المزروعي.


و فى النهاية سيقولون خُذْهُ بالموت حتى يرضى بالحُمَّى.
و تقول مصر يأكلون تمري وأُرمي بالنوى.
يقولون "الزمان به فساد" وهم فسدوا وما فسد الزمان.



و السلام عليكم و رحمة الله و بركاته