الرجاء المصدر

[طارق الشعواطى]

كثر فى الايام الاخيرة ذكر خبر وصول منشور التثبيت واخص بالذكر اخواننا فى الازهر

من مناطق مختلفة على مستوى الجمهورية

فالرجاء ذكر مصدر الخبر ورفع المنشور ان امكن " لكى يطمئن قلبى "

وشكرا اخواتى الاعضاء على حسن تعاونكم معنا

[teacher120]

يا استاذ احنا لما بنجيب منشور محدش بيسدق وتلاقى الى داخل يتريق والى داخل يثبط الهمم ليه منعرفش وبعدين احيانا انت بتروح بتلاقى منشور ومش بتعرف تصوره هتعمل ايه لازم نكون واثقين فى بعض شويه احنا مش اطفال
امبارح جبت منشور لقيت كل واحد داخل بيحاسبنى الى بيقولى فين الختم والى بيقولى انت جبته منين ومش عارف ايه
حاجه لقيتها وجبتها ايه ذنبى معرفشى
احنا عندنا فى الازهر فى المنصوره وكيل الوزاره كان بيمر وقال كده الى نجح فى الكادر اسمه سافر عشان يتثبت على درجه ويتسكن ومش هتصرفوا فلوس الكادر الا لما تسكنوا
الكلام دا حصل امامى لكن مقلتش ليه لان محدش بيسدق حد وخصوصا لما نكون اعضاء ذوا باع طويل فى المنتدى ومشهود لينا بالصدق مش داخلين نكتب مشاركه والسلام

[مستر طه أبوسمرة]

فعلا هناك أزمة ثقة فيما بيننا
والموضوع مرتبط بأمانة الكلمة لأن الكلمة مسئولية
والبعض بيكتب خبر سمعه أو منشور قرأه بحسن نية إلا أن الخبر قد يكون غير صحيح

أما اللى بيتعمد يكتب خبر وهو عارف إنه مش صحيح
فده أكيد ذنب كبير لأنه كذب
ومش أي كذب
دا كذب على مجموعة كبيرة من الناس بغير وجه حق
وصاحبه بيعرض نفسه للفسوق والعياذ بالله
( يا أيها الذين آمنوا إن جاءكم فاسق بنبأ فتبينوا )

لكن إن شاء الله لا أعتقد إن بيننا معلم يتعمد الكذب على إخوانه لأننا جميعا في مركب واحدة .

أما اللى يحضر خبر صحيح ويواجه بالاستهزاء من البعض أو التشكيك في كلامه فأطلب منه أن يصبر ويحتسب الأجر من الله
ولا يبخل علينا بأي خبر جديد إن أمكن بمصدر أو دليل وإلا فليذكره كما هو ويترك التحليل والتفسير لباقي الأعضاء

وشكرا على الموضوع

[MUSTAFAEGYPT]

احنا قلنا الكلام ده من زمان

[أ/ هشام العيسوى]

أعتقد إن الموضوع مش أزمة ثقة بينا وبين بعض
زى ماتقول مش مصدقين نفسنا
الحلم طال وننتظره حقيقة على ارض الواقع

وكثرة الاستفسارات جاءت من كثرة الاخبار الكاذبة فى السابق وكلنا عانينا من الكلام دا
فإن شاء الله خير وتفاءلوا فإن مع العسر يسرا