صناعه النجوم والمتدين الحقيقى على فرج

[مستر/ عصام الجاويش]

اعرف ان هذا الكلام لن يعجب بعض الناس لان دائما الحقيقه بتزعل
الاعلام المنحاز عندنا كل فتره كده يصنع نجم ويطلق عليه صفات القدسيه احيانا ويجعله نموذج للشباب بل تجد ان حتى المناهج الدراسيه تتحدث عنه . طب لو رجعت للاعب لما كان فى فريق ضعيف ولا كان اى حد بيعبره ولا بيكتب كلمه عنه ولا حتى بيختاروه فى المنتخب. لكن لما راح نادى مشهور اللاعب فجأه اصبح المثل الاعلى !! ويقولك لا دا متدين. تعالى نشوف المتدين بيعمل ايه: بيرمى نفسه فى منطقه الجزاء وياخد ضربه جزاء فشنك! طب ده مش حقه يا اخواننا التدين مش كده! واحد بيسمع اغانى ومسرحيات وافلام والذى منه. لو متدين بجد مش يعمل كده يا اخواننا. طب ايه المختلف فيه عن باقى الناس. طب ما كل لاعيبه مصر كده.
على طرف النقيض تعالوا شوفوا اللاعب المتدين بجد وهو حارس مرمى حرس الحدود الملتحى والملتزم بحق محمود بكر بيسخر منه ومدحت شلبى بيسخر منه ومن لحيته. عارف ده لو فى نادى ما له علاقه بشركات اعلانيه ..كانوه رفعوه الى السماء لكن للاسف اعلام منحاز

[ياسر زكي3]

باالنسبة لـ..... أعتقد أنه صناعة ..... وجعله كإمام الدعاة وأحسن لاعب كرة قدم في مصر على مر العصور طبعاً بعد الخطيب لأنه.....برده وأتفق معك في رميه نفسه في الملعب للتحايل على الحكام والحكام طبعاً بيخافوا من الإعلام الأحمر االذي جعله قديساً وعندما يرتكب فاول يستحق الانذار لايقوم الحكم بإنذارة لأن المنظومة حمراء وكشف نفسه تماماً عندما دفع لاعب طلائع الجيش وأحرز هدف االتعادل وجري فرحاً بل طائراً من الفرح قال إيه كل شيء مباح للشيخ .....

[Bent 3bdo]

انا شوفت ع اليوتيوب فيديو
شيخ ربنا يهديه ياعنى عامل الخطبه بتاعته عن ابو تريكه
مش فاهمه انا مال الكورة بالدين اصلا

[مستر/ عصام الجاويش]

المشاركة الأصلية كتبت بواسطة د/ نـــ غ ـــم

انا شوفت ع اليوتيوب فيديو
شيخ ربنا يهديه ياعنى عامل الخطبه بتاعته عن ابو تريكه
مش فاهمه انا مال الكورة بالدين اصلا

هههههههههههههههههههههه
يبقى شيخ اهلاوى
بس الدين مرتبط بكل شيئ يعنى مثلا اللاعب لازم يكون صادق مش يرمى نفسه فى منطقه الجزاء ويتحسب له ضربه جزاء وفريقه يكسب المنافس ظلم يبقى ده غلط مش كده ولا ايه؟ واى لاعب بيعمل الحركه دى يبقى مش متدين صح. فى الزمالك على خليل بعد ما الحكم صفر ان الكره جول راح قاله لا ياكابتن الكره بره واراحت بطوله من الزمالك بسببه لكن كسب احترام كل الرياضيين لانه صادق بجد
وبعدين انا احب اقول ان الاصل ان اى انسان يكون محترم ولاعبى كره القدم معظمهم محترمين ليه الاعلام مركز على واحد بس؟ ده غلط اصلا

[Bent 3bdo]

هههههههههههههههههههههه
يبقى شيخ اهلاوى

الفيديو اهو

الدين مرتبط بكل شيئ يعنى مثلا اللاعب لازم يكون صادق مش يرمى نفسه فى منطقه الجزاء ويتحسب له ضربه جزاء وفريقه يكسب المنافس ظلم يبقى ده غلط مش كده ولا ايه؟

مش مشكله بدام بيعترف بعد كده
..
طب سؤال بريء
هى الشورتات بتاعت اللاعيبه دى حلال ولا حرام ؟
بالرغم من انى بحب الكورة جدا
الا انى بحتقر لاعيبه الكورة كلهم حتى اللى انا بحبهم يمكن الاستثناء الوحيد حازم امام تحس انه دونا عن لاعيبه الكورة كلهم كده انسان نضيف
مش عارفه ياعنى ايه واحد تبقى وظيفته ف الحياة بس انه بيلعب كورة
مش عارفه بجد لما ربنا يجى يوم القيامه يسألهم عن عمره فيما أفناه هيردوا يقولوا ايه كنا بنلعب
ربنا يهدى الجميع

[مستر/ عصام الجاويش]

بصى يا ابنتى الغاليه الكره لعبه جميله ومفيده لمن يمارسها لكن لما تحولت من الهوايه الى الاحتراف وسوق نخاسه يباع فيه البشر ومن يدفع اكثر ياخذ اللاعب هنا يقول علماء الدين ان هذا الامر حرام . يهنى احنا كلنا مفروض اننا بنشتغل عشان نفيد المجتمع لكن لاعب كره القدم لايعمل اصلا ولايخدم المجتمع فى شيئ لانه بيمارس هوايه فقط. ولذلك انا باستغرب جدا من اللى بيقولك فلان او علان من لاعبى الكره هم المثل الاعلى للشباب لا طبعا ده واحد عاطل بيصحى من النوم على اللعب مفيش اى فايده بيعملها ومعظمهم مستواه العلمى صفر انا كان زميلى فى الكليه الكابتن هشام يكن بس مش كان فى القسم بتاعى كان بيجى على الامتحانات فقط يكتب كلمتين فى الورقه ويطلع وينجح -مش فاضى للمذاكره بسبب المباريات والتدريبات وكده يعنى

[Bent 3bdo]

المشاركة الأصلية كتبت بواسطة مستر/ عصام الجاويش

بصى يا ابنتى الغاليه الكره لعبه جميله ومفيده لمن يمارسها لكن لما تحولت من الهوايه الى الاحتراف وسوق نخاسه يباع فيه البشر ومن يدفع اكثر ياخذ اللاعب هنا يقول علماء الدين ان هذا الامر حرام . يهنى احنا كلنا مفروض اننا بنشتغل عشان نفيد المجتمع لكن لاعب كره القدم لايعمل اصلا ولايخدم المجتمع فى شيئ لانه بيمارس هوايه فقط. ولذلك انا باستغرب جدا من اللى بيقولك فلان او علان من لاعبى الكره هم المثل الاعلى للشباب لا طبعا ده واحد عاطل بيصحى من النوم على اللعب مفيش اى فايده بيعملها ومعظمهم مستواه العلمى صفر انا كان زميلى فى الكليه الكابتن هشام يكن بس مش كان فى القسم بتاعى كان بيجى على الامتحانات فقط يكتب كلمتين فى الورقه ويطلع وينجح -مش فاضى للمذاكره بسبب المباريات والتدريبات وكده يعنى

.................................................

[NOUFALL]

الله ينور يا جولدن

[مستر/ عصام الجاويش]

اسف على غلقى للموضوع لان الاخوه الاعضاء خرجوا عن الفكره الرئيسيه وشخصنوا المسأله فى حين ان الموضوع ليس شخصى ولكنه انتقاد لوضع غير منطقى وهو محاوله تضخيم الاعلام لشخصيات عاديه جدا ومحاوله جعلها رموز وهى لاتستحق ذلك بالفعل