ايه اخبار المرتب بعد التثبيت

[mr_maro]

يا جماعة لو حصل وفعلا كان فيه تثبيت .... ياترى المرتب هيتغير ولا هنفضل زي مااحنا ولا هيبقي النظام ايه حد عنده تخيل؟؟

[hishamhassan]

طبعاً هيكون فى زيادة وزيادة كبيرة

[roosy]

احنا فى ايه ولا ايه
مش لما يحصل الاول

[nourhan200005]

نتثبت الاول ان شاء الله وبعدين ندور على المرتب

[رمضان رجب عبدالكريم]

الله يسامحك ياعم مش اما نشوف اول الغيث

[منة2011]

هيقل
لان هتكتر الخصومات

[مسيو عاطف]

المشاركة الأصلية كتبت بواسطة منة2011

هيقل
لان هتكتر الخصومات

ياشيخة حرام عليكى هيقل ازاى

[lolohamed]

حيقل لانة سيخصم منة نسبة الحكومة ونسبة النقابة بعد الاشتراك فيها ونسبة اصابة عمل ووونسب اخرى

[vip_ame]

المفروض ان حد ماليات هو اللى يجاوب على السؤال ده

اكيد هاتبقى فيه خصومات تانية لكن برضه فية زيادة 50 فى المائة

والمفروض نكون على اساسى الدرجة الثالثة اللى هو احتمال يختلف عن اساسينا دلوقتى

يعنى فيها حسابات كتير

ان شاء الله نتثبت اولا على الثالثة وبعد كده ربنا يسهلها

[رنا وريهام]

ان شاء الله هايزيد على الاقل ال50 في المائة بتاعة المرحلة الاولى من الكادر لان النقابة والاصابة وخلافة كدا كدا بيتخصم وبعدين نتثبت واللي يحصل يحصل ان شاالله يخصموا المرتب نشتغل متثبتين ببلاش احسن من عقود بفلوس ( قالوا القهوة بتخسر قالوا كفاية قولة يامعلم ) تحياتي للجميع

[m_nagib_2010]

بعدالتثبيت ان شاء الله ليكم بدل نقدى بقيمة 320 جنيه تقريبا ً لكل شهر وذلك بحسب المحافظة بتاعتك
بالاضافة لــ50 % بدل معلم مرحلة ثانية بالاضافة الى قيمة الأجور المتغيرة .
يعنى كدة المرتب يدخله فى حسبة من 700 الى 850 جنيه حسب موقع محافظتك .

[داليا مصطفى ابراهيم]

خصومات ايه ياجماعه اللى انتوا بتقولوا عليها ما هما دلوقتى بيخصوا معاشات وتامينات والخ
هى ناقصه
على العموم حتى لو ما فيش تعين المفروض من حقنا المرحله التانيه من الكادر