دلوقت انا متعاقد فى الازهر منطقة البحيرة من 2005 و المرتب اصبح .....مفاجأة

[ashraf81s]

المرتب كل سنة بيقل المهم انا قبضت اليوم مرتب شهر 7
المفاجأة ان المرتب طلع


277.5

ياريت كل واحد يذكر مرتبه علشان نعرف الغلط فين عندنا و لا فى المنطقة

[ashraf81s]

كل العدد ده قرأ الموضوع و مفيش حد عرف بياخد كام
ولا هو ســــــــــــر

[mr_maro]

ولا سر ولا حاجة
اصل الواحد بقي قرفان ...ومن كتر قرفنا ...مبقناش عايزين لا نتكلم ولا نكتب
للاسف ده مرتبنا فعلا 277.5
يعين لما الحوافز هتنضاف في شهر8 اتوقع هيبقي مرتبنا ولله الحمد يجي 3140
لا لا مش تلات الاف دول مجرد314 جنية
ياجماعة احنا هنتظر التثبيت في شهر تمانية ..........ونتحط كلنا على درجة التالتة ونشوف حال مرتباتنا هيبي ايه
لو محصلش يبقي والله لازم وقفة ولازم نبعت فكسات للشيخ الطيب ...علشان لايمكن يرضي حد ابدا نقبض كل سنة اقل من اللى قبلها واقل من التربية والتعليم

[pirates]

يا اخونا الغلط هنا اهوه بس كل الي نرجوا هوا المشا ركه والمسانده

http://www.thanwya.com/vb/showthread.php?t=232156

[فايز فراج]

بسم الله الرحمن الرحيم
نتقدم بخالص الشكر والتقدير للاخوة الزملاء من المعلمين المساعدين في الازهر الشريف والتربية والتعليم وكل من شاركنا برأيه في المهمة الصعبة التي اتورط فيها مدرسي الازهر الشريف من المعلمين المساعدين من الخصم من المرتبات كل سنة
والله وأقسم بالله العلي العظيم بأنني أسعى من ناحيتي وبلدي أن أحصل على مفردات مرتب التربية والتعليم ونرسل بها فاكس الى السيد صاحب الفضيلة الامام الاكبر شيخ الازهر الشريف للمطالبة بحقوقنا التي أضيعت عيانا بينا والله تعالى أسأل ان يوفقنا نحن مدرسي الازهر الشريف بأن لا يضيع حقنا
وارجو من الاخوة الزملاء مدرسي الازهر الشريف اجتهدو واسعوا وراء الحق مطالبين له وارسلوا الفاكسات الى مشيخة الازهر جماعية لعل وعسى ان يهدى الله تعالى كل من فى الازهر ويرجعوا لنا حقوقنا المسلوبة منا

يا مدرسي الازهر ارسلوا الفاكسات جماعية الى مشيخة الازهر وليسعى كل واحد منا نحو ذلك

مستر / فايز فراج
مدرس مساعد لغة انجليزية
الازهر الشريف

وشكرااااااااااااااااااااااااا

[mratwa7]

الشهر اللى فات خدنا حوافز شهرين
يخصم حوافز شهر7 كل عام وتؤخذ مع قبض شهر 6 فى العام التالى وهكذا
علشان كده قبضنا 7 من غير حوافز=277
فى شهر8 هترجع الحوافز وهتحسب على الاساسى الجديد 183 يعنى ذى ما قال mr_maroالمرتب فى 8 هيبقى حوالى314
الا اذا ربنا كرمنا و اتساوينا بالتربية والتعليم

[mratwa7]

الشهر اللى فات خدنا حوافز شهرين
يخصم حوافز شهر7 كل عام وتؤخذ مع قبض شهر 6 فى العام التالى وهكذا
علشان كده قبضنا 7 من غير حوافز=277
فى شهر8 هترجع الحوافز وهتحسب على الاساسى الجديد 183 يعنى ذى ما قال الزميل المرتب فى 8 هيبقى حوالى314
الا اذا ربنا كرمنا و اتساوينا بالتربية والتعليم

[مستر رمضان]

انا مدرسه تعاقد عادي في البحيرة اخدت الشهر ده 393 جنيه

[رضاالوادي]

انا في الخارجة لحد اليوم لم اصرف المرتب 62/7

[mmm6666]

ان لله وان اليه راجعون
حسبى الله ونعم الوكيل فى كل من ظلمنا

[Mr.AI]

لا إله إلا الله

[الفتى الزهرى]

انا متعاقد ف الازهر وقبضت النهاردة277.55
الحمد لله هاتجوز بيهم والباقى هاشترى بيه سيارة
عقبالكم

[ايهاب بدر الدين]

الناس فى الازهر المسؤلين وده الحقيقة مبيفهموش حاجة وعايزين يذلونا علشان معظمهم مؤهلات متوسطة ودبلومات واحنا مؤهلات عليا الصراحة عندهم عقدة نقص غير التربية والتعليم اصلى انا اشتغلت فى الاتنين وحسيت بالفرق وحسبى الله ونعم الوكيل فى المتسبب فى نقصان المرتب ولن اسامح فى قرش نقص من المرتب يوم القيامة ولابد من وقفة بجد لان كده المتعاقدين فى الازهر بجد اللى بيحصل فيهم ده حرام لازم واقفة ونبعت شكاوى ولازم كل واحد فينا يحس بالظلم اللى واقع عليه

[medoboy30]

انا من منطقة الاسماعيلية وقبضت شهر 7 ما شاء الله ما شاء الله 283.5
ايه رايك فىالاملة دى بقى

[medoboy30]

نداء الى جميع الاخوة المتعاقدين وخاصة المتعاقدين بالازهر
يا ريت يكون لينا موقف ونعتصم او نعمل اضراب او اى حاجه تخلى المسؤلين يحسو بينا
دا احنا حتى و الله ما حصلناش البصمجية وخريجى الدبلومات العمال اللى اعتصموا قدام مجلس الشعب واخدو حقهم
على الاقل عملوا اللى عليهم