|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-01-2009, 06:13 PM
|
||||
|
||||
مراهقين ماشي انما ايمو لاء والف لاء...!!!
السلام عليكم ورحمة الله وبركاته ازيكو ياجماعة عاملين ايه؟ كويسين الحمد لله  الموضوع اللي هتكلم فيه النهاردة ده بفكر فيه من زمان وانا صغيرة من اسبوعين مثلا كده  المهم ايه هو الموضوع المراهقة اولا انا مقرتش في حياتي عن المراهقة غير الورقتين بتوع المستر بتاع علم النفس السنة اللي فاتت حتى كتاب المدرسة مبصتلوش بس ايه اللي خلاني اعمل التوبيك ده اني لقيت ناس تير 17 او 18 سنة وعاقلين جدا مع ان المراهقة عندي بحسها في حاجات معينه يعني مش اي حد عنده 17 سنة اقول ده مراهق انا مش بفتكر المراهق ده غير في حد من الحالات دي الاول واحد كاره عيشته واهله ومبهدل باباه ومامته والدنيا نفسها تخلص منه  او واحد عامل نفسه الحبيب وكل تفكيره بنات والكلام ده ونفس النظام على البنت او المجروح المتعذب من الدنيا كلها ومفكر انه ملوش وجود في الدنيا دي وموته احسن...الخ الخ طيب وانا وانتو واصحابي وقرايبي واصحابكم وقرايبكم بردو فين من ده كله اكيد مش كل المراهقين هيتحصرو في التلاته دول طبعا بعد تفكير عميق ونتيجة هبلا توصلتلها ان مفيش حاجة اسمها مراهقة لان مش فيه حاجة مشتركة بتجمع بين المراهقين بس لقيت اخيرا حاجة مشتركة .... الاعتراض .... يعني الشاب بيعترض على الحياه اللي كان عايشها وهو صغير مهما كانت ومن رأيي ان في مرحلة المراهقة دي بتتلاشى التربية كلها وتفضل بس المبادئ ويعيش كل واحد حياته بس يعني ايه تربية وايه مبادئ في الاول احب افكركم انها وجهه نظر شخصية ممكن تكون غلط التربيه يعني ايه يعني ابويا يجيلي دي غلط ممكن يعاقب او لأ من غير مايوضح السبب الطفل هيعملها على انها امر مسلم بيه انها غلط ويبطل طيب باباه بيعمل الغلط ده بردو غلط مش هعمل كده يكبر بقى صحابه بيعملو الغلط ده باباه اللي قاله انها غلط بيعملها خلاص انا مش مقتنع وهعمل الغلط ده انما المبادئ ايه هيا اني اجي اعمل الغلط بابا يقولي دي غلط سواء بردو بعقاب او من غير بس المهم السبب معملش الغلط عشان انا مقتنع انه غلط بابايا مش بيعمله صحابي بيعملوه مش مشكلتي المهم انه غلط ده الفرق بين التربية والمبادئ هي التربية شاملة المبادئ بس التربية اللي من غي مبادئ بتضيع نرجع تاني لحتة الاعتراض سواء بقى الاعتراض ده للصح او للغلط المهم انه اعتراض لو بصيتو حواليكو عمركو ماهتلاقو مراهق بيتصرف زي باباه في كل حاجة ممكن لما يكبر يبقى زييه بس وهو مراهق لاء تلاقو كل حاجة زي الصحاب عاوز يبقى احسن من صحابه في مجال اهتمامهم مهما كان اهتمامهم وعلى فكرة ده احيانا بيكون نقطة تحول للاحسن في عمره كله وده يتوقف على نوع الصحاب وحاجة كمان اي مراهق بيقى مش عاجبه تفكير اللي اكبر منه ورأييه هو الاحسن كدة ولا لأ؟؟ يعني اصحابه يقدرو يأثرو عليه في حاجات بيفشل الاب والام انهم يأثرو عليه فيها صح ولا انا غلطانه هتكلم في حتة تانية مش مهمة بس هحطا من باب العلم بالشيئ عشان لو اتذكرت قدامكم .....الايمو ...... مين هما الايمو؟؟ الإيمو (بالإنجليزية: emo) هو إختصار لمصطلح متمرد ذو نفسية حساسة (Emotive Driven Hardcore Punk)، أو شخصية حساسة بشكل عام، وقد أخذت هذه الظاهرة في الإنتشار بين الشباب المراهقين توجد تعريفات كثيرة لهذا المصطلح، حيث يصعب الحصول على تعريف شامل له، إلا أنه يشير في أغلب الأحيان إلى إحدى هذه التعريفات:  فرقة تعزف موسيقى الإيمو
نوع من أنواع الموسيقى، الذي ينتمي إلى الروك والميتال، ذو كلمات أو أحاسيس مختلفة عن الأنماط الموسيقية العادية، حيث تتحدث حول الألم والحزن وهكذا. إلا أن هذا النوع من الموسيقى قد لاقى العديد من الإنتقاد نظرا لإفتقاره إلى اللحن الغنائي.  ملابس الإيمو
أما عن التعريف الثاني، فهو ينطبق من ناحية الأزياء، حيث يلبسون في العادة ملابس قاتمة أو سوداء، سراويل ضيقة جدا أو فضفاضة جدا، أغطية المعصم، وهذه الملابس تحمل أحيانا كلمات من أغاني الروك المشهورة. كما أن شعر الذكور يكون منسدلا من الأمام. إلا أن هذا التعريف ينطبق أكثر على الأنماط المدعية التي تطالب بالإهتمام فقط، ولا يعتبر الشخص إيمو حقيقي فقط لأنه يلبس مثل هذه الألبسة، إلا إذا كان يفضل الملابس القاتمة.
لكن التعريف الأكثر شيوعا حاليا هو الخاص بالحالة النفسية للشخص، حيث يوصف الشخص بأنه إيمو إذا كان حزينا، متشائما، كثيبا، صامتا وخجولا، أو إذا كان يفضل الأمور التي تندرج تحت الأحاسيس السابقة، وكذلك ينطبق على من عنده ميول إنتحارية ويقوم بشق رسغه، حتى لو لم تكن له نية في الإنتحار وقد كانت تستخدم كوصف معين، أو إشارة، مثلا عندما يقال لشخص كئيب: لاتتصرف كإيمو. ثقافة ثانويةتعتبر الإيمو بالنسبة للمراهقين العاديين ثقافة ثانوية، متأصلة من ثقافة الروك والقوطيين، وكذلك البانك أو المتمردون - بالرغم من أنها مختلفة عنها من نواح عدة، وهذه الثقافة يتبعها العديد من المراهقين، في أمريكا الشمالية عادة، كوسيلة للتعبير عن مشاعرهم، وهي ليست عادة أوظاهرة خطيرة، وفي أغلب الأحيان هي مجرد مرحلة يمر بها المراهق ثم يفيق منها. ويجدر الذكر إلى أن هؤلاء أناس طبيعيون جدا، وإجتماعيون، ويعتبرون من أكثر الناس فكاهة، إلا أنهم حساسون أكثر من المعتاد. أساطير حول الإيموإلى جانب ذلك، فقد إشتهر عنهم كتابة الأشعار، الحزينة منها بشكل خاص، حيث يصفون الأوقات الحزينة الداكنة في الحياة، وعند البعض منهم، سوء حياتهم من عدة نواح، إلا أن المجموعة الثانية يكونون في العادة متشائمين أويضخمون من المشاكل الصغيرة التي تحدث في حياتهم.
ينتقد المجتمع عادة هذه الظاهرة، خاصة بما يتعلق بشق الرسغ، حيث أن مفهوم هذه الثقافة قد إنحرفت كي تشمل المجموعة التي تأخذها كثيرا على محمل الجد مما يجعلها تكره الحياة بشكل تام. كما يتعرض الإيمو للإنتقاد من قبل محبي الأزياء الذين يعتبرونهم أناس متخلفين ذو أزياء محرجة، إلى جانب سوء استخدام هذه الثاقفة كليبل أو "ملصق"، أي أن يقوم الأشخاص بتقليدهم، سعيا لجعل أنفسهم محور الأنظار، أو لعدم فهمهم هذه الثقافة. يجدر القلق فقط عند ظهور بعض الإشارات، كأن يكون الشخص كئيبا بعد إنضمامه لهذه الثقافة، أن يتغير إسلوبه في الحياة إلى الأسوأ، أو يحاول دائما أن يخفي معصمه لإخفاء الجروح عليها. الإنتشارتوقع الكثير من الناس أن لا تستمر هذه الظاهرة أو الثقافة، إلا أنها من أكثر الظواهر إنتشارا بين المراهقين، حتى أصبح عدم وجودهم منظرا غير إعتيادي، وهم منتشرون في الدول الغربية وبعض الدول الشرقية أيضا، وقد تم استخدام هذه الظاهرة في الكثير من الرسوم المتحركة، الأنيمي والمانجا بشكل خاص
رأيي فيهم مجموعة مراهقين تافهيين عاوزين يبقو كول فبيقلدو الغرب بأي طيقة بس عاوزة رأيكم انتو بقى
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله آخر تعديل بواسطة JusT DreaM ، 27-01-2009 الساعة 06:26 PM |
|
#2
27-01-2009, 06:26 PM
|
|||
|
|||
|
هههههههه
تصدقى بالله انا كنت مفكرة ان الموضوع عن موضوع تانى كدة  و ايمو دى انتى فهمتى حاجة يا رب تكونى مش فهمتى
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#3
27-01-2009, 06:35 PM
|
||||
|
||||
|
ههههههههههههههههههه
مرة كنت في الفيس بوك وجالي كويز شوف نفسك ايمو ولا لأ بالانجلش عملته على اساس ايمو اللي هو انا قالولي انت جود ايمو بوي فكرت انهم يقصدو حد اسمه ايمن
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله |
|
#4
27-01-2009, 06:38 PM
|
|||
|
|||
|
اقتباس:
طيب و ايه يعنى ما انتى ايمن بردو بت انتى بتفتحى الموقع الفشل بتاع الفيس توك دة ليه؟
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#5
27-01-2009, 07:04 PM
|
||||||||||||||||||
|
||||||||||||||||||
كلامك جميل ورايك كمان كويس
لكن انا هعلق على نقط بسيطة من موضوعك ويارب يعجبك تعليقي اقتباس:
مش مشكلة المهم انك نجحتي وعلى فكرة مش لازم علشان نتكلم في موضوع عام ان احنا نكون درسناه اقتباس:
ليه انتي قلتي كده هو المراهقين كلهم مجانين ولا ايه !!!!!  اقتباس:
اقتباس:
على فكرة في مش لازم الحالات دي بس واحيانا مراهقين مش بيكون عندهم ولا حالة من دول وفيه مراهقين بيكون عندهم كل الحالات وده حسب الظروف اللي بيعشها المراهق نفسه والبيئة اللي حوليه اسرته وبيته وصحابه ومدرسته ونظام تعليمه وحاجات كتيير كده يعني اقتباس:
اقتباس:
اسف  انا مراهق وبعترض على الحتة دي اعتراض شامل طبعا فيه حاجة اسمها مراهقه وفي صفات مشتركة بين المراهقين بحكم سنهم ومرحلتهم العمرية وانا مش هخوض كتيير في الصفات دي بسي طبعا انتي ذكرتي بعضهم فوق وفي صفات تانية اقتباس:
اقتباس:
معتقدش ان كل المراهقين كده صدقيني مش لازم يكون كلهم عندهم الصفة دي ومش لازم يعترض على الحياة كلها ولا جزء منها اقتباس:
اقتباس:
يعني ايه تتلاشى التربية وضحي لو سمحتي اقتباس:
اسف اعتراض كمان معظم المرهقين بيتصرفوا زي ابوهم وامهم بل انهم بيقلدوهم تقليد كامل لانهم بيعتبروهم نموذج يمشوا على طريقته اقتباس:
كلام جميل من النقطة دي هرجعك للجزء بتاع الصفات المشتركة اذا كان كل مراهق بيعمل زي صاحبه يبقى نقدر نجمع بينهم صفات مشتركة كتييير ولا لا اديني عقلك اسف رايك اقتباس:
اقتباس:
لا طبعا مش كده بالعكس بيكون فكر المراهق ناضج وبيتقبل الحوار مع الغير وبيناقشه في وجهة نظره وممكن يقتنع او لا بسي في الاخر نقدر نقول انه بيتناقش مش بيرفض تفكير الغير على طول اقتباس:
اقتباس:
صح فعلا بسي مش في كل الحالات بيفشل الابوين وبينجح الاصدقاء احيانا بيكون العكس اقتباس:
اقتباس:
النقطة دي كلها بدون اي تعليق مني انا متفق معاكي في رايك هما مجموعة مراهقين فشلوا انهم يواجهوا المجتمع فحاولوا انهم يكونو مميزين لكن انا باعتقداي انهم شوية متخلفين صح ولا غلط ؟؟؟؟ لكن باقي ان اقول ان الايمو ظاهرة غريبة فعلا بالنسبة لدول الشرق تقلييييييييييييييد اعمى للغرب لكن بالنسبة لدول الغرب فهم زهقوا من حياتهم لانهم حققوا كل شئ وخدوا كل شئ كل اللي عايزينه عملوه لان مفيش عندهم اي وجود لكلمة ممنووووووووووووع اذا مش بقى فيه جديد في حياتهم فقرروا انهم يكونو ظاهرة الايمو الغريبة دي ده رايي وده تعليقي ولسة النقاش مفتوح
__________________
يارب ثبت قلبي على دينك وتب عليا .... وارحمني .... فمن الراحم غيرك ؟ ومن التواب غيرك ؟ فها انذا عدت إليك بعد أن كنت ضالا ً ضائعا ً في هذه الدنيا ..فاقبلني ياربي .... يا عزيز ..... يا حكيم آخر تعديل بواسطة dr.aaa ، 27-01-2009 الساعة 07:07 PM |
|
#7
27-01-2009, 07:29 PM
|
||||
|
||||
|
كلامك جمبل وعندك حق فية
صحيح المراهق لا يتقبل راى الاكبر منة سواء كان ابوة او عمة وبيعتبر انة تفكيرة صح لكن لما يكبر يتفاجأ انى كلام الاكبر من كان هوا الصح وصحيح كمان انى الاصدقاء فى سن المراهقة بيكون زمايلهم ليهم تأثير جامد عليهم شكرا موضوع جميل بس عاوزين نتكلم فية بشكل اكبر من كدة بس موش دلوقتى شوية لقدام كدة شكرا جزيلا .................................................. ............................. تقبلى مرورى هيثم مشرف قسم الشاب المسلم
__________________
 |
|
#8
27-01-2009, 08:07 PM
|
||||
|
||||
|
وحياة ايمو مافهمت حاجة . بس انا كنت فاكر ايمو . هو اللى سرق التوك توك بتاع ام قويق مع حمبوذو لاوى بوذو هههه. لا باهذر والله ده موضوع حلو جدا وبيتكلم فعلا على صفات موجودة فينا احنا يامراهقين .
|
|
#9
27-01-2009, 08:12 PM
|
||||
|
||||
|
المراهقة مرحلة بتمر فى حياة أى انسان شاب أو بنت ودى المفروض حاجة عادية جدا ولو محصلتش الانسان بيحصله انتكاسات صعبة أوى بعد كده
بس المشكلة بتكون فى المجتمع الرافض لفكرة المراهقة أصلا وبيتعبرها جريمة لازم تقاوم والله فيه ناس كمان بتتعتبرها قلة أدب أكمل الموضوع وأرجع تانى بس أكيد هيكون موضوع جميل
__________________
يا رب
|
|
#10
27-01-2009, 08:46 PM
|
|||||
|
|||||
|
ههههههه
اكيد انتى عاملة الموضوع ده عشان انتى لسة نونو و طبعا عايزة تثبتى انك عاقلة اقتباس:
اقتباس:
اللى هى تبدا من 12 او 13 سنة لحد 20 سنة و مش شرط يكون المراهق(ة) غلط فى تفكيره و مجنون و تصرفاته غلط متهيالى ده العكس ان دى بداية النضوج يعنى المراهقة مش تصرفات طايشة و بس اقتباس:
مش عارفة انتى عديتى من الثانوية ازاى  اقتباس:
و احيانا التفكير بيبقى متشابه و اكبر دليل انك تحسى انك تقدرى تتفاهمى مع اللى فى سنك و بيبقى منهم معظم اصحابك عشان الحاجات المشتركة كتير اقتباس:
و مش عندها اعترض دايما و لو فيه اعتراض بيبقى فى وجهات النظر و ده مش فى المراهقة بس ده عند الناس كلها يعنى اى حد ممكن يعترض على اى حاجة خصوصا ان مفيش حد مش عنده مشاكل و لزم المشاكل دى تؤدى للاعتراض خصوصا برده ان فى مرحلة المراهقة اول مرة يبقى الانسان بيقابل مشاكل صعبة و اوقات يحس انه عاجز ------------------------------------ باقى الكلام بقى انا متفقة معاكى فيه بس يا بت يا ايمى انتى رغاية كدا ليه اتهدى شوية  بس الموضوع جميل بجد ثانكس ايمى
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#12
27-01-2009, 11:18 PM
|
||||
|
||||
|
إيه يابنتى الموضوع اللى الواحد مبقاش عارف له رأس من رجلين ولا عارف يركز على نقطه معينه نتكلم فيها . أنا حاسس إننا فى صراع بين الأجيال مش تعريف للمرهقه . عمتاً أنا من وجهة نظرى إن مفيش شخص مش بيمر بفتره المراهقه مهما كان بس فيه شخص بيتغلب عليها بسرعه وفيه شخص بيفضل عايش فيها طول عمره . اللى بيفرق بين شخص وشخص التربيه والنشأه السليمه منذ الطفوله . أما من حيث طريقه التربيه اللى تناولتيها فى الموضوع إعمل كذا ليه إعمل وخلاص فأنا أتفق معاكى إنها خطأ إتفاق كلى. لأن الإنسان بطبعته الممنوع مرغوب طب ده الممنوع بسبب بالك بقه الممنوع من غير سبب عشان كده بقول إن أفضل طريقه للتربيه هى طريقه الإقناع . بجد الموضوع جميل ومحتاج كلام كتير فبإذن الله ليا عوده مره أخرى
__________________
 Always remember two things Don’t' take any decision when you are Angry Don’t' make any promises when you are Happy |
|
#14
28-01-2009, 03:15 AM
|
||||
|
||||
|
انا قريت موضوعك كله لحد ما قبل حكاية الايمو ده
ايمو لبس وايمو شخصية ملناش دعوة بالكلام ده  وموضوعك جميل جداً وانا متفق معاكي فيه لدرجة كبيرة تأثير البيت فعلاً بيضعف على الشخص في المرحلة وبتكون ثقافة الشخص وقتها تعتمد على اصحابه وزي ما قلتي الحاجات اللى الواحد مش مقتنع بيها بينفذها فمثلاً موضوع السجاير كان منتشر الفترة الفائتة اكثر من الآن يعني لو حسبتي كام واحد من العيلة من الكبار بيدخن حتلاقيه اكتر من الشباب دلوقتي لأنه دلوقتي بقى في وعي وفاهمين ليه ده غلط وتأثيره عالصحة ايه لكن الكبار كانوا بيقلدوا زمان وخلاص ولو سالتي حد فيهم حيقولك صاحبي عرض عليا سيجارة وحبيت واجرب يعني برده تأثير الاصحاب بس فترة المراهقة كل الناس بتمر بيها وليس لها سن محدد بدليل سمعتوا عن المراهقة المتأخرة بتكون لرجالة كبار ولكن اسمها مراهقة برده وفي المراهقة بيحب الشخص إنه يفرض وجوده ويفرض رأيه وبالتالي يحب الاعتراض على كل الكلام اللى بيتقاله وأحييكي على الموضوع |
|
#15
28-01-2009, 06:28 AM
|
||||
|
||||
|
اقتباس:
لا ماهو قالي جود ايمو بوي يبقى يقصد ايمن الولد مش انا ماله الفيس توك هي عشان الست بتاعت كوغومبو عاوزة عغيس من عليه يبقى فشل على فكرة فكرتكم عن الفيس بوك غلط جهلة بعيد عني هحاول اعمل توبيك عنه
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:51 PM.
