|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-07-2010, 09:57 PM
|
|||
|
|||
لحد امتى !!!!!!!!!
السلام عليكم و رحمة الله وبركاته .. لقطة رقم 1 .. الام : مبرووك يابني مجموع يرفع الراس .. الابن : الله يبارك فيك يا ماما الام : ان شاء الله طب يا دكتوور الابن : طب؟!!!!! لاء يا ماما انا مش بحبه و مش عاوز ادخله الام : ايه ؟؟؟؟؟؟ يعني ايه مش حابه ,,, تنادي على جوزها الحقني ابنك هيجنني الاب : مالك يابني مزعل امك ليه ؟ الابن : بتقول اني ادخل طب و انا مش عاوزه الاب : وليه يا بني امك معها حق مجموعك عالي و خسارة يروح كدة و بعد سلسلة من الزن و الالحاح واااااافق الابن و ليته ما وافق !!! اللقطة بعد سبع تمن سنين .. الابن بقى دكتووور بس !! دكتور الواحد يدخل عندو سليم يطلع بكل امراض الدنيا !!! لقطة رقم 2 الام : شوفت ابن جيرنا جاب مجموع ازاي و دخل طب مش انت .. الابن : و ماله انا ؟؟ ما انا الحمدلله دخلت الكلية ال بحبها .. الام: تربية !! و ليه ما فلحتش وبقيت دكتوور زي ابن الجيران هو انت ناقصك ايه .؟؟ الابن : مش ناقصني حاجة الحمدلله .. وانا مبسوط بكليتي لاني بحبها .. الحال بعد اربع سنين .. الابن اصبح استاذ ناااجح جدا .. بيخرج طلبة من افضل الطلبة فمصر بقوا دكاترة و مهندسين بجد مش زي صاحبنا ال فوق !!! ادخل بقى فموضوعي من خلال اللقطتين اللتان تتكرران كثييييرا و بسناريوهات عديدة في كل بيت كل سنة تقريبا بعد الانتهاء من كابوس الثانوية العامة ... هنلاحظ اننا لسة عندنا كليات قمة !!! و كليات قااع !! ومش عارفة على اي اساس تم وضع المعايير ديه .. المهم ان معظمنا اذا لم يكن الكل لسة عندو الفكر ده .. عاوز ابنك ايه ؟؟ دكتووووووور من غير تفكير طيب وابنك المسكين قدراته ايه ؟! هو بيحب ايه ؟! مواهبه ايه ؟! ده كله مش مهم .. المهم الابن يطلع دكتور كل ما حد يشوفه يقولو ازيك يا دكتور او يا باشمهندس او... الخ . يعني من الاخر منظرة بس للاسف .. عشان كدة لو نيجي نلقي نظرة على مجتمعنا نجده من افشل المجتمعات و اكثرها تخلف .. ليه ؟!! الاجابة بكل بساطة .. اننا مش بنحط الشخص المناسب في المكان المناسب اننا بنهتم بالمناظر و نترك البواطن .. و سبحان الله لو كل واحد بقى دكتور و مهندس و صيدلي و....... يبقى مين هيدرس فالمدرسة .. مش الاستاذ ال متخرج من تربية هو ال خلا الدكتور دكتور بعد ربنا !! مش س وص و ع .... هما ال ساعدوه و وصلوه !! يعني الكل في تعاون مستمر مش ينفع كل واحد يبقى وحده .. فليه الفكر الضيق ده !! انا بستغرب جدا من الناس ديه و كم من المواقف سمعت عنها و قرأتها و كم تعجبت و من المواقف موقف قريب حدث لي شخصيا لاني طالبة مقبلة على الجامعة هذه السنة بإذن الله .. و كان مجموعي يجيب طب و الكل عاوزني طب طب طب وانا راسي صيدلة صيدلة وكم من التعليقات اصابتني بالذهول في المنتدى و مِن مَن حولي من اهلي الكل بيقولي اخرتها ايه ؟؟ هتقفي تبيعي دوا فالصيدلية زي البياعين !!  بقى الصيدلي بقى بياع !! شفتو الافترا  و انا بحب اقلهم اتخيلوا كدة مافيش ولا صيدلي ماهو ماحدش يرضى يبقى بياع !! لما تكشف و عاوز الدوا هتجيبه منين ؟؟!! يعني العلاقة متكاملة .. فلازم نظرتنا توسع .. لازم فكرنا يرقى ماينفعش اقول ده مش مهم !! لانه لو ما كنش مهم يبقى هما عملوا الكلية ليه طيب ؟؟!! اكتشف نفسك اعرف انت بتحب ايه ,, مواهبك ايه ,, طموحاتك خليها تحت سقف قدراتك عشان مش يصيبك الاحباط .. سيبك من كلام الناس ال لا بيودي و لا بيجيب اثبت نفسك فمجالك مهما كان .. خليك شعلة متقدة من الابداع و لو انا عملت كدة و انت و هي و هو و هما اكييييييد اننا هنرقى هنتقدم هنعمل حاجة و بلاش العقول الخاوية ال بنطلعها و الاسم دكتور او مهندس او ....... بلاش نقتل الابداع عشان مظهر لا بيودي و لا بيجيب فانا من هنا بوجه دعوة لكل اب وام لكل مدرس بيساهم في تشكيل عقول اطفلنا قبل شبابنا دور و فتش عن قدرات ابنك او بنتك مش مهم هو يبقى ايه المهم هو هيعمل ايه فالمجال ال هيدخله .. و اسفة على الاطالة ,, و اترك لكم الكلمة .. الموضوع من بنات افكاري
|
|
#2
25-07-2010, 11:47 PM
|
||||
|
||||
بسم الله ما شاء الله عليك
موضوع فعلا حقيقى أصبحت عندنا عقدة كليات القمة زى عقدة الخواجة فاكرين المشهد فى فيلم ثلاثية نجيب محفوظ فهمى عاوز يدخل مدرسة المعلمين وسى السيد عاوزه يدخل مدرسة الحقوق (كانت كلية القمة ساعتها) عاوز يدخل حقوق عشان يفخر به مش عشان هو بيحب إيه ؟ يا ريت كا اب وكل أم وكل طالب يفكروا ممكن أنجح وأكون متميز فى إيه ؟ مش للتباهى لا للفائدة أكرر شكرى يا نقاء الروح وألف مبروك على صيدلة أنا قلت لك من الأول صيدلة أحسن صح ؟ بارك الله فيك وجعلك قرة عين لوالديك اللهم أمين
__________________
 |
|
#3
26-07-2010, 08:56 AM
|
|||
|
|||
|
اقتباس:
فعلا والله يا أ/ ام شاهندة اصبحت عندنا عقدة .. ربنا يعينا عليها .. و لو زي ما حضرتك قولتي كل واحد دخل ال بيحبه عشان الفائدة مش التباهي كان حالنا اتغير .. العفوو .. والله يبارك فحضرتك .. فعلا اقنعتوني بصيدلة و الحمدلله دخلتها لاني بحبها اميين يارب .. و بارك الله لك في شاهندة و جعلها فخر لك ان شاء الله .. اشكرك استاذتي الفاضلة على المرور الذي اسعدني كثيرا .. |
|
#4
26-07-2010, 11:19 AM
|
||||
|
||||
|
فعلا هو موضوع مهم جدا
والاباء هم السبب لانهم مش بيدورا علي الكلية اللي ابنهم يرتاح فيها بس هم بيدورا علي الكلية اللي يبقوا فخورين بيها  
__________________
 اللهم صلي علي نبينا محمد وعلي آله وصحبه وسلم  |
|
#5
26-07-2010, 09:03 PM
|
|||
|
|||
|
اقتباس:
بالفعل موضوع منتشر بكثرة في الاونة الاخيرة ..
الكل ينظر للكلية على انها منظر بغض النظر عن الطالب الذي سيدخلها هل مؤهل ام لا .. وكما ذكرت فالموضوع اوجه دعوة لكل ام واب .. اشكرك على مرورك العطر ,,, |
|
#6
26-07-2010, 09:06 PM
|
||||
|
||||
|
موضوع ممتــاز و واقعى جداا... ربنا يصلح حالنا ويحفظنا
__________________
C L O S E D
|
|
#7
26-07-2010, 09:14 PM
|
|||
|
|||
|
موضوع رائع
بس مش كل الاباء والامهات بيفكروا بالشكل ده وخاصة الايام دى لأن الكل بلاعمل جزاك الله خيرا
__________________
الحمد لله |
|
#8
26-07-2010, 09:43 PM
|
|||
|
|||
|
اقتباس:
و بالفعل هو واقعي جدا .. ولابد لنا من وقفة لاصلاح الحال قبل فوات الاوان .. اميين يارب .. |
|
#9
26-07-2010, 09:46 PM
|
|||
|
|||
|
اقتباس:
امم ربما يكونون كذلك .. ولكن من خلال متابعتي اعتقد ان هذا الموضوع مازال راسخ و بشدة .. لان الكل يبحث عن الوجاهة و المكانة الاجتماعية .. بغض النظر عن العمل ,, واياكم .. اشكر حضرتك على مرورك الطيب .. اسعدني كثيرا .. |
|
#10
30-07-2010, 04:59 PM
|
||||
|
||||
|
يعني نوعاً ما جيل الآباء الحالي هو اللى زرع فينا الفكر ده واصبحت الوظيفة الوحيدة المستحبة في الصغر هي الطب
صحيح كل أب نفسه يشوف ابنه في كلية كبيرة بس التقسيم بتاعنا ده اتعمل على اساس المجموع يعني مثلاً كلية علوم لا هي اسهل من طب ولا هي اسهل من هندسة ومع ذلك الطلب عليها والمجموع هو اللى خلى تصنيفها اللى احنا عملناه لا يتبع كليات القمة وكتير اوي من الابناء اللى يابختهم وعندهم أباء متفهمين لأي نوع الكلية اللى حيختاروها ومع ذلك مفيش في بالهم غير إنه يدخل كلية قمة وبيقولها بنفس الاسلوب بس انا حتى أحول رياضة وادخل هندسة وابقى دخلت كلية قمة وخلاص وآخرة السيناريو ياريت حيطلع حتى من الكلية ويبقى اسمه مهندس فاشل ده مش حيقدر يكمل في الكلية اصلاً وحيطلعوه منها !! على الأقل لو فضلو بعض الآباء غير متفهمين في النقطة دي احنا نكون على قدر من التفهم فيما بعد مع أبنائنا بإذن الله
__________________
It was over 3 years since my last visit  |
|
#11
30-07-2010, 07:25 PM
|
||||
|
||||
|
ده موجود وصح طبعا ياريت يتغير ......................
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#12
31-07-2010, 11:48 PM
|
|||
|
|||
|
اقتباس:
اشكرك اخي الكريم على المرور العطر ..
اسعدني جدا مرور حضرتك على موضوعي .. |
|
#13
31-07-2010, 11:49 PM
|
|||
|
|||
|
اقتباس:
نتمنى ذلك قريبا ..
اشكرك على مرورك العطر .. |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:12 AM.
