|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
08-02-2010, 04:07 PM
|
|||
|
|||
استفسار هام حول سكن و مواصلات و اكل وشرب طلاب اكاديمية الشروق
بسم الله الرحمن الرحيم وبه نستعين والصلاة والصلام على سيدنا محمد اشرف الخلق اجمعين اما بعد فا فى البداية احب اشكر حضراتكم على هذا القسم المفيد جدا والمتميز جدا فقد قرأت موضوعات هامة واستفدت كثيرا ولكن ليا كده كام سؤال بعد ازنكم انا مش من القاهرة انا من المحلة فياريت لو تقولوا لى اوصل ازاى للاكاديمية بالمواصلات ؟ هو السكن الجامعى اللى تبع الاكاديمية دا بيكون موجود فى مدينة الشروق ولا فى الحرم الجامعى ولا فين ؟؟ انا قريت فى الموقع انه يوجد غرف فرديه هل الغرف الفردية موجودة فى شقة لوحدها ولا انا اخد غرفه فردية و واحد زميلى غرفه فرديه تانيه فى نفس الشقة ولا ايه النظام ؟ وهل قبل ما اسكن سكن جامعى مسموح لى بانى اشوف الغرفة اللى هسكن فيها ؟؟؟ هل مصاريف السكن الجامعى يشمل الاكل والشرب وهل فى وجبات معينه ؟؟؟ ما هى الاجهزة الكهربائية الموجودة فى السكن الجامعى ؟؟؟؟ مثلا الغسالة والسخان والتلاجه وكده ؟ بالنسبة للناس اللى مأجرين شقق مفروشة هل فى مواصلات من مدينة الشروق الى اكاديمية الشروق وهل هى مكلفه وبكام ؟؟ هل الشقق المفروشة دى موجود فيها تلاجة وغسالة ومطبخ وبوتوجاز وسخان وكلام من ده ؟؟؟ بالنسبة للمطاعم الموجوده فى مدينة الشروق هل هى مطاعم فول وطعميه ولا مطاعم ايه ؟؟ ياريت تكون الاجابة بإطالة وليس بايجاز الله يكرمكم معلشى انا عارف انى بسأل اسئلة غريبه بس عارف النظام بس وشكرا لكم
|
|
#3
01-08-2010, 02:26 AM
|
|||
|
|||
|
اولا مبروك ليك الاكاديمية ثانيا المواصلات من المحلة تركب القاهرة وتنزل الدائرى وبعدين تركب السلام وتركب موقف العاشر ومنه تركب للاكديمية بس تركب الشروق درة ثانيا المدينة مقرفة من حيث الخروج والدخول والنوم وكده ممكن تاخد شقة مفروشة بتتراوح اسعارها من 900 الى 1000 جنية وفيها كل حاجة وحسب مت تختار ثالثا المواصلات من الشروق للاكاديمية سهلة جدا وبتكون غير مكلفة حوالى 75 قرش بس خد بالك الشروق صعبة لو مش هتذاكر وتحضر يعنى حاول تنتظم وربنا يوفقك
|
|
#4
02-08-2010, 07:22 PM
|
|||
|
|||
|
بسم الله الرحمن الرحيم
انا كنت عايز اوضح لك بس الاخ a_salah وضح كل حاجة تمام ربنا يكرمة ونصحية منى بلاش مدينة قرف ومش فيها حاجة ولا اكل ولا حاجة هما بس بيغسلولك هدومك ودى ملهاش لزمة محدش مننا بيغشل لاننا كلنا بننزل كل اسبوع واعتقد انها سهلة جدا انك تاخد معاك لبس يكفيك اسبوع وكمان المدينة غاالية حوالى 3000 للفردى طبعا دة غير الباص اللى بيوديك الاكاديمية ويجيبك انما لو اخدت شقة مع حد من صحابك كل الشقق بيكون فيها 4 بحوالى 800 نا مأجرها السنة اللى فاتت ب 800 وفيها كل حاجة غسالة وتلاجة وبوتوجاز ودش كمان وسخان اكيد وبالنسبة للمواصلات بتاخد مواصلة حوالى 10 دقايق او اقل ب 75 قرش بس كدة دة كل شئ واى استفسار تانى انا تحت امر حضرتك ويارب اكون قدرت اساعدك |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:08 PM.
