رسالة للأخوة اللى دخلوا امتحان it برجاء المساعدة

[احمد 720]

انا عندى امتحان it بعد كام يوم وقلقان جدا لان بصراحة الاسئلة كتيرة جدا وانا مستواى فى الانجليزى وخاصة المصطاحات مش كويس قوى .

ممكن حد يقولى حل حل لهذة المشكلة والطريقة الامثل لمذاكرة it .

[osama ismael]

امتحنو بالغة العربية

[السيد البدوى]

المشاركة الأصلية كتبت بواسطة احمد 720

انا عندى امتحان it بعد كام يوم وقلقان جدا لان بصراحة الاسئلة كتيرة جدا وانا مستواى فى الانجليزى وخاصة المصطاحات مش كويس قوى .

ممكن حد يقولى حل حل لهذة المشكلة والطريقة الامثل لمذاكرة it .

أنا أنتهيت من امتحانات ال ICDL فى نهاية شهر 7 /2010 وكان أخر امتحان هو it انجلش
و كنت بمتحن كل أسبوع مادتين ماعد IT تركته لنهاية الإمتحان بمفرده و أخدت أكتر من شهر فى تحصيله
حتى و أنا بمتحن باقى المديولات و بدأ الإمتحان سهل و من أسئلة الأساتذة هنا تقريباً 95%
وحدث إنقطاع للتيار الكهربى أثناءالإمتحان و صمم مندوب الوزارة على إعادته نفس اليوم وفعلاً تم ذلك و فوجئت بأسئلة جديدة حوالى 8 أسئلة تقريبا لم أجدها فى أى منتدىيعنى أمتحان اصعب من الأول ساعدتنى الترجمة على معرفة الإجابة بصعوبة شديدة
لذلك أنصحك بدخول هذا المديول بالذات عربى إن لم لديك الحد المعقول من مفردات اللغة الإنجليزية
هذا رابط جديد وجيد لمدرب ICDl فى مديول IT مرفوع هنا على المنتدى

http://www.thanwya.com/vb/showthread.php?t=235158

[موني2020]

الاختبار سهل جدا انا ذاكرته في اقل من اسبوع انت مش لازم تذاكر السؤال كله والاجابة كلها علم السؤال والاجابة بكلمة او كلمتين بس وهتلاقي الامتحان سهل ان شاء الله
انا الحمد لله جبت فيه 100

[mostafa1016]

اخى الغالى حوالى 5 % من الأسئلة اليوم غير موجودة بهذا المنتدى رغم عظم المنتدى وخلى بالك ممكن رأس السؤال تكون رأيته قبل كده لكن الاختيارات مختلفة عن الموجودة هنا لأنه يتلاعب باللغة ونظرا لأننا لسنا من أهل اللغة الانجليزية فالترجمة بتكون صعبة شوية واليك النصائح التالية
1 - جمد قلبك
2- ممكن تدخل عربى لو انت مش قوى فى الانجليزى ( يعنى الموضوع سهل مش صعب )
3- الموضوع سهل ومش محتاج رهبة وما تشغلش نفسك من المجموعات اللى بتدخل قبلك ويطلع يهول لك الموقف لأن كل ده بيشتت افكارك
4- نام كويس لا تتسرع لأنى تسرعت اليوم وخرجت بعد 15 دقيقة وجبت 89 % لأنه فى اول 5 دقائق الكهرباء قطعت لكن جهاز تخزين الطاقة جعل الكمبيوترات شغالة ورجعت الكهرباء بعد دقيقة تقريبا وده كان السبب فى تسرعى والحمد لله النجاح من 75 % والناس مفكرة نفسها هتدخل تنسيق ثانوية عامة على فكرة انا جبت 94% ويندوز 97%باوربوينت و97%ورد 100%اكسل وخبت شوية فى الأى تى 89% والحمد لله
5 - ركز فى المذاكرة وياريت لو معاك مذكرة تذاكر منها لأن الكهرباء لم تمكنى من المذاكرة كويس
6 - عندك اعمال المنتدى من الأساتذة وكلهم فوق رؤوسنا على سبيل المثال الأستاذ تامر الحسينى والأستاذ احمد الشافعى والأستاذ احمد غنيم وخد الأسئلة اللى مش متكررة يعنى هتلاقى اسئلة عند واحد ومش عند واحد تانى
7- يوجد حوالى من 7 الى 10 اسئلة اجاباتهم مختلفة من واحد للثانى وحاول تسأل عن الاجابات الصحيحة لكن بالفرض لو انت عرفت نصفهم يبقى انت تمام
عدم التسرع عدم التسرع

[mostafa1016]

نسيت حاجة مهمة الشكر وجزيل الشكر شوية على كل الأساتذة احمد الشافعى /توفيق عزت / وائل محروس / احمد غنيم / تامر الحسينى / وليد عوض / اضافات امل اليكس وكل الأخوة متأسف على الأخوة اللى لم تسعفنى الذاكرة فى ذكرهم
جزاكم الله كل خير وكل عام وانتم بخير ودمتم فى عون اخوانكم فى المنتدى

[مرفت77]

شكراعلى النصائح

[mostafa1016]

الأخت ميرفت شكر لمين على النصائح ؟؟؟؟؟؟؟؟؟