والله حرام و عيب عليكم يا معلمين يا مساعدين

[عمرو المهدى]

والله إحنا نستاهل اللى بيجرالنا ده
علشان أنا النهارده أروح الوزاره وقال ايه أنا توقعت إنى هلاقى وقفه إحتجاجيه تسد عين الشمس
ومش هعرف أخرج من محطه المترو خالص
أقوم ألاقى المكان فاضى خاااااااالص ومفيش غير أمن البوابه بتاعت الوزاره
وقال أروح وأتعب نفسى أنا والأستاذ أحمد ناجى على سميع ونعمل لوحات فيها شعارات الوقفه
وفى النهايه رجعنا بخفى حنين
تيتى تيتى زى ما روحتى زى ما جيتى
والله إحنا حلال اللى بيحصل فينا ده ومنستاهلش التثبيت
ده إحنا حتى مش عارفين نجمع بعض على كلمه وميعاد واحد
وعلى فكره يا جماعه بسبب التصرفات دى وميعاد الوقفه اللى طلع فشينك المنتدى بيفقد مصداقيته
وكمان الأخبار الفشينك اللى بتتكتب على المنتدى
ويجعله عامر بحسكم إن شاء الله