سؤال هام خاص بالتقويم

[سارة محمود سليمان]

طيب سؤال عند تطبيق النظام الجديد للتقويم
لو ان الفصل 40 طالب مثلا واختار كل خمس او سبع طلاب ماده مختلفة ففي حصة اللغة العربية مثلا يكون أمامي كمعلم سبع طلاب مختارين للمادة و33 طالب مختارين مواد اخري طبعا عادي
طيب وانا بعمل مهمة للطلاب السبعه . ما موقف الطلاب الباقين الـ 33 ؟؟؟؟؟ هل ياطلعوا بره لحد ما نخلصوا ولا يتسلوا باللعب في الفصل ولا يتعاركوا ولا إيه؟ ولا انا فاهم غلط ولا مش فاهم أصلا ؟

[شريف منير]

معك حق .. الأمر لم يتضح بعد ! !

[mr_asute]

الأمور غير واضحة حتي الآن !!!!!

[myral]

اعتقد انه فى المدارس هيتم توزيع الطلاب فى الفصول على حسب اختياراتهم وليس توزيع ابجدى

وممكن ادراه المدرسه تنظم عمليه الاختيار
يعنى مثلا
لغه عربيه مع علوم
واختيار اخر لغه انجليزيه مع دراسات
وهكذا
وعلى الطالب الاختيار
دا بالنسبه للمدارس الكبيره ولكن المشكله فى المدارس الصغيره
هيحصل فيها ايه؟؟؟

[medo matrex]

نحن بلد تجارب
لماذا لا ندرس أولا ونحدد نسب الفشل ونسب النجاح
نحن فى إدارتنا فى العام الماضي وفى الترم الثاني تم تعديل ملف الانجاز ثلاث مرات
بناء على تعليمات لجان الوزارة
حتى احتار المعلمون والتلاميذ فى فهم ملف الانجاز
لماذا لا يتم معايير ثابتة لملف الانجاز وتوزع على جميع الإدارات

[monna2001]

يعني هو المفروض ان الوزارة تديكم قرار و اضح و صريح كده مره واحده
طيب ننشغل بأيه لو القرار سليم لازم يحيرونا الاول لغايه ما تخلص الفترة دي واحنا كلنا بنسأل لحد ما تبدأ الدراسه ويدونا بقي القرار الذي لا يجوز معه النقاش لضيق الوقت وعجبي علينا

[mr.g*m*l]

اعتقد ان مصير الطلاب اللى مش مختاره الماده للتقويم هو نفس الطلاب اللى مختاره الماده
لكن الفرق ان اللى اختار الماده يحاسب عليها لكن اللى مخترهاش لايحاسب عليها والله اعلم