الحلقة الرابعه من برنامج فى بيت سمر سعد مع النجم"وجدان حنفى"

[samar saad]

بسم الله الرحمن الرحيم
" السلام عليكم ورحمة الله وبركاته , اعزائى المشاهدين انا بجد بعتذر جدا عن الاعتذار اللى قدمته امس بس انا بجد نظرا لحبكم وتقديركم للبرنامج كان لازم ققدر ده واعرض الحلقة فى معادها واجى على نفسى شوية طالما انا بحبكم فى الله و دومتم بالخير دائما , وزى ما انتم متعودين دايما كل يوم بستضيف نجم جديد فى بيتى , اللى بجد نور بيهم وبأبداعتهم , وانا بجد بشكر كل واحد ابدى اعجابه بالبرنامج لكم جزيل الشكر, اليوم معانا فنان سكن فى وجدان قلوبنا , المهذب المشاكس , الموهبة التى ينتظرها الجميع معايا ومعاكم الفنان الجميل والدكتور القادم بأذن الله , النجم"وجدان حنفى".................
انا:وجدان هتنورنى النهاردة وانا بشكرك جدا انك وافقت تكون ضيفى اليوم واتمنى يارب الحلقة تعجب الناس بس انا واثقة طالما انت معايا اليوم , لكن وجدان فاصل وهنروح لاول غرفة وربنا يستر..............
.................................................. .................................................. ................

الغرفة الاولى:-
" ورجعنا تانى مع النجم الجميل وجدان وهبدا معاك يا وجدان زى كل ضيف بيقعد هنا مكانك ...
- الاسم -السن - الوظيفة
- وجدان اولا الف مبروك انت انشأ الله داخل طب , بس سؤالى يا وجدان انت كان حلمك كده من صغرك ولا الموضوع مثلا وراثة ولا لما كبرت حسيت انك بتفضل المهنة دى؟!
-ايه رأيك فى الاطباء فى مصر , شايفين شغلهم بضمير ولا لا؟!
-وجدان انت نفسك انشأ الله تغير ايه فى مهنة الطب؟!
- وجدان انا على حد ماوصلى من مصادرى ان دراستك كانت ازهر , هل الازهر افضل وشايف انه افضل ولا مافيش فرق او العملية متعبه شوية , احكلنا اكيد الناس حبه تستفيد؟!
- وجدان من وجهة نظرك بقى كدكتور انشأ الله بلدك مصر محتاجه علاج فى ايه بالظبط؟!
" وجدان فاصل سريع وبعديها انت متهم داخل قفص الاتهام......."
.................................................. .................................................. ......
الغرفة التانية:-
" اعزائى المشاهدين ورجعتلكم تانى بعد الفاصل وجدان انا عارفة ان ضيوفى مش بيحبوا الغرفة دى نهائى واكتر مكان بيقلقهم لكن , بعد البحث المفصل عن وجدان حنفى داخل الوسط الفنى وجد انه متهم بالاتى:-
- وجدان مقصر جدا فى حق المنتدى فأعماله لا تتجاوز 7 اعمال فقط " ردك ايه"
- حتى علاقاته داخل الوسط محدوده جدا وفئات معينة التى يتحدث معها" ردك ايه"
- متهم بقلة نشاط وركود فى المستوى الفنى فأنت تشبه الفاكهة التى تتميز وتظهر فى موسم خاص بها فقط" وكلامى ده بناءا على شعبيتك الجامده وقت النتيجة والتنسيق ووقفت واقفة ابن بلد جمب الناس وفجأءة اختفاء بدرجة امتياز , ردك ايه يا وجدان؟!
- وجدان كل واحد فى الوسط هنا زي ما بيقولوا ليه لونه الخاص يعنى فى الكتابة فى الرسم فى الخواطر وهكذا انت بقى قدراتك الفنية ايه , لحد وقتنا هذا ماحدش عارف قدراتك ؟!
- قبل ظهور النتيجة بأيام وجدان يسبب ضجه وثورة على الوزراء فى مصر وعلى وزير التربية والتعليم وكنت ضده تماما وكل ده من مصادر موثوقة وبعد ظهور النتيجة ولما قلبك ارتاح كنت مع الوزير جدا وانا هوريك الكلام اللى قولته فى الصحف ايه:-

سايق عليكي النبي ياست الهانم ما تتكلمي في السياسة

ايوة ياختي انا مش عاوز الموضوع يتقفل

مين قينا مش معاارض؟؟

بس كل حاجة في مكانها

بعدين احنا صباعنا تحت ضرسهم

وان ليك حاجة عند الحكومة تقولها يا اييييه؟؟ " وبعد كده قولت " ياجماعه والله الوزير شايف شغله صح وربنا يديله القوة , ايه الرأى المتناقد ده فسرلى بقى؟!
- عايزاك تحكلنا عن احمد زيدان الطالب اللى انت كتبت عنه اللى اتهم بصفحة مدعى الالوهية على الفيس بوك؟!
" وجدان انت للاسف متهم وبقالك 3 سنين مقصر فى حق الوسط وانت بنفسك اعترفت بده لكن ده مايمنعش انك ليك شعبية جامده جدا فى الوسط والكل بيحبك جدا وانا ببقى سعيده بحضورك , وجدان فاصل اعلانى سريع......"
.................................................. .................................................. ...................................
الغرفة التالتة:-
" وجدان ورجعنا تانى بعد الفاصل السريع ده , وعايزاك بقى تتكلم بكل هدوء وصراحه وكل جرأءة لما وقعت معاك الموافقة قولتلك انا هتكلم فى نقطة محدده وانت وافقت يبقى انا ليا حق الرد اتفقنا............"
- وجدان انت للاسف مريت بأسرع تجربة عاطفية اعتقد ما استمرتش كتير , ندمت فعلا ولا اتعلمت بجد؟!
- فى يوم كنت فى مؤتمر صحفى وصحفية كانت بتناقش موضوع الزواج والحب الغير شرعى قبل الزواج مع احترامى للجميع انت قولت :-

انا خلاص نويت

وعرفت البيت عندي

وان شاء الله هنزور العروسة

وبالنسة لموضوع الفصل بين الحياة في الزواج والدراسة فدة شيء سهل جدا

مادام مفيش اولاد

- ليه ناس كتير هجمتك لانك اخترت واحده من الوسط , وهل انت فعلا كنت اقتنعت بكلامهم؟!
-وفى نفس الموضوع بردوه قولت انا ممكن اعيد تفكيرى , يعنى انت وقتها كنت واثق من شعورك بجد ولا كلام الناس اثر عليك؟!
- وجدان انا طبعا احترمت موقفك جدا سواء اثناء الموضوع او بعده وبان قد ايه انت انسان يقدر المرأءة ومخلص جدا , بس انت بتؤمن بحاجه اسمها صداقة بين المرأءة والرجل , وهناك بعض الرجال بقول بعض مش بوجه عام بينظروا للمرأءة دى نظرة اقل شوية عن اللى مش بتؤمن بالصداقة دى؟!
- مقولة بتقول " اذا كذب الرجل الف مرة فأن الف امرأءة سوف تصدقه واذا كذبت المرأءة مرة فلم تجد من يصدقها" من وجهة نظرك مين بارع اكتر فى الكذب الست ولا الراجل؟!
" وجدان انا بجد بشكرك على صراحتك معايا وكان لازم افتح الموضوع ده عشان ناس كتير تتعلم وماتقعش فى نفس الموضوع وكلنا استفدنا بجد لكن فاصل ووجدان مع او ضد انتظرونا............................"
.................................................. .................................................. .................................................. ....................................
الغرفة الرابعة:-
" ورجعنا تانى يا وجدان وانا عن نفسى بحب الغرفة دى جدا لانى بحب اسمع فيها رأى ضيوفى , فوجدان هل انت مع او ضد............."
- لنفرض ان العصمة اصبحت فى يد المرأءة
- الزواج من امرأءة اكثر كفاءة عمليا
- زواج الاقارب
- السياسة ونظام الحكم فى مصر
- ان المرأءة فلنفرض انها فى يوم من الايام هتتولا الحكم
- مع او ضد الزواج المبكر
- العمل من خلال الانترنت
"وجدان فاصل سريع وللاسف هنروح لاخر غرفة ابقوا معنا....................................."
.................................................. .................................................. .................................................. .......................
الغرفة الخامسة:-
" ورجعنا تانى مع النجم الجمييل , ابن البلد وجدان اللى بيشاكسنا دايما فى الوسط وكلام مابينى وبنكم كان بيبعلى انا والنجمة الشقية الجميلة سؤئة زبادى كل يوم قبل السحور وطبعا بالاشتراك مع النجم الجميل الامير محمد ههههههههههههههه بوجهلهم اجمل تحياتى, نكمل يا وجدان بقى وخلينا نتكلم شوية عن الوسط...."
- وجدان او لما بيقع فى مشكلة مين اول حد من الوسط بيجرى عليه يستشيرة وفى حياتك العاديه كمان ؟!
- 3 فى الوسط دايما مميزين وبتتمنى تكون فى المنافسة معاهم؟!
-وجدان توعد جمهورك بأيه فى الايام الجاية عشان كلمة مقصر دى تتشال عنك خالص؟!
- لو فى يوم من الايام حبيت تاخد مهنة الاشراف تختار اى قسم ؟!
- موهبة محدش واخد باله منها؟!
- ناس بيسعدوك جدا بتواجدهم فى الوسط وبتزعل اووووووووى بغيابهم وحد مفقود دايما فى الوسط؟!
- هل كان ليك مشاكل مع حد فى الوسط حد مثلا رفعت عليه قضية او هو رفع عليك ههههههههههه؟!
- كلمنى شوية عن علاقتك بأستاذة ام شاهنده انا عارفة انت بتعزها قد ايه وايه المساعدات اللى قدمتهالك وبوجهلها الف مليون تحيه لانها بجد فنانه نشيطة وموهوبة جدا ومعشوقة الجماهير؟!
- وجدان لاسف الحلقة انتهت عشان وقت البرنامج لكن هسألك زي كل ضيف بينورنى عجبك بيتى ولا لا وتقول ايه لقناة بوابة الثانوية العامة الراعى الرسمى لبرنامجى؟!
"وجدان بجد انت نورتنى اليوم فعلا وانت عارف انك من الناس اللى تواجدها بيسعدنا كلنا وبعتذر لو اسألتى كانت مستفزة شوية لكن انت عارف دى طبيعة البرنامج , انا بشكرك جدا"
" اعزائى المشاهدين لكم منى افضل تحية وبتمنى يارب البرنامج يكون عند حسن ظنكم وتكون الحلقة اليوم فى المستوى لانى بجد والله تعبانة جدا بس الحمد لله وانا كان لايمكن أتاخر عليكم وعلى حبكم وتقديركم لبرنامجى لكن ترقبوا الحلقة القادمه الاكثر جرأءة وجدلا كما تعودتم منى واكثر خطوطا حمراء فمعى ومعكم حصريا الفنان والاستاذ العزيز "مستر بلاك بلاك " وهو استاذ رضا عطية , فترقبوا حصريا واسأل الله لى ولكم العفو والعافية من كل داء, ودمت بخير دائما والسلام عليكم وحمة الله وبركاته واترككم فى رعاية الله....."