|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
29-06-2010, 06:54 PM
|
||||
|
||||
مصر على فين!!! دعوة للنقاش
السلام عليكم ورحمة الله وبركاتة ازيكم يا جماعة عاملين اية؟ يارب تكونو بخير دائما ان شاء الله كما اتعودنا دائما بدون مقدمات كتير ندخل فى الموضوع على طول جائت الاجازة وكل سنة وحضراتكم بخير ولكن للاسف هل الاجازة دى هتكون مختلفة عن كل سنة ولا لاء؟؟ يعنى الى خلانى اقثول الكلام دة هو ما يحصل فى مصر الان من اوضاع مهينة ودة الى خلانى اسئل نفسى اسئلة كتيرة من اهمها مصر على فين؟؟ ودة ان شاء الله هيكون موضوعنا اليوم والى هنتكلم عنة كلنا زى ما اتعودنا مع بعض مصر على فين؟ كلنا عارفين المشكلة المطروحة امامنا والى كل بالطبع عارفها ومتابعها قضية الشهيد خالد سعيد رحمة الله والاحداث المؤسفة الى حصلت انا بس عاوز اسئل سؤال" فى فى الدنيا كلها حكومة زى حكومة نظيف دى؟ يعنى الى متى سنظل فى هذا التعبد الى نحن فية الان ؟ وفين دور الحكومة من الامر دة" ولا حركة" الشعب هائج والبلد مولعة ودول حطين اديهم فى مية بردة مش عارف لية؟ كل دورهم انهم يبعتو الامن روح يا امن شوف الناس الى عاملين مظاهرات فى الحتة الفلانية اوعو صوتهم يعلى.. روح يا امن شوف الجماعة الى على الرصيف الفلانى شوفهم ؟ واحنا الحمد لله الامن بتاعنا اية فلة  طب يعنى بدل ما تقول للامن روح شوف المظاهرة،، لاء روح حل المظاهرة لية عاملين الحكاية دى؟ ومين السبب،، واحكم بالعدل مش تطلعلى تقرير متضارب فى كل شئ دة طب شرعى دة ولا روشتة دكتور يعنى اية الرجل دة مات علشان مخدرات ولما خد اية بقت اية ولما عمل اية بقا لية وهبا ولما وكان وحيثما .........الخ والراجل صورتة متشوة من كتر الضرب والتعذيب انت شغلك اية تطلعلى الاصبات الى عندك بالظبط وتوصف الحالة الى قدامك ولا تعملى مسلسل وفلم هندى ؟ خلاص يعنى الاستخفاف بعقول الناس بقت لدرجة دى ما علينا عشان مش اطول على حضراتكم الى عاوز اقولة ان فين الحكومة بتاعتنا؟ فين دورها فى حماية المواطن؟ فين السؤلين؟ المسؤلين الى المفروض حاجة زى دى تحصل يقولو لاء ويتدخلو فورا بدل ما الغريب يجى يتدخل زى ما حصل ادى حقوق الانسان الى نايمة والى مش ليها لازمة فى اى حاجة جاية تتنطط علينا اهية وتقول مش عارفة اية وافتح تقرير واعمل اية وسوىو مش عارفة اية؟ لامتى يا حكومة هتفضلى كدا ولامتى البلد دى هينصلح حالها؟؟ مش عارف والله فى النهاية هقول وهسئل برضة مصر على فين؟؟؟؟ نروح لنقطة تانية من القضايا برضة الى هى معروفة ومشهورة الايام دى قضية المحامين والقضاء انا بس عاوز اسئل سوال بردة؟ فين الحكومة من الى بيحصل ؟ فين الريس فى رئيس الوزراء؟ يعنى انا على قد معرفتى يعنى انا الى معرفش حاجة فى اى حاجة بقول تقريبا يعنى ان لو المشكلة متحلتش لازم حد من المسؤلين يتدخل واحد يقولى ياعم انت مسطول ولا اية؟  دة مجلس الشعب بحالة وجلالة قادرة فى الموضوع اصحى انت نايم ولا اية؟  اقلك اة والله صح عندك حق طب واذا كان مجلس الشعب بجلالة قادرة مهواش عارف يحلها وكمان مش فضيلنا الناس دى: الرجالة وراهم عرايك وطرب بالجزب وشتايم يعنى مش فضيلنا كتر خرهم والله هما هيقطعو نفسهم : فين مجلس الشعب من الموضوع ؟ اقلك انا.... مش عارف يحلها ومش قادر يحلها لية لان مجلس الشعب بتاعنا مش مجلس شعب لاء دة للاسف سوق خضار للمعلمين الى امثال عز وريس المعلمين سرور مش عاوزين نروح بعيد عن الموضوع دة لية موضوع لوحدة دة المهم فين مجلس الشعب من قضية القضاة والمحامين،، ولا شئ لانة مش عارف يحلها طب فين موقف السياسين الى فى البلد الى المفروض هما العقل المفكر للبلد للاسف كلام بس لكن فعل مفيش طب مين المفروض الى يحلها؟ اكيد لازم يتدخل حد من الكبار زى الريس المعلم مبارك مثلا ولا رئيس الوزراء الحج نظيف لازم يحلو المشكلة دى لان محدش عارف يحلهم خلاص الموضوع متعقد والناس عاملين مظاهرات وفى ضرب والموضوع كبر مش لازم ادخل واحلها بقا وبنفسى كمان دى بلدى يا جدعان مش استحمل عليها حاجة.... لكن للاسف نااااااائمين فى العسل نوم زى عوايدهم والريس يطلع انا مش متدخل فى الموضع الموضوع فى ايد مجلس سوق الخضار مليش داعوة هما احرار مع بعض يعنى بالفلاحى كدة اضربو دماغكم فى الحيطة وحلو عن دماغى ادى حكومتنا وادى ريسنا والبلد بلدنا والحكومة بتاعتنا والارض ارضنا وسمعنى احلا سلام مربع يا جدع فعلى فين يا مصر؟ فى طبعا مواضيع تانية مطروحة زى حوض النيل والى بيحصل والدول الافريقية على حوض النيل وهل خلاص كدة الجفاف والجوع والامراض هتيجى مصر وشريان الحياة هينقطع بالنسبة لينا؟ ادى الى واخدينو من حكومة مبارك ونظيف وعلى فين يا مصر؟؟ برضة نقطة اخيرة علشام مش اطول عليكو الى حصل فى موضوع مؤشر سيادة القانون دة والى للاسف مهواش غريب ومهواش جديد علينا ولا هو مفجاة والى حصلت مصر على درجة ٠.٣١ فى مجال خضوع الحكومة للمحاسبة بموجب القانون والى حصلت على ٠.١٧ درجة، وفى مؤشر الأمن والاستقرار، والى حصلت على درجة فى مؤشر مدى انفتاح الحكومة، و٠.٢٧ درجة فى مدى كفاءة القانون الجنائى، و٠.٥٠ فى مدى طلب المسؤولين الحكوميين للرشوة، كما حصلت على درجات أقل فى مجال خضوع الدولة للقانون الدولى، وتوافر حرية الرأى والتعبير. فبالله عليكم حد يجيبنى على هذا السؤال مصر على فين فى عهد الراجل دة؟؟ وفين الحل؟ وهل ممكن مصر ترجع زى الاول ولا خلاص علية العوض فى النهاية هقول لكى الله يا مصر ومحدش يقولى انت محمل العبئ والمسؤالية فى الحكومة بس فبالله عليكم على مين هحملها ؟ وهل المئاسى دى والخراب دة كلة مش السبب فية الحكومة؟ ولا الشعب؟ انا خلصت كلامى خلاص واسف لو كنت طولت عليكم ولكن الموضوع محزن جدا والى يسبب الاحباط ومش عارفين احنا رايحين على فين اكيد ليا كلام تانى ومواضيع تانية ولكن نكتفقى بهذا القدر بالاذن بقا السلام عليكم
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. آخر تعديل بواسطة صوت الامة ، 29-06-2010 الساعة 07:12 PM |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 10:49 PM.
