|
#1
04-09-2010, 08:06 PM
|
||||
|
||||
معلم مساعد
يوم الخميس اللي فات قلت أعمل فيها بطل و أروح الادارة أستفتسر عن تأخر قرار التعيين ، اللي حصل بأه :
أول واحد رحت له راجل جدع أوي ، و بأستبشر خير بوشه لأنه أول واحد بشرنا بالعقود اللي جاتلنا من سنتين ، اتقدمت خطوة و اتأخرت اتنين و قرأت المعوذتين في سري و كأنني داخل بيت أشباح المهم دخلت عليه المكتب و كان هذا الحوار : - السلام عليكم يا حاج / أحمد - و عليكم السلام اتفضل يا بني - و الله كنت جاي أسأل علي التعيينات . - تعيينات ايه ؟ و الله يا بني الكلمة دي ما سمعتهاش من زمن ، هوا لسه الحكومة بتعين حد دلوقت ؟ - يا حاج أحمد انت مش فاكرني و لا ايه ؟ أنا علاء المدرس المساعد - المساعد ربنا يا بني ابتدا شعور التحفز و الانقضاض يستعد داخلي و أنا أقول : - يا أستاذنا فيه ايه ؟ حد مزعلك و لا ايه ؟ - يا بني انت عايز ايه بالضبط ؟ - احنا دخلنا امتحان الكادر و نجحنا و مستنيين التثبيت ، و كنت جاي أسأل ما فيش جديد ؟ - في ايه بالضبط ؟ عندها فقدت أعصابي ، و صحت قائلا : - و بعدين يا أستاذنا ، حضرتك مش معايا خالص ، هما كلمتين و رد غطاهم ، في أخبار جديدة و لا لأ ؟ - ممكن تسأل فوق في الدور الثاني في قسم التعيينات - طاب ما تقول كدا من الصبح يا أستاذنا !! الظاهر انك ما اتسحرتش كويس امبارح ؟ - لا يا بني ، بس انت دخلت عليا و انا بعمل حسبة مصاريف العيد و المدارس للعيال .. اعذرني ؟ - و لا يهمك ، و ربنا معاك ، لكن مش الكادر سد شوية معاك ؟ - لا و الله يا بني ، حتي الكادر مش (كادر) يسد المصاريف الكتييييير دي و تركته متوجها للدور الثاني انتظروا الجزء الثاني
__________________
|
|
#3
04-09-2010, 09:03 PM
|
|||
|
|||
مشكور على مجهودك وذهابك للسؤال ربنا ييسر لنا جميعا ويارب يكون فى خبر كويس فى الجزء الثانى
|
|
#6
04-09-2010, 09:57 PM
|
||||
|
||||
|
على العموم بارك الله فيك و كل سنة و انت طيب
أنتظروا الجزء التانى على رمضان اللى جاى إن شاء الله .... على قناة المتعقدين بيشجعوا مصر ... أنت بتشجع مين ؟
__________________
|
|
#8
04-09-2010, 10:51 PM
|
||||
|
||||
|
هو ده مسلسل من اجزاء ياعم قول لنا الللى حصل ولا انت م فطرتش ومش قادر تقول اللى حصل فى الدور التانى منتظرين اجزاءك
__________________
من وصايا لقمان الحكيم يا بني جالس العلماء وزاحمهم بركبتيك ، فإن الله تبارك و تعالى ليحي القلوب بنور الحكمة كما يحي الأرض الميتة بوابل السماء .
|
|
#9
05-09-2010, 03:07 AM
|
|||
|
|||
|
اقتباس:
|
|
#10
05-09-2010, 03:19 AM
|
||||
|
||||
|
شرح جميل للموقف والنهاية ؟
__________________
|
|
#12
05-09-2010, 03:23 AM
|
|||
|
|||
|
ههههههههههههههههههههههههه
هو فيه حد بيسأل في إدارة تعليمة او حتي مديرية التربية والتعليم ده السؤال علي الاقل في الاكاديمية او الوزارة
|
|
#13
05-09-2010, 03:25 AM
|
|||
|
|||
|
انا شايفه ان الموضوع ده استخفاف بعقولنا لو فى خبر يتقال على طول مفيش يبقى نسكت بلاش كده
وربنا يسترها
|
|
#14
05-09-2010, 01:27 PM
|
|||
|
|||
|
اقتباس:
و قالي و قولتله و ف الآخر هو رغي و خلاص مواضيع و السلام دي حاجة تفطر
|
|
#15
05-09-2010, 01:53 PM
|
|||
|
|||
|
كل عام وانت بخير
__________________
 Avec Mes Meilleurs Voeux الأستاذ / محمود طلعت مدرس اللغة الفرنسية
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:51 PM.
