تجارة انجليزى

[samir mohammedd]

السلام عليكم ورحمة الله وبركات
ممكن اعرف ازاى ادخل تجارة انجليزى
وهل هى ليها تنسيق لوحدها ام لها تنسيق داخلى فى كلية التجارة العادية
وايه متطلباتها من حيث الانجليزى؟
وشكرا

[ياســــــــمين *]

بص , لازم تكون درجتك ف الانجلش معدية الأربعين ده بالنسبة للأقاليم ,,, اما بالنسبة للقاهرة وعين شمس بالذات احيانا يطلبوا 45 وانت طالع ,, كل سنة التنسيق الداخلى بيختلف مقدرش احددلك قوى بالسنة للقاهرة بالذات
,, كلية التجارة انجلش ليها تنسيق داخلى ,, يعنى وانت بتكتب التنسيق كده مش بيطلعلك حاجة اسمها تجارة انجلش , لا بتطلع لك تجارة العادية وبعد ما تقبل فيها ان شاء الله بتروح شئون الطلبة ف الكلية تقدم طلب التحاق بشعبة اللغة الانجليزية والكلية بتاخد العدد اللى هى محتاجاه من أكبر مجاميع من الطلاب اللى اتقدمت

[samir mohammedd]

شكرا على الرد
طيب انا جايب 44 فى الانجليزى 85.7 توتال كده مش هاينفع الحق تجارة القاهرة ولا ممكن تقبل المجموع اقل من 45
شكرا

[ياســــــــمين *]

المشاركة الأصلية كتبت بواسطة samir mohammedd

شكرا على الرد
طيب انا جايب 44 فى الانجليزى 85.7 توتال كده مش هاينفع الحق تجارة القاهرة ولا ممكن تقبل المجموع اقل من 45
شكرا

حدد أدبى ولا علمى ؟؟؟

لو علمى هيبقا صعب جدااا تقبل ف القاهرة لان السنة اللى فاتت مثلا كانت واخدة مجموع اعتبارى 423 القاهرة ,, وواخدة 414 مجموع اعتبارى بردو الشيخ زايد القاهرة
بس ممكن تقبل أقاليم وبعد كده تبقا تحول عادى

المجموع الإعتبارى معناه : مجموعك الكلى + درجة الانجليزى لوحدها + درجة المستوى لو كنت واخده انجلش

اما لو أدبى فرصتك كبيرة ومش شرط زى ما قلتلك ياخدو الانجلش فوق ال45 ,, ممكن جدا تتقبل عادى ,, انا بقول بس عشان تبقا فى الضمان حبذا لو 45 وانت طالع لو بتقدم ف القاهرة وعين شمس بالذات ,, لان عدد الطلبة اللى متقدمين بيكون كبييييييير وهما عاوزين عدد محدد ف بالتالى الأولوية ف اختيار الطلاب بتكون للطلبة اللى جايبة درجة اعلى ,, وزى ما قلتلك بتختلف من سنة للتانية فاهمنى

ربنا يوفقك

[samir mohammedd]

انا علمى علوم
طيب هل اكيد انى هقبل اقاليم انشاء الله ؟
وهل ممكن الحق كلية علوم حتى لو اقاليم؟
وشكرا على الافادة...