اجهزة الامن العربية كالكلب السمين

[روووووز]

بسم الله الرحمن الرحيم

اهلا بأعضاء المنتدى عاملين ايه يارب تكونوا بخير
انا منزلتيش موضوع من مدة لانى مش بدخل كتير الايام الاخيرة

الموضوع ده مهم جداا وانا بحب برنامج الاتجاه المعاكس لفيصل القاسم على قناة الجزيرة وطرح فى الحلقة اللى فاتت موضوع مهم جداا عن اجهزة الامن العربية وطريقة تعاملها مع الشعوب العربية كما لو كانت الشعوب عبارة عن قطيع من الدواب وهم عبارة عن مجموعة من الكلاب المتوحشة الكاسرة
وذكر رجال الامن الكويتيون وهم يظهرون على الشاشة ويضربون اعضاء البرلمان وذكر ايضا رجال الامن الاردن وهم يضربون المشجعين وهم يحتفلون بفوز فريقهم وذكر قوات الامن المصرية وقضية خالد سعيد وذكر اجهزة معظم الشعوب العربية وفضائح بعضها
وطبعا كان فى ضيوف فى البرنامج ضابط متقاعد اردنى وطبعا عشان هو ضابط لازم يشكر فى اجهزة الامن العربية وخاصة الاردن وكان فى ضيف عبر الاقمار الصناعية من لندن وهو كاتب وباحث اردنى ايضا ودار حوار عنيف جداا فى البرنامج بين الضيوف
وقال الباحث الاردنى ان اجهزة الامن العربية تعامل الشعوب العربية كما تعامل اسرائيل فلسطين وامريكا العراق ووصف اجهزة الامن بالكلب الذى سمن واكل سيده واصبح ينهش فى الشعب وطبعا كلامه كان تحديدا عن الاردن وذكر انهم يهتفون الى شارون والامريكان
والضابط المتقاعد وصف الكاتب على انه هو الجاسوس ل CIA ومن الموساد لانه عايش فى لندن وقاله متتكلمش كده عن اجهزة الامن الشريفة اللى اشرف منك احترم نفسك واتكلم كويس
رد عليه الكاتب وقاله العب غيرها فى التشويش على كلامى ههههههههه كاتب بيقول العب غيرها
وطبعا البرنامج اكتر من مرة اتوقف بسبب طريقة الكلام وعملوا فاصل اعلانى
وطبعا الضابط الاردنى مصمم ان الكاتب تبع الموساد وانه جاسوس وخائن
وكل ده بيحصل ومقدم البرنامج فيصل بشعلل فى الكلام <_<وفيصل سأل سؤال وقال ان الشرطى رمز للامن والنظام الا فى الوطن العربى عبارة عن طرطور وشرشوح
رد الضابط وقال عيب تقول الكلام ده هيبة الدولة من هيبة الاجهزة الامنية وقال اجهزة الامن هى اللى بتحمى جميع المؤسسات
قال مش انا اللى بقول الشعب اللى بيقول كده
رد الكاتب وقال ان هم اجهزة الامن العربية الاول والاخير هو ابقاء الشعب فى حالة ركود لكى يطيب العيش للحاكم ولاسرائيل واى نهضة موجودة فى الوطن العربى مفيش اى نهضة وان اجهزة الامن عبارة عن عملاء لاسرائيل وعبارة عن اوباش
(هموت واعرف يعنى ايه اوباش دى رووز اللى بتقول كده )

وفى نهاية البرنامج فيصل قال احصائيات السؤال اللى طرحه فى بداية البرنامج هل تعتقد ان اجهزة الامن العربية اصبحت عدوا للشعوب العربية ؟؟
وكانت النتيجة لصالح الكاتب اكتر من 91% نعم

ده مضمون حلقة البرنامج والسؤال هو
هل تعتقد ان اجهزة الامن العربية اصبحت عدوا للشعوب العربية ؟؟
عايزين نناقش السؤال ده هنا
بالنسبة للعنوان ده مش كلامى ده كلام البرنامج بس عجبنى التشبية ده